Lɛta Fɔ Kɔlɔse 1:1 - Krio Fɔs Oli Baybul

¹ Na mi Pɔl we Gɔd pik fɔ bi Jizɔs Krays in apɔsul lɛkɛ aw i want, ɛn Timoti we na wi Kristiɛn brɔda, de sɛn dis lɛta.

Lɛta Fɔ Kɔlɔse 1:1 Referans Kwoze

2 Kɔrint 1:1

Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris.

Faylimɔn 1:1

Mi, Pɔl, we de na jel fɔseka Jizɔs Krays, mi ɛn wi brɔda Timoti, de rayt yu, Faylimɔn, wi Kristiɛn brɔda we de ɛp wi pan di wok.

1 Kɔrint 1:1

Na mi, Pɔl, we Gɔd kɔl fɔ bi Jizɔs Krays in apɔsul, ɛn wi brɔda Sɔstinis,

Fɔs Lɛta Fɔ Tɛsalonayka 1:1

Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Lɛta Fɔ Rom 1:1

Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Sɛkɛn Lɛta Fɔ Tɛsalonayka 1:1

Mi, Pɔl, Saylas ɛn Timoti de sɛn dis lɛta to una di chɔch mɛmba dɛn na Tɛsalonayka; una na Gɔd we na wi Papa ɛn Masta Jizɔs Krays yon pipul.

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Apɔsul Dɛn Wok 16:1

Pɔl go sote i rich Dabi ɛn Listra. I mit wan Kristiɛn man na Listra we bin nem Timoti. In mama na bin Ju uman we bin biliv pan di Masta, bɔt Timoti in papa na bin Grik man.

Di Ibru Pipul Dɛn 13:23

A want mek una no se dɛn dɔn pul wi brɔda Timoti kɔmɔt na jel. If i kam kwik, a go briŋ am kam wɛn a de kam to una.