Lɛta Fɔ Kɔlɔse 2:2 - Krio Fɔs Oli Baybul

² Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Kɔlɔse 2:2 Referans Kwoze

Lɛta Fɔ Kɔlɔse 1:27

Gɔd mekɔp fɔ mek in yon pipul dɛn no dis wɔndaful, wɔndaful mɛsej we nɔbɔdi nɔ bin no fɔs tɛm, ɛn i mekɔp fɔ mek ɔlman yɛri am. Dis wɔndaful tin ya na we Krays de insay una at ɛn dat go mek una de wit Gɔd di say we i de rul.

Lɛta Fɔ Kɔlɔse 4:8

A de sɛn am go to una so dat wɛn i tɛl una wetin de bi na ya, dat go kɔrej una.

Lɛta Fɔ Ɛfisɔs 6:22

A de sɛn Taychikɔs fɔ tɛl una ɔl wetin de bi to mi ɛn fɔ kɔrej una.

Lɛta Fɔ Kɔlɔse 3:14

Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Filipay 3:8

Natin sɛf nɔ de na wɔl we min ɛnitin to mi igen fɔseka Krays, bikɔs fɔ no am bɛtɛ fawe pas ɛnitin na wɔl. Fɔ in sek a dɔn lɛf ɔltin so dat Krays go tek mi lɛkɛ in yon. Ɔl dɛn tin we a bin de du fɔstɛm, a luk se dɛn nɔ bɛtɛ naw, bikɔs Krays dɔn bi mi gen;

Lɛta Fɔ Filipay 2:1

Una nɔ biliv se we una gɛt wanwɔd wit Krays, dat fɔ mek una de kɔrej unasɛf? We Krays lɛk una, dat fɔ mek una tap fɔ wɔri? Una nɔ fil se Gɔd in Spirit we de insay una dɔn mek una ɔl bi wan? Una de sɔri fɔ una kɔmpin ɛn una want du gud fɔ dɛn?

Ayzaya 53:11

I go si di bɛnifit fɔ di pen we in sol sɔfa, ɛn i go satisfay; na bay in sɛns di pɔsin we de waka tret na PAPA GƆD in yay, we na mi wokman, mek PAPA GƆD kɔnt bɔku pipul dɛn se, dɛn de waka tret nain yay; ɛn i go tot dɛn sin dɛm.

Pita In Sɛkɛn Lɛta 1:3

We wi no am, i dɔn gi wi ɔltin we wi fɔ gɛt fɔ mek wi ebul liv lɛkɛ aw i want mek wi liv bay in pawa. Gɔd kɔl wi fɔ mek wi gɛt pan di wɔndaful ɔna ɛn pawa we i gɛt ɛn mek wisɛf gud lɛkɛ aw i gud.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Jɔn 10:30

Mi ɛn mi Papa na wan.”

Jɔn 6:69

Ɛn naw wi dɔn biliv ɛn wi no se, yu na Gɔd yon pɔsin ɛn na yu Gɔd sɛn kam to wi.”

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Di Ibru Pipul Dɛn 6:11

Di tin we de na wi at we wi want una fɔ du, na fɔ mek una ɔl de tray fɔ du wetin Gɔd want sote una day, ɛn mek una nɔ tap fɔ du am, so dat una go gɛt dɛn tin we Gɔd gɛt fɔ una we una abop fɔ gɛt.

Lɛta Fɔ Kɔlɔse 1:9

Na dat mek frɔm di de we wi yɛri bɔt una, wi de pre fɔ una ɔltɛm. Wi de aks Gɔd mek in Spirit gi una sɛns ɛn mek una sabi bɔt am, so dat una go no wetin Gɔd want una fɔ du, ɛn una nɔ go dawt.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

1 Kɔrint 2:12

Nɔto di wɔl yon spirit wi gɛt, na Gɔd in yon Spirit wi gɛt; nain go mek wi no wetin Gɔd de gi wi fri.

Jɔn 17:3

Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.

Jɔn 16:15

Ɔl wetin mi Papa gɛt na mi yon, na dat mek a se Papa Gɔd in Spirit go tɛl una wetin a tɛl am.

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Jɔn 5:17

Jizɔs se, “Mi Papa de wok ɔltɛm, ɛn misɛf fɔ wok.”

Matyu 11:27

“Mi Papa dɔn gi mi pawa oba ɔltin. Nɔbɔdi nɔ sabi Gɔd in Pikin pas di Papa wangren; nɔbɔdi nɔ sabi di Papa pas in Pikin wangren, ɛn ɛnibɔdi we di Pikin pik fɔ tɛl bɔt di Papa.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Jɛrimaya 9:24

bɔt le udat de bost, bost se in ɔndastand mi ɛn no mi, ɛn dat mi na PAPA GƆD we mi lɔv nɔ de shek, a de trit ɔlman di sem, ɛn a de waka tret na dis wɔl; bikɔs na dɛn tin ya de mek a gladi; na so PAPA GƆD se.

Ayzaya 40:1

Una koks, una koks mi pipul dɛn na so una Gɔd se.

Ayzaya 32:17

Ɛn fɔseka we pipul de waka tret na PAPA GƆD in yay, kolat go de, ɛn fɔseka we pipul de waka tret na PAPA GƆD in yay, kwayɛtnɛs ɛn trɔst de sote go.

Di Sam Dɛm 133:1

I fayn ɛn i swit wɛn PAPA GƆD in pipul gɛda wit wan at fɔ wɔship am.

Jɔn In Fɔs Lɛta 5:7

Na tri witnɛs de:

Jɔn In Fɔs Lɛta 3:19

Na dat go mek wi no se wi de fɔ wetin na tru ɛn na dat go mek wi nɔ wɔri wɛn wi tinap bifo Gɔd.

Pita In Sɛkɛn Lɛta 3:18

Una fɔ lan mɔ ɛn mɔ bɔt wi Masta Jizɔs Krays we sev wi, ɛn una fɔ no aw Gɔd gud mɔ ɛn mɔ. Nain gɛt pawa ɛn ɔna frɔm naw sote go! Emɛn.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Fɔs Lɛta Fɔ Tɛsalonayka 5:14

Wi brɔda dɛn, wi de beg una fɔ tɛl dɛn pipul we nɔ want du natin se dat nɔ rayt, una fɔ kɔrej dɛn pipul we de fred, una fɔ ɛp dɛn pipul we nɔ ɔndastand Gɔd biznɛs gud, ɛn una fɔ bia wit ɔlman.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Fɔs Lɛta Fɔ Tɛsalonayka 1:5

Na wi fɔs tɛl una di Gud Nyuz bɔt Jizɔs Krays. Wi nɔ bin jɛs tɔk nɔmɔ, wi du wɔndaful tin dɛn wit Gɔd in Spirit pawa ɛn wi sho una se wi biliv wit ɔl wi at se di Gud Nyuz na tru. Una no di layf we wi bin liv wɛn wi bin de wit una, ɔl dat na bin fɔ ɛp una.

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

1 Kiŋ 3:28

Wɛn ɔlman na Izrɛl yɛri di kiŋ in jɔjmɛnt, dɛn ɔl fred ɛn rɛspɛkt am bikɔs dɛn no se na PAPA GƆD gi am da sɛns de fɔ jɔj da kayn we de.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Lyuk 1:1

Ɔnarebul Tiofilɔs, yu no se plɛnti pipul dɔn bigin rayt ɔl dɛn wɔndaful tin we dɔn bi na ya.

Lɛta Fɔ Rom 2:4

Ɔ sɔntɛm una nɔ luk di gud we Gɔd gud, di bia we i de bia wit una, ɛn we i nɔ de pɔnish una naw, lɛkɛ ɛnitin. Di tin we mek Gɔd gud to una na bikɔs i de tray fɔ mek una lɛf fɔ du bad ɛn kam to am.

1 Kɔrint 14:31

Una ɔl kin tɔk di mɛsej we Gɔd gi una, wan bay wan, so dat ɔlman go lan ɛn ɔlman go tek kɔrej.

Lɛta Fɔ Ɛfisɔs 1:7

Bikɔs Krays day na di krɔs fɔ sev wi, wi dɔn fri ɛn Gɔd dɔn padin wi sin. Gɔd gud to wi, mɔt sɛf nɔ ebul tɔk am. Gɔd tek sɛns ɛn sabi

Lɛta Fɔ Ɛfisɔs 3:3

Gɔd dɔn sho mi di plan we i bin ayd. A bin dɔn rayt una lili bit bɔt dat.

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Kɔlɔse 1:26

Bifo naw, ɔl di tɛm, Gɔd nɔ bin mek ɛnibɔdi na wɔl no dis mɛsej ya, bɔt i dɔn tɛl in yon pipul dɛn naw.

Lɛta Fɔ Kɔlɔse 2:19

Pipul lɛkɛ dɛn wan ya dɔn tap fɔ biliv pan Krays we na di ed fɔ di bɔdi, dat na di chɔch. Na Krays de kɔntrol di bɔdi. I de fid am fɔ mek i gro, i mek ɔl di difrɛn pat dɛn jɔyn to dɛn kɔmpin ɛn fasin gud, ɛn di bɔdi de gro lɛkɛ aw Gɔd want mek i gro.

Lɛta Fɔ Kɔlɔse 4:3

Ɛnitɛm we una de pre, una pre fɔ wi, so dat Gɔd go gi wi chans fɔ tɛl pipul in mɛsej bɔt Krays, we di pipul dɛn nɔ bin yɛri yet. A de na jel naw bikɔs a de tɛl pipul dis mɛsej ya.