Apɔsul Dɛn Wok 8:1 - Krio Fɔs Oli Baybul

¹ Sɔl gladi we dɛn kil Stivin. Frɔm di de we dɛn kil Stivin, nain dɛn Ju bigman dɛn bigin mek dɛn pipul we bin biliv Jizɔs Krays, sɔfa bad wan. Dɛn ɔl rɔnawe kɔmɔt Jerusɛlɛm. Sɔm go Judia, sɔm go Sameria. Na di apɔsul dɛn nɔmɔ bin lɛf na di tɔŋ.

Apɔsul Dɛn Wok 8:1 Referans Kwoze

Apɔsul Dɛn Wok 22:20

A bin de wɛn dɛn kil Stivin, da man we bin de tɛl pipul bɔt yu. A bin gri fɔ mek dɛn kil am ɛn na mi bin kip di pipul dɛn we kil Stivin, dɛn klos.’

Apɔsul Dɛn Wok 7:58

Dɛn pul Stivin kɔmɔt na di big tɔŋ, dɔn dɛn bigin ston am. Dɛn pul dɛn klos we dɛn wɛr pantap gi wan man we nem Sɔl fɔ ol.

Apɔsul Dɛn Wok 5:40

Ɔl di pipul dɛn we bin de jɔj na di Ju gran kot tek Gameliɛl in wɔd. Dɛn mek di gyad dɛn bit di apɔsul dɛn ɛn wɔn dɛn nɔ fɔ tɔk bɔt Jizɔs wɛn dɛn de tɔk to di pipul dɛn, dɔn dɛn lɛf dɛn, mek dɛn go.

Apɔsul Dɛn Wok 5:33

Wɛn di bigman dɛn na di Ju gran kot yɛri wetin di apɔsul dɛn tɔk, dɛn vɛks sote dɛn bin want mek dɛn kil di apɔsul dɛn.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Apɔsul Dɛn Wok 8:14

Wɛn di apɔsul dɛn na Jerusɛlɛm yɛri se dɛn pipul we de na Sameria dɔn biliv Gɔd in wɔd, dɛn sɛn Pita ɛn Jɔn go to dɛn.

Apɔsul Dɛn Wok 9:31

Da tɛm de, nɔbɔdi nɔ mek dɛn pipul we bin biliv pan Jizɔs Krays na Judia, Galili, ɛn Sameria sɔfa igen. Gɔd in Spirit bin de ɛp dɛn fɔ mek mɔ ɛn mɔ pipul biliv pan Jizɔs. Ɔl di pipul dɛn we bin biliv pan Jizɔs bin de du wetin Gɔd want ɛn dɛn bin rɛspɛkt di Masta.

Apɔsul Dɛn Wok 8:4

Dɛn pipul we bin biliv pan Jizɔs we bin rɔnawe kɔmɔt Jerusɛlɛm, go ɔlsay de tɛl pipul di Gud Nyuz bɔt Jizɔs.

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Di Ibru Pipul Dɛn 11:27

Na bikɔs Mozis bin biliv Gɔd mek i kɔmɔt na Ijipt, ɛn i nɔ fred, pan ɔl we di kiŋ bin vɛks bad. I nɔ bin gri fɔ tɔn bak, i bin de go lɛkɛ pɔsin we de si Gɔd we mɔtalman nɔ de si.

Lɛta Fɔ Filipay 1:12

Mi kɔmpin Kristiɛn dɛn, a want mek una no se wetin dɔn bi to mi dɔn ɛp fɔ mek di Gud Nyuz prɛd ɔlɔbɔt.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Apɔsul Dɛn Wok 7:38

Na Mozis bin de wit di Izrɛl pipul dɛn we bin de gɛda na di dɛzat; ɛn nain bin de wit di enjɛl we tɔk to am pantap da ay il we nem Mawnt Saynay, ɛn nain bin de wit wi grampapa papa dɛn. Nain Gɔd gi in mɛsej, we go de sote go, fɔ gi wi.

Apɔsul Dɛn Wok 5:20

“Una go bak na Gɔd in Os go tɛl di pipul dɛn bɔt di nyu layf we una dɔn gɛt.”

Apɔsul Dɛn Wok 5:18

So dɛn ol di apɔsul dɛn ɛn put dɛn na jel.

Apɔsul Dɛn Wok 2:47

Dɛn kin de prez Gɔd, ɛn pipul bin rɛspɛkt dɛn. Masta Jizɔs mek mɔ ɛn mɔ pipul we fɔ sev, biliv pan am.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Matyu 23:34

Na dat mek a go sɛn prɔfɛt, sɛnsman, ɛn ticha dɛn kam to una. Una go kil sɔm, nel sɔm pan krɔs, bit sɔm na di Ju mitin os dɛn, ɛn mek sɔm sɔfa frɔm wan tɔŋ to ɔda tɔŋ.

Matyu 22:6

Sɔm kech di bɔy dɛn we di kiŋ sɛn, disgres dɛn ɛn kil dɛn.

Matyu 5:13

“Una na di sɔl fɔ di pipul dɛn na di wɔl, bɔt if sɔl dɔn lɔs in tes, wetin go mek i gɛt tes igen? I nɔ go gud fɔ natin, pas fɔ trowe ɛn mek pipul mas am.

Daniɛl 6:23

So di kiŋ bin gladi bad bad wan, ɛn bin gi ɔda se mek dɛn pul Daniɛl kɔmɔt insay di say usay dɛn layɔn dɛn de. So dɛn pul Daniɛl kɔmɔt ɛn dɛn bin si se natin nɔ bin du am, bikɔs i bin biliv in PAPA GƆD.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Nɛimaya 6:3

So a sɛn pipul dɛn fɔ tɛl dɛn se a gɛt wan impɔtant projɛkt we a de du so a nɔ go lɛf am go dɔŋ go mit dɛn. A aks dɛn se, “Wetin du a fɔ lɛf di wok we a de du fɔ go dɔŋ go mit una?”

Apɔsul Dɛn Wok 7:54

Wɛn dɛn bigman na di Ju gran kot yɛri wetin Stivin tɔk, dɛn vɛks bad.

Apɔsul Dɛn Wok 8:2

Na sɔm pipul we bin biliv Gɔd, bɛr Stivin; dɛn kray fɔ am bita wan.

Apɔsul Dɛn Wok 8:5

Filip go tɛl di pipul dɛn na Sameria bɔt di Mɛsaya.

Apɔsul Dɛn Wok 13:36

Wɛn Devid dɔn du wetin Gɔd bin want am fɔ du, i day. Dɛn bɛr am klos in grampapa papa dɛn ɛn in bɔdi rɔtin.

Apɔsul Dɛn Wok 26:10

A du dat na Jerusɛlɛm. Dɛn bigman we de mek sakrifays fɔ pipul sin gi mi pawa fɔ jel ɛn kil di Kristiɛn dɛn so a bin jel plɛnti Kristiɛn dɛn ɛn wɛn dɛn bin de kil di Kristiɛn dɛn, a kin tɔk bad bɔt dɛn.

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.