Apɔsul Dɛn Wok 7:8 - Krio Fɔs Oli Baybul

⁸ Gɔd tɛl Ebraam se Ebraam fɔ sakɔmsayz in bɔy pikin di de we mek et de afta i bɔn. Di sakɔmsayz we Ebraam go sakɔmsayz am go sho se Gɔd bin dɔn mek agrimɛnt wit Ebraam. So di de we mek et afta Ayzak bɔn, Ebraam sakɔmsayz am; ɛn di de we mek et afta Jekɔb bɔn, Ayzak sakɔmsayz am; ɛn Jekɔb insɛf sakɔmsayz in twɛlv pikin dɛn we na wi grampapa papa dɛn, we bigin di twɛlv trayb na di Ju neshɔn.

Apɔsul Dɛn Wok 7:8 Referans Kwoze

Apɔsul Dɛn Wok 2:29

“Mi pipul dɛn, a de tɛl una tru wɔd bɔt Devid, we na wan pan wi grampapa papa dɛn. I day, dɛn bɛr am ɛn in grev de sote tide.

Jɛnɛsis 35:16

Jekɔb ɛn in fambul dɛn kɔmɔt na Bɛthɛl, bɔt dɛn bin de fawe lilibit fɔ rich na Ɛfrat. We di tɛm rich fɔ mek Rechɛl bɔn in pikin, di pen bin traŋa fɔ am.

Di Ibru Pipul Dɛn 7:4

Una mɛmba aw Mɛlkizidɛk in pawa bin big. Wɛn Ebraam we na ɔl di Ju pipul dɛn papa bin go fɛt dɛn kiŋ, i sheb ɔl wetin i gɛt tɛn pat ɛn gi Mɛlkizidɛk wan pat.

Lɛta Fɔ Galeshya 3:17

A de tɛl una se Gɔd bin mek agrimɛnt wit Ebraam ɛn i bin prɔmis fɔ du wetin i tɛl Ebraam. Wɛn Gɔd dɔn mek dis agrimɛnt ya, i tek fo-ɔndrɛd ɛn tati ia bifo i gi di Ju neshɔn di Lɔ; ɛn dis Lɔ ya nɔ go pwɛl ɔ chenj wetin Gɔd dɔn prɔmis.

Lɛta Fɔ Galeshya 3:15

Mi kɔmpin Kristiɛn dɛn, a de tɔk bɔt tin we wi ɔl no: if tu pipul gri fɔ sɔntin ɛn sayn pepa, nɔbɔdi nɔ go pwɛl ɔ chenj wetin di tu pipul dɛn bin gri fɔ du.

Lɛta Fɔ Rom 4:10

Ustɛm Gɔd du dat bifo Ebraam sakɔmsayz ɔ afta i sakɔmsayz? Na bifo i sakɔmsayz.

Jɔn 7:22

Mozis bin tɛl una fɔ sakɔmsayz una bɔy pikin dɛn (bɔt nɔto Mozis bin bigin fɔ sakɔmsayz, na una grampapa papa dɛn bin bigin fɔ du dat), so una de sakɔmsayz bɔy pikin di de fɔ pre ɛn blo.

Matyu 1:2

Ebraam bɔn Ayzak, Ayzak bɔn Jekɔb, Jekɔb bɔn Juda ɛn Juda in brɔda dɛn,

1 Kronikuls 1:34

Ebraam na bin Ayzak in papa. Ayzak in bɔypikin dɛm: Isɔ ɛn Jekɔb.

Jɛnɛsis 35:18

Bɔt i bin de day, so bifo i blo in las blo, i gi in bɔypikin nem Bɛnonay, bɔt in papa in gi am nem Bɛnjamin.

Jɛnɛsis 29:31

We PAPA GƆD si se Jekɔb nɔ bin lɛk Lia, i mek Lia gɛt pikin dɛn bɔt Rechɛl nɔ bin gɛt pikin.

Jɛnɛsis 30:5

Bila gɛt bɛlɛ ɛn bɔn bɔypikin fɔ Jekɔb.