Apɔsul Dɛn Wok 8:4 - Krio Fɔs Oli Baybul

⁴ Dɛn pipul we bin biliv pan Jizɔs we bin rɔnawe kɔmɔt Jerusɛlɛm, go ɔlsay de tɛl pipul di Gud Nyuz bɔt Jizɔs.

Apɔsul Dɛn Wok 8:4 Referans Kwoze

Apɔsul Dɛn Wok 11:19

Wɛn dɛn bigman na Jerusɛlɛm kil Stivin ɛn mek dɛn pipul we bin biliv pan Jizɔs Krays sɔfa, di pipul dɛn skata ɔlɔbɔt. Sɔm go Finishia, sɔm go Sayprɔs, sɔm go Antiɔk. Bɔt na to dɛn Ju pipul dɛn nɔmɔ dɛn bin de tɔk bɔt Jizɔs.

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Matyu 10:23

Wɛn dɛn mek una sɔfa na wan tɔŋ, una fɔ rɔn go na di ɔda tɔŋ. A de tɛl una fɔ tru se, una nɔ go du ɔl di wok na di tɔŋ dɛn na Izrɛl dɔn bifo Mɔtalman Pikin go tɔn bak kam na wɔl.

Fɔs Lɛta Fɔ Tɛsalonayka 2:2

Una dɔn no bɔt di bad bad tin dɛn we dɛn du wi fɔ mek wi sɔfa ɛn aw dɛn tɔk bɔt wi fɔ mek wi at pwɛl na Fili pay bifo wi rich Tɛsalonayka. Ɛn pan ɔl we pipul tray fɔ tap wi mek wi nɔ tɔk, Gɔd ɛp wi mek wi nɔ fred fɔ tɛl una di Gud Nyuz we Gɔd tɛl wi fɔ tɛl una.

Apɔsul Dɛn Wok 15:35

Pɔl, Banabas, ɛn plɛnti ɔda pipul bin te lili bit na Antiɔk de lan di pipul dɛn ɛn tɛl dɛn wetin di Masta se.

Lyuk 1:2

Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Apɔsul Dɛn Wok 8:12

Bɔt wɛn di pipul dɛn, man ɛn uman, biliv wetin Pita tɛl dɛn bɔt Gɔd in rul ɛn bɔt Jizɔs Krays, dɛn mek Filip baptayz dɛn.