Apɔsul Dɛn Wok 9:3 - Krio Fɔs Oli Baybul

³ Sɔl bin de na rod de go Damaskɔs; as i de rich klos di tɔŋ, wantɛm, nain brayt layt lɛkɛ laytin we kɔmɔt na di klawd shayn pan am.

Apɔsul Dɛn Wok 9:3 Referans Kwoze

1 Kɔrint 15:8

Na mi las i sho insɛf to, pan ɔl we mi na di las pɔsin we fit fɔ si am.

Apɔsul Dɛn Wok 22:6

“Wan santɛm we a bin de go Damaskɔs, a bin dɔn de rich, nain brayt layt we kɔmɔt ɔp klawd shayn pan mi.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Fɔs Lɛta To Timoti 6:16

Nain wangren nɔ de day, ɛn i de na layt we mɔtalman nɔ ebul kam klos, nɔ mɔtalman nɔ si am yet ɛn nɔ mɔtalman nɔ ebul si am. Mek wi rɛspɛkt am ɛn mek in pawa rul di wɔl sote go! Emɛn.

Rɛvɛleshɔn 22:5

Nɛt nɔ go de na da tɔŋ de; pipul nɔ go nid lamp ɛn di san in layt igen, bikɔs Gɔd we na wi Masta nainsɛf go bi di layt we go layt di tɔŋ. Ɛn di pipul dɛn we de na ɛvin go rul lɛkɛ kiŋ sote go.

Apɔsul Dɛn Wok 9:17

So Ananayas go; i go insay di os ɛn put in an pan Sɔl in ed ɛn pre fɔ am. I se, “Mi brɔda Sɔl, di Masta, Jizɔs we tɔk to yu wɛn yu bin de na rod de kam na ya, sɛn mi to yu. I sɛn mi fɔ kam pre fɔ yu mek yu go si bak ɛn fɔ mek Gɔd in Spirit kam insay yu.”

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Apɔsul Dɛn Wok 9:27

Banabas ɛp Sɔl, i kɛr am go to di apɔsul dɛn. I tɛl dɛn se Sɔl si di Masta na rod ɛn di Masta tɔk to am. Banabas tɛl dɛn se Sɔl nɔ bin fred fɔ tɔk bɔt Jizɔs wɛn i de tɔk to di pipul dɛn na Damaskɔs.

1 Kɔrint 9:1

Misɛf nɔto fri man? Ɛn pantap dat, mi nɔto apɔsul? A nɔ dɔn si wi Masta Jizɔs wit mi yon yay? Nɔto we a wok fɔ di Masta mek una biliv am?