Apɔsul Dɛn Wok 7:9 - Krio Fɔs Oli Baybul

⁹ “Wi grampapa papa dɛn bin jɛlɔs Josɛf, dɛn brɔda, ɛn dat mek dɛn sɛl am fɔ mek i go bi slev na Ijipt; bɔt Gɔd bin de wit Josɛf.

Apɔsul Dɛn Wok 7:9 Referans Kwoze

Jɛnɛsis 39:2

PAPA GƆD bin de wit Josɛf ɛn mek bɛtɛ fala am. I bin tap nain Ijipshian masta in os.

Di Sam Dɛm 105:17

dɔn i mek wan man, we dɛn sɛl as slev we nem Josɛf go bifo dɛn na Ijipt.

Ayzaya 43:2

We yu de pas na wata, a go de wit yu; ɛn we yu de pas na dɛn riva, yu nɔ go drawn; we yu waka insay faya, yu nɔ go bɔn ɛn di flem nɔ go kil yu.

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Jɛnɛsis 45:4

Josɛf kɔl dɛn fɔ go nia am. We dɛn go nia am, i tɛl dɛn se in na dɛn brɔda Josɛf, we dɛn bin sɛl gi dɛn Ijipshian dɛn.

Matyu 27:18

Paylet bin no gud gud se, di Ju bigman dɛn an ova Jizɔs to am bikɔs dɛn jɛlɔs Jizɔs.

Jɛnɛsis 39:5

Fɔseka Josɛf PAPA GƆD blɛs ɔl wetin de insay di Ijipt kapten in os ɛn in fam dɛn.

Egay 2:4

I se PAPA GƆD se Zɛrubabɛl nɔ fɔ pwɛlat, Jɔshwa, we na Jɛozedak in bɔypikin ɛn na di bigman fɔ dɛn man we de mek sakrifays fɔ pipul sin, insɛf nɔ fɔ pwɛlat wit ɔl di ɔda pipul na di land. PAPA GƆD se dɛn fɔ jɛs du di wok bikɔs in PAPA GƆD de wit dɛn,

1 Kɔrint 13:4

If una lɛk una kɔmpin mɔtalman una go de bia wit dɛn; una go gɛt gud at fɔ dɛn; una nɔ go de jɛlɔs dɛn; una nɔ go prawd; ɔ fil se una bɛtɛ pas dɛn.