Apɔsul Dɛn Wok 8:2 - Krio Fɔs Oli Baybul

² Na sɔm pipul we bin biliv Gɔd, bɛr Stivin; dɛn kray fɔ am bita wan.

Apɔsul Dɛn Wok 8:2 Referans Kwoze

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Apɔsul Dɛn Wok 2:5

Ɔl dɛn Ju pipul we fred Gɔd, we kɔmɔt ɔlɔbɔt na dɛn ɔda kɔntri, bin de na Jerusɛlɛm da tɛm de.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Jɛrimaya 22:18

Fɔseka dat na dis PAPA GƆD se bɔt Jɛoiakim we na Josaya, we na kiŋ na Juda, in bɔypikin: “Dɛn nɔ go kray fɔ am, lɛk we dɛn kin se, ‘E mi brɔda!’ Ɔ ‘E mi sista!’ Dɛn nɔ go kray fɔ am, lɛk we dɛn kin se ‘E mi masta! Ɔ ‘A iz majɛsti!’

Jɛrimaya 22:10

Nɔ kray fɔ pɔsin we dɔn day, nɔ sɔri fɔ am; bɔt kray bita bita wan fɔ udat go, bikɔs i nɔ go kam bak igen fɔ kam si in kɔntri we i bɔn.

2 Kronikuls 35:25

Jɛrimaya sɛf siŋ bɛrin siŋ fɔ Josaya ɛn ɔl di siŋuman ɛn di siŋman dɛm de tɔk bɔt Josaya na dɛn bɛrin siŋ dɛm te tide. Dɛn mek am lɔ sɛf na Izrɛl ɛn naw dɛn rayt na di bɛrin siŋ buk dɛm.

2 Kronikuls 32:33

Ɛn Ɛzikaya slip wit in Papa dɛm ɛn dɛn bɛr am na di il we de tumb dɛm fɔ Devid in bɔypikin dɛm de, ɛn di wanol Juda ɛn ɔl di wan dɛm we tap na Jerusɛlɛm, gi am ɔna we i day ɛn Manasɛ in bɔypikin bi kiŋ nain ples.

2 Samiɛl 3:31

Devid tɛl Joab ɛn ɔl di sojaman dɛn wit am fɔ chɛr chɛr dɛn klos ɛn wɛr saklɔth waka bifo di dedebɔdi we dɛn de go bɛr am fɔ sho se dɛn sɔri. Kiŋ Devid insɛf bin de biɛn di bɛrin.

1 Samiɛl 28:3

Samiɛl bin dɔn day, ɔl Izrɛl dɔn kray fɔ am ɛn dɛn dɔn bɛr am nain siti na Rama. Sɔl bin dɔn drɛb dɛn pipul we de tɔk to dayman ɛn ɔl dɛn mɛrɛsin-man dɛn kɔmɔt na Izrɛl.

Ditarɔnɔmi 34:8

Di Izrɛlayt dɛn kray ɛn munin fɔ Mozis na Moab fɔ tati de.

Di Nɔmba Dɛm 20:29

We ɔlman yɛri se Erɔn dɔn day di wanol Izrɛlayt kɔmyuniti munin fɔ am fɔ tati de.

Jɛnɛsis 23:2

ɛn i day na Ɛbrɔn we na Kiriath Aba insay Kenan. Ebraam fil am bad ɛn kray fɔ am.

Apɔsul Dɛn Wok 8:1

Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Apɔsul Dɛn Wok 8:3

Sɔl bigin fɔ mek dɛn pipul we bin biliv Jizɔs, sɔfa. I kin go frɔm os to os go fɛn dɛn, man ɛn uman, ɛn drɛg dɛn go na jel.

Jɛnɛsis 50:9

Dɛn mek layn wit di ɔs ɛn ɔs ɛn karej dɛn. Bɔku pipul bin go di bɛrin.

Mak 6:29

Wɛn Jɔn in lanin bɔy dɛn yɛri wetin bi, dɛn go tek di bɔdi bɛr am.