Apɔsul Dɛn Wok 9:2 - Krio Fɔs Oli Baybul

² go aks am fɔ gi am pepa we go sho se i gɛt pawa fɔ go insay di Ju mitin os na Damaskɔs, so dat if i mit ɛnibɔdi we de waka aw di Masta se pipul fɔ waka, i go ol di pɔsin, man ɔ uman, kɛr am go bak na Jerusɛlɛm.

Apɔsul Dɛn Wok 9:2 Referans Kwoze

Apɔsul Dɛn Wok 19:23

Da sem tɛm de, big fɛt bin bi na Ɛfisɔs, ɛn na we Pɔl tɔk bɔt di Masta in We mek di fɛt bi.

Apɔsul Dɛn Wok 19:9

Sɔm pan di pipul dɛn bin traŋayes, dɛn nɔ bin biliv pan Krays, dɔn dɛn kin de tɛl di ɔda pipul dɛn bad tin bɔt di We, we di Masta se ɔlman fɔ liv; so Pɔl lɛf dɛn go. Wɛn i de go, i tek di Kristiɛn dɛn go. Pɔl bigin go na Tayranɔs in skul fɔ lan di pipul dɛn we bin de go de.

Apɔsul Dɛn Wok 24:14

A gri se a de fala di nyu We wɛn a de pre to di Gɔd we wi grampapa papa dɛn bin de pre to, pan ɔl we di Ju pipul dɛn se dis We ya nɔ rayt. A biliv ɔl wetin de na di Lɔ we Gɔd bin gi Mozis ɛn ɔl wetin dɛn prɔfɛt bin rayt.

Apɔsul Dɛn Wok 24:22

Gɔvna Filiks bin no bɔt di Masta in We so i se, “A go kɔl di kes wɛn di soja dɛn edman, Lisias kam.”

Apɔsul Dɛn Wok 18:25

Dɛn bin dɔn lan am bɔt di Masta in We. Apɔlɔs bin gladi fɔ tɔk bɔt Jizɔs ɛn di tin dɛn we i bin de lan di pipul dɛn na bin tru, bɔt na aw Jɔn de baptayz nɔmɔ i bin sabi.

Apɔsul Dɛn Wok 9:14

Naw di bigman we de mek sakrifays fɔ pipul sin dɔn gi Sɔl pepa we gi am pawa fɔ kam na Damaskɔs ɛn ol ɛnibɔdi we de pre to yu.”

Apɔsul Dɛn Wok 26:12

“Dɛn bigman we de mek sakrifays fɔ pipul sin bin sɛn mi go Damaskɔs wit lɛta we sho se dɛn gi mi di pawa fɔ du ɛnitin wit di Kristiɛn dɛn.

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Apɔsul Dɛn Wok 6:9

Bɔt sɔm pipul na di Ju mitin os we dɛn bin de kɔl “fri pipul” nɔ bin gri wit Stivin. Dɛn na bin Ju pipul we kɔmɔt Sayrini ɛn Alɛgzanda, ɛn sɔm ɔda Ju pipul dɛn we kɔmɔt Silishia ɛn wan smɔl ples we dɛn kɔl Eshya.

Jɛnɛsis 14:15

Dɔn i sheb dɛn to difrɛn difrɛn grup. Dɛn atak di ɛnimi na nɛt ɛn bit dɛn. Ebram bin rɔnata dɛn ɔda wan dɛn sote dɛn rich na Oba, we de na di nɔtan say na Damaskɔs.

Ayzaya 17:1

Wetin PAPA GƆD se go apin to Damaskɔs. A de tɛl una, Damaskɔs nɔ go bi siti igen, ɛn i go tan lɛk ples we broko broko tin dɛn pak.

Jɛrimaya 49:23

Dis na bɔt Damaskɔs “Amat ɛn Apad dɔn kɔnfyus, bikɔs dɛn dɔn yɛri bad bad nyuz; dɛn fred bad bad wan, dɛn at de wɔri lɛk di si, we nɔ ebul de wanples ɛn nɔ mek nɔys.

Matyu 10:17

Una go kɛlɛkɛlɛ, bikɔs di Ju pipul dɛn go ol una ɛn kɛr una go kot, ɛn dɛn go bit una na dɛn Ju mitin os.

Jɔn 14:6

Jizɔs se, “Mi na di rod we fɔ pas go to Gɔd, na mi de tɛl pipul wetin tru bɔt Gɔd, na mi de gi pipul di tru layf; nɔbɔdi nɔ go kam to mi Papa pas di pɔsin pas tru mi.”

Apɔsul Dɛn Wok 9:21

Ɔl dɛn pipul we bin yɛri wetin Sɔl de tɔk, wɔnda; dɛn se, “Nɔto dis man bin de kil dɛn pipul na Jerusɛlɛm we bin de kɔl Jizɔs in nem? I nɔ bin kam na ya fɔ ol dɛn pipul we de kɔl Jizɔs in nem ɛn kɛr dɛn go bak to dɛn bigman we de mek sakrifays fɔ pipul sin?”

Apɔsul Dɛn Wok 26:10

A du dat na Jerusɛlɛm. Dɛn bigman we de mek sakrifays fɔ pipul sin gi mi pawa fɔ jel ɛn kil di Kristiɛn dɛn so a bin jel plɛnti Kristiɛn dɛn ɛn wɛn dɛn bin de kil di Kristiɛn dɛn, a kin tɔk bad bɔt dɛn.

2 Kɔrint 11:32

Wɛn a bin de na Damaskɔs, di gɔvna we bin de ɔnda Kiŋ Aritas sɛn soja man dɛn go na Damaskɔs gɛt fɔ go ol mi.

Lɛta Fɔ Galeshya 1:17

ɛn a nɔ bin go to dɛn fɔs apɔsul na Jerusɛlɛm fɔ tɔk to dɛn. A bin jɛs go Are bia, dɔn a tɔn bak go Damaskɔs.