Apɔsul Dɛn Wok 8:7 - Krio Fɔs Oli Baybul

⁷ Dɛn dɛbul kin ala lawd wan we dɛn de kɔmɔt insay pipul. Plɛnti pipul we nɔ bin ebul waka, bigin waka.

Apɔsul Dɛn Wok 8:7 Referans Kwoze

Matyu 10:1

Jizɔs kɔl in twɛlv lanin bɔy dɛn wan ples ɛn gi dɛn pawa fɔ drɛb dɛbul ɛn mɛn ɔl kayn sik.

Apɔsul Dɛn Wok 5:16

Plɛnti pipul kɔmɔt ɔlɔbɔt na dɛn tɔŋ we de klos Jerusɛlɛm, dɛn briŋ sik pipul ɛn dɛn pipul we gɛt dɛbul kam to di apɔsul dɛn ɛn di apɔsul dɛn mɛn dɛn ɔl.

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Jɔn 14:12

A de tɛl una se, ɛnibɔdi we biliv pan mi, go du di wɔndaful wok dɛn we a dɔn du, ɛn i go du wɔndaful wok dɛn pas dɛn wande sɛf, bikɔs a de go to mi Papa.

Lyuk 10:17

Di sɛvinti tu man dɛn kam bak wit gladi ɛn tɛl Jizɔs se, “Masta, dɛn dɛbul sɛf du wetin wi tɛl dɛn fɔ du wɛn wi kɔl yu nem!”

Mak 9:26

Di dɛbul mek di bɔbɔ ala big wan, dɔn i wap am dɔŋ na grɔn wit fiks bifo i kɔmɔt insay am. Di bɔbɔ ledɔm na grɔn lɛkɛ dayman ɛn plɛnti pipul tɔk se i dɔn day.

Matyu 11:5

dɛn pipul we bin blɛn, de si; dɛn wan we nɔ bin ebul waka, de waka; dɛn wan we bin gɛt bad sik na dɛn skin, dɔn wɛl; dɛn wan we bin dɛf, dɔn yɛri; dɛn dayman dɔn gɛt layf bak; ɛn dɛn po pipul dɔn yɛri di Gud Nyuz.

Matyu 4:24

Di nyuz bɔt Jizɔs prɛd ɔlɔbɔt na Siria, dat mek dɛn kɛr ɔl dɛn sik pipul, dɛn wan we dɛn bɔdi de at dɛn ɛn dɛn wan we gɛt dɛbul insay dɛn, dɛn wan we gɛt fiks, ɛn dɛn wan we nɔ ebul waka, kam to am; Jizɔs mɛn dɛn ɔl.

Ayzaya 35:6

dɔn kripul pɔsin go jomp lɛk dia ɛn mumu go opin in mɔt siŋ wit gladi. Bikɔs wata go bɔs na di dray ɛn ɛmti ples we natin nɔ de, ɛn watasay dɛm go de na di ɛmti ples we pɔsin nɔ go ebul tap;

Apɔsul Dɛn Wok 8:6

Di pipul dɛn bin gladi fɔ yɛri wetin Filip tɛl dɛn ɛn si di wɔndaful wok dɛn we i du.