Apɔsul Dɛn Wok 7:10 - Krio Fɔs Oli Baybul

¹⁰ Gɔd bin de ɛp Josɛf ɔltɛm we i de pan trɔbul. Wɛn dɛn kɛr Josɛf go bifo di kiŋ na Ijipt, Gɔd blɛs Josɛf ɛn gi am sɛns; so di kiŋ mek Josɛf bi gɔvna na Ijipt ɛn i mek am di edman fɔ in os.

Gade chapit la Kopi

« Previous

tounen moute ⬆

Prɔvabs 3:4

Na dat go mek PAPA GƆD ɛn mɔtalman lɛk yu biznɛs ɛn du gud to yu ɔltɛm.

Gade chapit la

Sɛkɛn Lɛta To Timoti 4:18

If ɛni bad tin mit mi di Masta go pul mi kɔmɔt pan am, i nɔ go mek natin du mi ɛn i go kɛr mi go na ɛvin we i de rul lɛkɛ Kiŋ. Mek wi prez am ɛn ɔna am sote go! Emɛn.

Gade chapit la

Prɔvabs 2:6

Na PAPA GƆD de gi sɛns; nain de mek pɔsin no bɔt sɔntin ɛn ɔndastand gud wan.

Gade chapit la

Jɛnɛsis 48:16

mek di enjɛl we dɔn pul mi pan ɔl mi trɔbul, blɛs dɛn pikin ya so! Mek pipul dɛn mɛmba mi nem, mi papa Ayzak ɛn mi grampa Ebraam dɛn nem sote go! Mek dɛn jɛnareshɔn bɔku na dis wɔl!”

Gade chapit la

Di Sam Dɛm 22:24

PAPA GƆD na PAPA GƆD we nɔ de sɛt yay pan udat de sɔfa i nɔ de gi in bak to udat want am fɔ ɛp am, ɛn i nɔ de lɔk in yes pan udat de beg am fɔ ɛp am.

Gade chapit la

Jɛnɛsis 42:6

Josɛf we na bin di gɔvna na Ijipt, nain bin de mek dɛn sɛl it gi ɔlman. So Josɛf in brɔda dɛn kam baw bifo am.

Gade chapit la

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Gade chapit la

Di Sam Dɛm 37:40

PAPA GƆD de ɛp dɛn ɛn pul dɛn pan trɔbul; i de pul bad pipul biɛn dɛn, bikɔs na to in dɛn de rɔn go fɔ ayd.

Gade chapit la

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Gade chapit la

Wi se Gɔd blɛs dɛn bikɔs dɛn bia. Una no aw Job bin bia lɔŋ wɛn i bin de sɔfa, ɛn una si aw Gɔd kam blɛs am. Ɔl dat fɔ mek una no se fɔ tru, Gɔd de sɔri fɔ wi wɛn wi de sɔfa, ɛn i de sɔri fɔ wi pan ɔl we wi du tin we fɔ mek i vɛks.

Gade chapit la