Apɔsul Dɛn Wok 8:3 - Krio Fɔs Oli Baybul

³ Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

Apɔsul Dɛn Wok 8:3 Referans Kwoze

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Lɛta Fɔ Filipay 3:6

A bin de fɛt fɔ mek ɔlman du ɔl wetin di Ju Lɔ tɛl wi fɔ du, so a bin de mek dɛn pipul we biliv pan Krays sɔfa. So if na we pɔsin de kip di Ju Lɔ de mek ɔltin rayt bitwin in ɛn Gɔd, wɛl, nɔbɔdi nɔ go pɔynt fiŋa pan mi.

Lɛta Fɔ Galeshya 1:13

Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya.

1 Kɔrint 15:9

Ɔl dɛn ɔda apɔsul bɛtɛ pas mi; a nɔ fit sɛf fɔ lɛ dɛn kɔl mi apɔsul, bikɔs a bin de mek dɛn pipul we de waka wit Gɔd sɔfa.

Apɔsul Dɛn Wok 22:19

A se, ‘Masta, dɛn no se a bin de go na di Ju mitin os go ol dɛn pipul we biliv pan Yu ɛn bit dɛn.

Apɔsul Dɛn Wok 9:21

Ɔl dɛn pipul we bin yɛri wetin Sɔl de tɔk, wɔnda; dɛn se, “Nɔto dis man bin de kil dɛn pipul na Jerusɛlɛm we bin de kɔl Jizɔs in nem? I nɔ bin kam na ya fɔ ol dɛn pipul we de kɔl Jizɔs in nem ɛn kɛr dɛn go bak to dɛn bigman we de mek sakrifays fɔ pipul sin?”

Apɔsul Dɛn Wok 7:58

Dɛn pul Stivin kɔmɔt na di big tɔŋ, dɔn dɛn bigin ston am. Dɛn pul dɛn klos we dɛn wɛr pantap gi wan man we nem Sɔl fɔ ol.

Jems 2:6

Wetin mek una nɔ tek dɛn po pipul mek ɛnitin? Na dɛn jɛntri pipul de mek una tan lɛkɛ slev ɛn na dɛn de drɛg una go bifo dɛn jɔj.

Apɔsul Dɛn Wok 8:2

Na sɔm pipul we bin biliv Gɔd, bɛr Stivin; dɛn kray fɔ am bita wan.

Apɔsul Dɛn Wok 16:19

Wɛn di pipul dɛn we bin gɛt di slev titi no se di titi nɔ go ebul mek mɔni fɔ dɛn igen, dɛn go grip Pɔl ɛn Saylas drɛg dɛn go bifo di bigman dɛn na di tɔŋ; di bigman dɛn bin de na di ples we pipul kin mit.