Apɔsul Dɛn Wok 8:12 - Krio Fɔs Oli Baybul

¹² Bɔt wɛn di pipul dɛn, man ɛn uman, biliv wetin Pita tɛl dɛn bɔt Gɔd in rul ɛn bɔt Jizɔs Krays, dɛn mek Filip baptayz dɛn.

Apɔsul Dɛn Wok 8:12 Referans Kwoze

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Apɔsul Dɛn Wok 1:3

Afta Jizɔs day, fɔ fɔti de i bin de sho insɛf to in apɔsul dɛn; ɛn bay aw i kin sho insɛf ɔltɛm, in apɔsul dɛn nɔ dawt se i bin stil de layf wan. Ɛnitɛm we Jizɔs sho insɛf to dɛn, i kin tɛl dɛn bɔt Gɔd in rul.

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Apɔsul Dɛn Wok 2:41

Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

Lɛta Fɔ Rom 10:10

Wɛn wi biliv pan Krays, Gɔd de mek ɔltin rayt bitwin wi ɛn insɛf; ɛn wɛn wi tɛl pipul se wi biliv pan Krays, Gɔd go sev wi.

1 Kɔrint 11:11

Bɔt wɛn wi de wok fɔ di Masta, man fɔ gɛt uman fɔ ɛp am, uman fɔ gɛt man fɔ ɛp am.

Apɔsul Dɛn Wok 28:31

I kin tɛl dɛn bɔt Gɔd in rul. I nɔba fred wɛn i de lan dɛn bɔt Masta Jizɔs Krays ɛn nɔbɔdi nɔba ambɔg am.

Apɔsul Dɛn Wok 20:25

“A dɔn go to una ɔl fɔ tɛl una bɔt Gɔd in rul ɛn a no se una nɔ go si mi igen.

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Apɔsul Dɛn Wok 18:8

Di edman na di Ju mitin os we bin nem Krispɔs bin biliv pan di Masta. Krispɔs ɛn di pipul dɛn we bin de nain os, ɛn plɛnti ɔda pipul we bin de na Kɔrint yɛri wetin Pɔl tɔk; dɛn biliv am ɛn mek i baptayz dɛn.

Apɔsul Dɛn Wok 11:20

Sɔm pan di pipul dɛn we bin biliv pan Jizɔs bin de na Sayprɔs, sɔm bin de na Sayrini. Dɛn kɔmɔt Sayprɔs ɛn Sayrini go tap na Antiɔk ɛn dɛn tɛl dɛn Grik pipul dɛn bɔt di Masta, Jizɔs.

Apɔsul Dɛn Wok 5:14

Ɛn mɔ ɛn mɔ pipul bin de kam jɔyn to di pipul dɛn we bin biliv pan Jizɔs Krays.

Lyuk 9:60

Jizɔs se, “Lɛf dɛn pipul we nɔ gɛt di layf we Gɔd de gi fɔ bɛr dɛn fambul we dɔn day, yu fɔ go tɛl ɔda pipul bɔt Gɔd in rul.”

Lyuk 9:2

I sɛn dɛn go ɔlsay fɔ tɔk bɔt Gɔd in rul ɛn fɔ mɛn sik pipul.

Apɔsul Dɛn Wok 8:4

Dɛn pipul we bin biliv pan Jizɔs we bin rɔnawe kɔmɔt Jerusɛlɛm, go ɔlsay de tɛl pipul di Gud Nyuz bɔt Jizɔs.

Apɔsul Dɛn Wok 19:5

Wɛn di pipul dɛn yɛri wetin Pɔl tɔk, dɛn gri mek i kɔl Masta Jizɔs in nem wɛn i de baptayz dɛn.