Lɛta Fɔ Kɔlɔse 1:12 - Krio Fɔs Oli Baybul

¹² Una fɔ gladi ɛn tɛl wi Papa tɛnki fɔ we i mek una bi pipul we fit fɔ gɛt pan di tin we i dɔn prɔmis fɔ gi in pipul dɛn we i de rul ɛn we de na layt.

Lɛta Fɔ Kɔlɔse 1:12 Referans Kwoze

Apɔsul Dɛn Wok 20:32

“Naw a de lɛf una na Gɔd an ɛn a lɛf in wɔd we de tɔk bɔt aw Gɔd gud, gi una. Gɔd go ɛp una fɔ biliv pan Jizɔs gud gud ɛn I go gi una di blɛsin we i dɔn prɔmis fɔ gi dɛn pipul we biliv pan am.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Lɛta Fɔ Ɛfisɔs 1:18

A de beg Gɔd igen fɔ mek i opin una at so dat una go no se Gɔd dɔn kɔl una fɔ kam to insɛf, ɛn una go abop fɔ gɛt layf we go de sote go, ɛn fɔ mek una go no di big blɛsin we Gɔd dɔn prɔmis una we nain yon pipul,

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lɛta Fɔ Ɛfisɔs 3:6

Di sikrit we a de tɔk bɔt nain dis: Wɛn dɛn pipul we nɔto Ju biliv di Gud Nyuz lɛkɛ aw di Ju pipul dɛn biliv, Gɔd gi dɛn di sem blɛsin. Jizɔs Krays dɔn mek dɛn pipul we nɔto Ju ɛn di Ju pipul dɛn bi wan, ɛn i dɔn mek dɛn gɛt ɔl wetin Gɔd bin dɔn prɔmis dɛn.

2 Kɔrint 5:5

Na Gɔd dɔn rɛdi dis nyu os fɔ wi ɛn i dɔn gi wi in Spirit fɔ mek wi no fɔ tru se i dɔn gɛt ɔl dɛn tin ya fɔ wi.

Lɛta Fɔ Rom 8:17

We wi na Gɔd in pikin dɛn, wi go gɛt dɛn blɛsin we Gɔd dɔn prɔmis in pipul dɛn, semwe so, wi gɛt pan wetin Gɔd bin kip fɔ Krays. If wi sɔfa lɛkɛ aw Krays sɔfa, Gɔd go mek di wɔndaful layf we Krays gɛt bi wi yon.

Di Ibru Pipul Dɛn 3:14

Una fɔ mɛmba se, if wi put wi at pan ɔl wetin Gɔd tɛl wi se in go du lɛkɛ aw wi bin de du di tɛm we wi jɛs bi Kristiɛn, ɛn wi nɔ tap fɔ du dat, wi go gɛt pan ɔl wetin Krays gɛt.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Lɛta Fɔ Kɔlɔse 2:2

Di tin we mek a want du so na fɔ mek dɛn gɛt kɔrej ɛn mek dɛn ɔl gɛt wan at ɛn lɛk dɛn kɔmpin mɔ ɛn mɔ. Dat go mek dɛn ɔndastand wetin tru gud gud ɛn dɛn go biliv fɔ shɔ, dɛn nɔ go dawt igen. Na so dɛn go tek no wetin Gɔd bin ayd frɔm dɛn, dat na Krays insɛf.

Lɛta Fɔ Ɛfisɔs 5:20

Una fɔ tek wi Masta Jizɔs Krays in nem tɛl Papa Gɔd tɛnki ɔltɛm fɔ ɔltin.

1 Kɔrint 8:6

wi stil no se na wangren Gɔd de, we na wi Papa, we mek ɔltin ɛn nain gɛt wi layf; ɛn wi no se na wangren Masta de, dat na Jizɔs Krays we mek ɔltin, ɛn we gi wi layf.

Lɛta Fɔ Rom 15:27

Na di mɛmba dɛnsɛf mekɔp fɔ du dat. Ɛn, fɔ tru, dɛn fɔ ɛp dɛn Kristiɛn pipul we nɔ gɛt natin na Jerusɛlɛm. Di Ju dɛn bin dɔn gi dɛn pipul we nɔto Ju pan Gɔd in blɛsin we dɛn mek dɛn yɛri di Gud Nyuz bɔt Krays, so dɛn Kristiɛn we nɔto Ju, dɛnsɛf fɔ ɛp dɛn Ju Kristiɛn wit dɛn tin lɛkɛ mɔni so.

Prɔvabs 16:1

Man go de mek in plan nain at, bɔt na PAPA GƆD gɛt di las se.

Prɔvabs 4:18

Bɔt di rod we pɔsin we de waka tret na PAPA GƆD in yay de waka tan lɛk we san de grap, we i de shayn brayt brayt wan te di ples klia.

Jems 3:9

Tɛm de we wi kin tek wi mɔt tɛl wi Masta ɛn wi Papa tɛnki, bɔt ɔda tɛm wi kin tek di sem mɔt kɔs mɔtalman we Gɔd mek lɛkɛ insɛf.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

Lɛta Fɔ Kɔlɔse 3:17

Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Ɛfisɔs 5:4

Una nɔ fɔ tɔk bad, fulish, ɔ dɔti wɔd, bɔt una fɔ de tɛl Gɔd tɛnki.

Lɛta Fɔ Ɛfisɔs 4:6

na wan Gɔd we na wi Papa we de rul wi ɔl, de wok insay wi ɔl ɛn de insay wi.

1 Kɔrint 9:23

Ɔl dɛn tin ya we a de du na fɔ mek di Gud Nyuz go prɛd ɔlɔbɔt, ɛn mek mi ɛn una gɛt pan dɛn blɛsin we di Gud Nyuz de briŋ fɔ wi.

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛta Fɔ Rom 9:23

Ɛn igen, i bin want sho mɔtalman aw I wɔndaful, so I dɔn mek wi we I sɔri fɔ no aw I wɔndaful, dat na dɛn wan pan wi we I bin dɔn du ɔltin fɔ lɔntɛm fɔ mek wi rɛdi fɔ gɛt pan di big pawa ɛn ɔna we insɛf gɛt.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Jɔn 4:23

Bɔt di tɛm de kam ɛn i dɔn kam sɛf naw we Gɔd in Spirit go mek pipul ebul pre to Gɔd we na di Papa di rayt we, ɛn wɛn dɛn de pre dɛn go de mɛmba udat dɛn de pre to, fɔ tru.

Matyu 25:34

Dɔn di Kiŋ go tɛl dɛn pipul we tret na Gɔd in yay se, ‘Una kam, una we mi Papa dɔn blɛs! Una kam, tek di ples we una fɔ gɛt ɔnda Gɔd in rul, i bin dɔn rɛdi da ples de fɔ una frɔm we i mek di wɔl.

Daniɛl 2:23

Yu we na mi papa dɛn PAPA GƆD, A de tɛl yu tɛnki ɛn prez yu bikɔs na yu dɔn gi mi sɛns ɛn trɛnk, ɛn yu dɔn mek a no naw wetin wi bin de aks yu fɔ, bikɔs yu dɔn mek wi no di kiŋ in prɔblɛm.”

Di Sam Dɛm 116:7

A go put mi at dɔŋ, bikɔs PAPA GƆD dɔn du gud fɔ mi.

Di Sam Dɛm 97:11

Ɔl udat lɛk PAPA GƆD ɛn de du tin tret wan go si dɛn we klia as PAPA GƆD in blɛsin go shayn lɛk layt pan dɛn.

Di Sam Dɛm 79:13

Dɛn wi, yu pipul, we yu dɔn de mɛn lɛkɛ ship, go prez yu sote go; wi pikin dɛn go de prez yu ɔltɛm frɔm wan jɛnareshɔn te rich di ɔda wan.

Di Sam Dɛm 36:9

Na yu de gi layf ɛn nainsay yu wi de si wi we klia na layf.

1 Kronikuls 29:20

Nain Devid tɛl dɛn ɔl we gɛda de se, “Blɛs PAPA GƆD we na una Gɔd.” Nain dɛn ɔl we gɛda de blɛs PAPA GƆD we na dɛn papa dɛn Gɔd, ɛn butu dɛn ed na grɔn ɛn wɔship PAPA GƆD, ɛn baw to di kiŋ.

1 Kiŋ 6:7

Bikɔs na kwari dɛn bin dɔn kɔt kɔt ɔl di ston dɛn fɔ bil di tɛmpul, dɛn nɔ bin gɛt wan kɔz fɔ yuz ama, chisul ɔ ɛni ayɛn tul wɛn dɛn de bil di os fɔ PAPA GƆD. Nɔn nɔys nɔ bin de de.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Jɔn In Fɔs Lɛta 1:3

Wi de tɛl una bɔt wetin wi dɔn si ɛn yɛri, so dat wi ɔl go jɔyn an togɛda. We wi jɔyn an togɛda na wit di Papa ɛn in Pikin, Jizɔs Krays.

Pita In Fɔs Lɛta 5:1

Mi, Pita, na wan pan dɛn bigman na chɔch we de sho pipul di wok we dɛn fɔ du. A si we Krays de sɔfa wit mi yon yay, ɛn a no se misɛf go de wit am di tɛm we i go kam bak, wɛn Gɔd go mek ɔlman si in pawa ɛn misɛf go gɛt pan da big blɛsin de. A de beg una dɛn bigman na chɔch.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

2 Kɔrint 11:14

Una nɔ fɔ wɔnda, bikɔs Setan insɛf kin chenj, mek insɛf lɛkɛ enjɛl we de briŋ layt.

Lɛta Fɔ Ɛfisɔs 2:18

Di tin we Krays dɔn du fɔ ɔlman mek wi ebul fɔ kam klos Gɔd we na wi Papa bay Gɔd in Spirit.

Lɛta Fɔ Ɛfisɔs 5:8

Una bin de na dak, bɔt naw una dɔn bi di Masta in yon pipul, una dɔn de na di layt, una fɔ liv lɛkɛ pipul we de na di layt.

Lɛta Fɔ Ɛfisɔs 5:11

Una nɔ du dɛn tin we dɛn ɔda pipul de du we nɔ go ɛp nɔbɔdi, na dɛn pipul we de na dak de du dɛn kayn tin ya; bɔt una fɔ briŋ dɛn tin ya kam na layt.