Lɛta Fɔ Kɔlɔse 1:11 - Krio Fɔs Oli Baybul

¹¹ A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Lɛta Fɔ Kɔlɔse 1:11 Referans Kwoze

Lɛta Fɔ Ɛfisɔs 3:16

A de pre mek Gɔd we gɛt ɔltin ɛn we gɛt wɔndaful pawa fɔ tek ɛp ɔlman, mek in Spirit gi una pawa fɔ mek una gɛt wanwɔd.

Lɛta Fɔ Filipay 4:13

A ebul du ɔltin bikɔs Krays de mek a ebul.

Lɛta Fɔ Ɛfisɔs 4:2

Una nɔ fɔ lif unasɛf ɔp ɛn una fɔ de bia wit una kɔmpin fɔ sho se una lɛk dɛn.

Lɛta Fɔ Ɛfisɔs 6:10

Mek a tɛl una dis las wɔd bifo a dɔn wetin a de tɔk: Di wanwɔd we una gɛt wit Krays fɔ mek una abop pan di Masta in trɛnk ɛn di pawa we i gɛt.

2 Kɔrint 4:7

Dis wɔndaful layt ɛn pawa we di Spirit de gi, ɛn we mɔni nɔ ebul bay, de insay wi we jɛs tan lɛkɛ kɔntri pɔt. Dat sho se di pawa fɔ kɔntrol ɔltin de na Gɔd in an, i nɔ de na wi an.

Apɔsul Dɛn Wok 5:41

Di apɔsul dɛn bin gladi bad wɛn dɛn de kɔmɔt na di Ju gran kot bikɔs dɛn bin no se Gɔd pik dɛn fɔ sɔfa fɔseka Jizɔs.

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.

Pita In Sɛkɛn Lɛta 1:6

Pantap dat, una fɔ ebul kɔntrol unasɛf; pantap dat, una fɔ de bia, ɛn pantap dat una layf fɔ sho se una na Gɔd pipul.

Ɛksodɔs 15:6

E PAPA GƆD, yu na PAPA GƆD we gɛt pawa, yu yuz dis pawa fɔ nyakanyaka yu ɛnimi dɛn.

Lɛta Fɔ Rom 2:7

Sɔm pipul de du gud ɔltɛm, dɛn want mek Gɔd prez dɛn, gi dɛn ɔna, ɛn layf we nɔ go dɔn. Gɔd go gi dɛn layf we go de sote go.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Ayzaya 45:24

“Dɛn go tɔk bɔt mi se, na PAPA GƆD nɔmɔ de waka tret ɛn gɛt trɛnk; ɔl di wan dɛn we bin de vɛks pan am go shem ɛn kan to am.

Prɔvabs 24:10

If yu giv ɔp di tɛm we prɔblɛm mit yu, wɛl, yu nɔto bɛtɛ pɔsin.

Di Sam Dɛm 63:2

A dɔn si yu na yu os, na de a ebul si yu pawa ɛn glori

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.