Lɛta Fɔ Kɔlɔse 1:7 - Krio Fɔs Oli Baybul

⁷ Ɛpafras, we wi lɛk, ɛn we de du Krays in wok de fɔ wi, nain bin tɛl una aw Gɔd lɛk una ɛn aw i gud to una. I siriɔs pan di wok we i de du fɔ Krays. I bin de ɛp wi fɔ tɛl una di Gud Nyuz.

Lɛta Fɔ Kɔlɔse 1:7 Referans Kwoze

Lɛta Fɔ Kɔlɔse 4:12

Ɛpafras, we na wan pan una, ɛn we de wok fɔ Jizɔs lɛkɛ unasɛf, insɛf de tɛl una adu. I de pre fɔ una wit ɔl in at; i de pre mek una nɔ tap fɔ biliv pan Gɔd, mek una shɔ bɔt wetin una biliv, mek una no ɔl wetin una fɔ no bɔt Gɔd, ɛn mek una du ɔl wetin Gɔd want una fɔ du.

Faylimɔn 1:23

Ɛpafras, we wi ɔl tu de jel fɔseka Jizɔs Krays, tɛl una adu.

Di Ibru Pipul Dɛn 2:17

Na dat mek, i bin tan lɛkɛ aw in brɔda dɛn tan pan ɔltin, so dat i go sɔri fɔ dɛn ɛn wok fɔ Gɔd wit ɔl in at, lɛkɛ di edman we de mek sakrifays fɔ pipul sin, we i bi, so dat i go padin ɔl Gɔd in pipul dɛn sin.

Lɛta Fɔ Kɔlɔse 4:7

Taychikɔs go tɛl una ɔl wetin de bi to mi; na Kristiɛn lɛkɛ wisɛf, ɛn insɛf de wok fɔ di Masta; wi lɛk am ɛn wi trɔs am.

Di Ibru Pipul Dɛn 3:2

Na Gɔd pik Jizɔs fɔ du in wok, ɛn Jizɔs du ɔl wetin Gɔd bin want lɛkɛ aw i bin want mek i du am, lɛkɛ aw Mozis bin du wetin Gɔd bin want am fɔ du fɔ Gɔd in pipul dɛn.

Sɛkɛn Lɛta To Timoti 2:2

Dɛn wɔd we yu kin yɛri a de tɛl plɛnti pipul, yusɛf fɔ tɛl dɛn pipul we yu kin abop pan, we go kip dɛn na dɛn at, so dat dɛnsɛf go ebul lan ɔda pipul dɛn sem tin ya.

Lɛta Fɔ Filipay 2:25

A tink se i go gud fɔ mek a sɛn Ɛpafrodaytɔs, we biliv Krays lɛkɛ wisɛf, go bak to una. Na una bin sɛn am kam to mi ɛn i kin ɛp mi ɛnitɛm we a want sɔntin. I de wok wit mi, ɛn insɛf na Krays soja man.

2 Kɔrint 11:23

Dɛn na Krays in savant? I tan lɛkɛ se na kresman de tɔk, bɔt mi na bɛtɛ savant pas dɛn! A de wok pas dɛn fawe, a dɔn go jel plɛnti tɛm pas dɛn, dɛn dɔn bit mi pas dɛn, day dɔn mis mi plɛnti tɛm pas dɛn.

1 Kɔrint 4:2

Ɛn igen, ɔl dɛn wan we de du ɛni kayn wok we dɛn masta tɛl dɛn fɔ du, fɔ put ɔl dɛn at pan di wok.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

1 Kɔrint 7:25

Naw, na dɛn wan we nɔ mared a de tɔk bɔt: Gɔd nɔ tɛl mi wetin a fɔ tɛl dɛn fɔ du, na mi yon advays a de gi dɛn. A fil se Gɔd we gud to mi dɔn gi mi sɛns, so dat wɛn a de tɔk, pipul kin biliv wetin a de tɛl dɛn.

1 Kɔrint 4:17

Na di rizin dis we mek a de sɛn Timoti go to una. I tan lɛkɛ mi pikin we a sho di Masta in we; a lɛk am bad; i de du wetin di Masta tɛl am fɔ du. I go mɛmba una bɔt dɛn rul we de gayd mi we a de waka na di nyu layf we Krays Jizɔs gi mi, ɛn we a de tich pipul na ɔl dɛn chɔch.

Matyu 25:21

In masta se, ‘Yu du wɛl, yu na gud bɔy we tru to in masta; yu dɔn du wɛl pan smɔl wok we a gi yu fɔ du, naw a go gi yu plɛnti big wok fɔ du. Kam ɛnjɔy wit yu masta!’

Matyu 24:45

“Udat na di bɔy we tru to in masta ɛn we gɛt sɛns? Na di bɔy dat we in masta go mek edman fɔ ɔl di ɔda bɔy dɛn na di os, wɛn i de go patrol, ɛn di masta go tɛl am fɔ gi di ɔda bɔy dɛn, dɛn it wɛn di rayt tɛm rich.

Di Nɔmba Dɛm 12:7

Bɔt nɔto so a de dil wit mi savant, Mozis. Pan ɔl mi pipul dɛn, nain nɔmɔ nɔ de kɔmɔt biɛn mi.

Matyu 18:29

In kɔmpin ɔfisa nil dɔŋ ɛn beg am, i se, ‘Duya, bia wit mi, a go pe yu.’

Lɛta Fɔ Kɔlɔse 4:9

Wan ɔda Kristiɛn, Onɛsimɔs, we wi lɛk ɛn we wi trɔs, go fala Taychikɔs go to una; na wan pan una. In ɛn Taychikɔs go tɛl una ɔl wetin de bi na ya.