Apɔsul Dɛn Wok 7:3 - Krio Fɔs Oli Baybul

³ Gɔd tɛl Ebraam se, ‘Ebraam, lɛf yu fambul dɛn ɛn kɔmɔt na yu kɔntri, go na wan kɔntri we a go tɛl yu fɔ go tap.’

Apɔsul Dɛn Wok 7:3 Referans Kwoze

Jɛnɛsis 12:1

PAPA GƆD tɛl Ebram se, “Lɛf yu fambul dɛn, yu papa in os, kɔmɔt na yu kɔntri ɛn go na wan kɔntri we a go sho yu.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Jɔshwa 24:3

Jɔshwa tɛl dɛn se PAPA GƆD se, in bin tek Ebram we na dɛn papa kɔmɔt na da ples de, kɛr an go Kenan usay i mek i gɛt plɛnti plɛnti pikin ɛn grampikin. I se PAPA GƆD se in gi am Ayzak.

Jɛnɛsis 15:7

PAPA GƆD tɛl Ebram se, “Na mi na di PAPA GƆD, we pul yu kɔmɔt Ɔ we de na Babilonia, ɛn a go gi yu dis land fɔ mek i go bi yu yon.”

2 Kɔrint 6:17

Di Masta se, “Una fɔ lɛf dɛn bad pipul ya, ɛn nɔ gɛt ɛnitin fɔ du wit dɛn. Una nɔ fɔ gɛt natin fɔ du wit ɛnitin we nɔ klin. If una yɛri mi wɔd, a go tek una lɛkɛ mi yon.

Lyuk 14:33

Na dat mek, ɛnibɔdi we nɔ lɛf ɔltin na wɔl fɔseka mi, nɔ go bi mi lanin bɔy.

Matyu 10:37

“Ɛnibɔdi we lɛk in papa ɔ mama pas mi, nɔ fit fɔ bi mi lanin bɔy, ɛn ɛnibɔdi we lɛk in pikin dɛn pas mi, nɔ fit fɔ bi mi lanin bɔy.

Nɛimaya 9:8

Yu fɛnɔt se i tret wit yu so yu mek Kɔvinant wit am se yu go gi di land we di Kenanayt, di Itayt, di Amɔrayt, di Pɛrizayt, di Jɛbyusayt ɛn di Gagashayt dɛn de to in jɛnareshɔn. Yu dɔn de kip yu prɔmis bikɔs yu nɔ miks pan bɛnbɛn.

Apɔsul Dɛn Wok 7:4

So Ebraam kɔmɔt Kaldia go tap na Aran. Afta Ebraam in papa day, Gɔd tɛl Ebraam fɔ kɔmɔt Aran, kam na dis kɔntri we una de naw.

Jɛnɛsis 20:13

So we PAPA GƆD pul mi kɔmɔt na di kɔntri usay a bin de, a tɛl am se, if i lɛk mi, i fɔ se mi nain brɔda ɛnisay we wi go.”