Apɔsul Dɛn Wok 8:10 - Krio Fɔs Oli Baybul

¹⁰ Dat bin mek ɔlman na di tɔŋ rɛspɛkt am jɛntri man, po man, bigman, lili pikin dɛn ɔl bin rɛspɛkt am. Di pipul dɛn se, “Saymɔn dɔn tɔn to da gɔd we dɛn kɔl ‘Big Pawa.’”

Apɔsul Dɛn Wok 8:10 Referans Kwoze

Jɛrimaya 31:34

Ɛn nɔbɔdi nɔ go gɛt fɔ tich in neba ɔ in brɔda igen se ‘Yu fɔ no PAPA GƆD,’ bikɔs dɛn go no mi, frɔm di smɔl wan pan dɛm, to di wan we big pas ɔl, bikɔs a go fɔgiv dɛm fɔ dɛn wikɛdnɛs, ɛn a nɔ go mɛmba dɛn sin igen.” Na so PAPA GƆD se.

Rɛvɛleshɔn 13:3

I bin tan lɛkɛ se sɔmbɔdi bin dɔn wund wan pan di wayl bif in ed dɛn, bɔt di wund we bin fɔ mek i day, bin dɔn wɛl. Di wan ol wɔl bin wɔnda, dɛn bigin fala di wayl bif.

Pita In Sɛkɛn Lɛta 2:2

Plɛnti pipul go fala dɛn fɔ liv fri layf, ɛn wetin dɛn de du go mek pipul tɔk bad bɔt di tru rod we fɔ fala.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

2 Kɔrint 11:19

Unasɛf gɛt sɛns, na dat mek una de lisin fulman!

1 Kɔrint 1:24

Bɔt dɛn wan we Gɔd kɔl fɔ kam to am, Ju o, Grik o, no se Krays, we wi de tɛl una bɔt, na Gɔd in pawa ɛn na Gɔd in sɛns.

Apɔsul Dɛn Wok 28:6

Di pipul dɛn bin de wet fɔ si wetin go bi to Pɔl. Dɛn bin min se in an go swɛl ɔ i go jɛs fɔdɔm wantɛm ɛn day. Wɛn dɛn dɔn wet lɔŋ, dɛn si se natin nɔ du am, dɛn se Pɔl na wan gɔd.

Apɔsul Dɛn Wok 14:11

Wɛn di pipul dɛn si wetin bi, dɛn bigin ala na di Laykao nia laŋwej se, “Dɛn gɔd dɔn tɔn to mɔtalman ɛn dɛn dɔn kam to wi!”

Jona 3:5

We i prich, di pipul dɛn na Ninivɛ biliv PAPA GƆD in wɔd; dɔn ɔlman, frɔm big to smɔl, wɛr munin klos fɔ sho aw dɛn sɔri ɛn dɛn ɔl gri se dɛn fɔ fast.

Jɛrimaya 8:10

Fɔseka dat, a go gi dɛn wɛf dɛm to ɔda man dɛn ɛn dɛn fam dɛm to di wan dɛn we go win dɛm, bikɔs, frɔm di lili wan to di big wan, ɔlman awn awn fɔ tif tif prɔpati; frɔm di prɔfɛt to di man we de mek sakrifays fɔ pipul sin, ɔlman de pan rikishi.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Jɛrimaya 42:1

Ɔl di kɔmanda dɛm fɔ di difrɛn fɛtman dɛm ɛn Joanan we na Karɛn in bɔypikin, ɛn Azaraya we na Oshaya in bɔypikin, ɛn ɔl di pipul dɛm, frɔm di list wan to di wan we pas dɛn ɔl, kam nia