Lɛta Fɔ Kɔlɔse 2:3 - Krio Fɔs Oli Baybul

³ Nain de mek pipul no di sɛns we Gɔd gɛt ɛn ɔl dɛn wɔndaful tin we i sabi, we nɔbɔdi nɔ bin dɔn no fɔstɛm.

Lɛta Fɔ Kɔlɔse 2:3 Referans Kwoze

1 Kɔrint 1:24

Bɔt dɛn wan we Gɔd kɔl fɔ kam to am, Ju o, Grik o, no se Krays, we wi de tɛl una bɔt, na Gɔd in pawa ɛn na Gɔd in sɛns.

1 Kɔrint 1:30

Bɔt Gɔd dɔn mek una gɛt wanwɔd wit Jizɔs Krays; Gɔd dɔn mek Krays bi di sɛns we wi fɔ gɛt. Krays dɔn mek ɔltin rayt bitwin wi ɛn Gɔd, i dɔn mek wi bi Gɔd yon pipul ɛn i dɔn mek wi fri; na Gɔd mek Krays du ɔl dat.

Lɛta Fɔ Rom 11:33

Gɔd de sho se in sɔri bad fɔ ɔlman! Gɔd gɛt bɔku bɔku sɛns we nɔn mɔtalman nɔ gɛt ɛn i sabi ɔltin! Udat ebul ɛksplen wetindu Gɔd mekɔp fɔ du dɛn tin we i de du, ɔ ɔndastand wetin i de du?

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Matyu 10:26

“So una nɔ fred mɔtalman, natin nɔ de we ayd, we pipul nɔ go si, ɛn natin nɔ de we na sikrit, we pipul nɔ go no.

Lɛta Fɔ Kɔlɔse 3:16

Krays in wɔndaful mɛsej fɔ de insay una at ɛn i fɔ tek rut insay una at. Una fɔ de lan una kɔmpin ɛn sho dɛn wetin fɔ du, na Krays in mɛsej go gi una sɛns fɔ du dat. Una fɔ de siŋ ɛn tɛl Gɔd tɛnki wit ɔl una at, una fɔ de siŋ dɛn Sams ɛn ɔl dɛn Gɔd siŋ ɛn dɛn siŋ we Gɔd in Spirit de gi pɔsin fɔ siŋ.

Prɔvabs 2:4

Tray yu bɛst fɔ gɛt sɛns lɛkɛ aw nɔmɔ dɛn kin dig fɔ fɛn silva ɔ ɛnitin we gɛt valyu.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Job 28:21

Na tin we ayd pan ɔltin we gɛt layf, ɛn i ayd pan dɛn bɔd we de flay na di klawd.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Lɛta Fɔ Kɔlɔse 1:19

Gɔd gladi fɔ mek in Pikin gɛt ɔl wetin insɛf gɛt.

Ayzaya 11:2

Ɛn PAPA GƆD in Spirit go sidɔm pan am, di spirit fɔ sɛns ɛn fɔ ɔndastand, di spirit fɔ gi advays ɛn fɔ pawa, di spirit fɔ sabi tin ɛn fɔ fred PAPA GƆD.

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

Ayzaya 40:14

Udat I ɛva aks we sho am sɔntin, ɛn udat sho am aw fɔ trit tu pipul di sem, ɔ tich am mek i no tin, ɛn sho am aw fɔ ɔndastand sɔntin?

Lyuk 11:49

Na dat mek di wan we dɛn kɔl ‘Gɔd in Sɛns’ se, ‘A go sɛn mi prɔfɛt dɛn ɛn mi mɛsenja dɛn to dɛn, bɔt dɛn go kil sɔm ɛn dɛn go mek di ɔda wan dɛn sɔfa.’

Lɛta Fɔ Kɔlɔse 1:28

Na bɔt Krays wi de tɛl ɔlman. Wit ɔl di sɛns we Gɔd gi wi, wi de tɛl dɛn wetin nɔ fɔ du ɛn lan dɛn wetin fɔ du, so dat ɔlman go no ɔl wetin Gɔd want dɛn fɔ du, dɛn go want du am wit ɔl dɛn at, ɛn dɛn go gɛt wanwɔd wit Krays.

Pita In Sɛkɛn Lɛta 1:5

Na dat mek, fɔ jɛs biliv pan Gɔd nɔmɔ nɔ du, pantap dat, una fɔ du ɔl wetin una ebul so dat una go gud, ɛn pantap dat igen, una fɔ sabi Krays mɔ ɛn mɔ.