Apɔsul Dɛn Wok 6:1 - Krio Fɔs Oli Baybul

¹ Da tɛm de, as mɔ ɛn mɔ pipul de biliv pan Jizɔs Krays, sɔm cham-mɔt bin kam. Dɛn Ju pipul we kɔmɔt Gris bin de grɔmbul se dɛn Ju pipul we bɔn na Jerusɛlɛm nɔ de gi dɛn Ju uman we kɔmɔt Gris we dɛn man dɔn day, wetin dɛn fɔ gi dɛn ɛvri de.

Apɔsul Dɛn Wok 6:1 Referans Kwoze

Apɔsul Dɛn Wok 4:35

gi di apɔsul dɛn fɔ sheb am. Di apɔsul dɛn sheb di kɔpɔ gi di pipul dɛn we bin biliv pan Jizɔs ɛn ɔlman gɛt wetindu fɔ am.

Apɔsul Dɛn Wok 2:41

Plɛnti pipul we yɛri wetin Pita tɔk biliv pan Jizɔs ɛn di apɔsul dɛn baptayz tri tawzin pipul.

Jems 5:9

Mi kɔmpin Kristiɛn dɛn, una nɔ fɔ kɔmplen bɔt una kɔmpin, so dat wɛn Gɔd jɔj una, i nɔ go kɔndɛm una. Di Jɔj we go jɔj wi dɔn kam klos, i tinap na domɔt.

Apɔsul Dɛn Wok 9:39

So Pita rɛdi go mit dɛn. Wɛn i rich, dɛn kɛr am go na di rum. Ɔl dɛn uman we dɛn man dɔn day, bin gɛda na di os. Dɛn bin de kray ɛn dɛn bin de sho Pita di klos dɛn we Dɔkas bin dɔn so.

Apɔsul Dɛn Wok 6:7

Na dat mek Gɔd in wɔd go ɔlsay ɛn mɔ ɛn mɔ pipul biliv pan Jizɔs na Jerusɛlɛm, ɛn plɛnti pan dɛn man we de mek sakrifays fɔ pipul sin gri fɔ biliv pan Jizɔs Krays.

Apɔsul Dɛn Wok 2:47

Dɛn kin de prez Gɔd, ɛn pipul bin rɛspɛkt dɛn. Masta Jizɔs mek mɔ ɛn mɔ pipul we fɔ sev, biliv pan am.

Lɛta Fɔ Filipay 3:5

Bikɔs wan wik afta a bɔn nain dɛn sakɔmsayz mi. Mi mama ɛn mi papa na Ju, dɛn fambul to Bɛnja min, ɛn ɔl mi fambul dɛn na Ibru pipul. Mi na wan pan dɛn Faresi so a bin de du ɔl wetin di Ju Lɔ se, lɛkɛ dɛn.

Apɔsul Dɛn Wok 11:20

Sɔm pan di pipul dɛn we bin biliv pan Jizɔs bin de na Sayprɔs, sɔm bin de na Sayrini. Dɛn kɔmɔt Sayprɔs ɛn Sayrini go tap na Antiɔk ɛn dɛn tɛl dɛn Grik pipul dɛn bɔt di Masta, Jizɔs.

Apɔsul Dɛn Wok 9:41

Pita ol in an ɛn es am ɔp mek i tinap. Pita kɔl ɔl dɛn pipul we bin biliv Gɔd ɛn dɛn wan we dɛn man bin dɔn day; i sho dɛn Tabita layf wan.

Apɔsul Dɛn Wok 9:29

Sɔl bin de tɔk ɛn agyu ɔltɛm wit dɛn Ju pipul we de tɔk Grik laŋwej ɛn dɛn pipul ya bin de tray fɔ kil am.

Apɔsul Dɛn Wok 5:14

Ɛn mɔ ɛn mɔ pipul bin de kam jɔyn to di pipul dɛn we bin biliv pan Jizɔs Krays.

Apɔsul Dɛn Wok 4:4

Plɛnti pipul we yɛri wetin Pita ɛn Jɔn bin de tɔk biliv wetin dɛn yɛri, ɛn ɔl di man dɛn bin rich bɔt fayv tawzin.

Di Ibru Pipul Dɛn 13:1

Una we na brɔda bikɔs una ɔl na Krays in pikin dɛn, una fɔ lɛk una kɔmpin dɛn ɔltɛm.

2 Kɔrint 11:22

If dɛn na Ibru, misɛf na Ibru. If dɛn na Izrɛl pipul, misɛf na Izrɛl pɔsin. If dɛn na Ebraam in grampikin pikin dɛm, misɛf na Ebraam in grampikin pikin.

Apɔsul Dɛn Wok 2:45

Sɔm pipul sɛl dɛn prɔpati ɛn sheb di kɔpɔ mek ɔlman gɛt wetin i want.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jɛrimaya 30:19

Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Ayzaya 27:6

Tɛm go kam we Jekɔb go tinap traŋa wan, Izrɛl go pul bɔd ɛn pul flawa ɛn go ful di wanol wɔl wit frut.

Ayzaya 1:17

una lan fɔ du gud; trit ɔlman di sem, nɔ gri lɛ dɛn trit pipul dɛn du bad; tinap fɔ di wan dɛn we dɛn papa dɔn day, tɔk fɔ uman we in man dɔn day.

Di Sam Dɛm 72:16

Lɛ it gro ɔlsay na di land; ɛn ivin pantap dɛn il ɛn mawnten. Lɛ i gro fayn lɛk aw it de gro fayn pantap di mawnten dɛn na Libanɔn. Ɛn lɛ dɛn nɔ day lɛk aw gras nɔba day.

Jems 4:5

Una min se na fɔ natin Gɔd in Buk se, “Gɔd in Spirit we i put insay wi, want wi fɔ insɛf nɔmɔ?”

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Fɔs Lɛta To Timoti 5:9

Nɔ put ɛni uman we in man dɔn day in nem dɔŋ na rɛjista wit dɛn ɔda uman dɛn we dɛn man dɔn day te i dɔn rich siksti ia. Pantap dat, na wan tɛm nɔmɔ i fɔ dɔn mared,

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

Apɔsul Dɛn Wok 5:28

I se, “Wi nɔ bin dɔn wɔn una se una nɔ fɔ tɔk to ɛnibɔdi bɔt dis man? Una dɔn mek ɔlman na Jerusɛlɛm yɛri bɔt am ɛn una want mek pipul blem wi fɔ we dɛn kil am.”

Izikɛl 22:7

Dɛn de luk dɔŋ pan di dadi ɛn mami we de wit una; una de tek mɔni dɛm bay pawa na di trenja dɛm we kan tap wit una, dɛn an; una de rɔŋ dɛn wan dɛm we dɛn dadi dɛm dɔn day, ɛn dɛn uman dɛn we dɛn man dɛn dɔn day.

Di Sam Dɛm 110:3

Di de we yu go rɛdi fɔ fɛt yu ɛnimi ɔl yu man dɛn go gladi fɔ go frɔnt. Na so dɛn go de blɔf bikɔs dɛn ɔl go frɛsh lɛk udat jɛs grap ali mɔnin fɔ kam fɛt fɔ yu.

Job 31:16

“If a dɔn tay mi at pan ɛni po man ɛn nɔ gi am wetin i want, ɔ a dɔn ɛva mek ɛni uman we in man dɔn day shem,

Job 29:13

Pipul dɛn we de sɔfa te dɛn wan day, we a kin ɛp, kin blɛs mi, ɛn a kin mek dɛn uman dɛn we dɛn man dɔn day, gladi.

Ditarɔnɔmi 26:12

Mozis tɛl di Izrɛlayt dɛn se, we dɛn dɔn pe ɔl dɛn tayth we di ia fɔ pa tayth rich, dat na wan tɛnth pan di ɛvri tri ia avɛst, to di Livayt dɛn, di trenja dɛn, dɛn pikin dɛn we dɛn mami ɛn dadi dɔn day ɛn di uman dɛn we dɛn man dɔn day, fɔ lɛ dɛn it ɛn bɛlful usay dɛn de,

Apɔsul Dɛn Wok 6:2

So, di twɛlv apɔsul dɛn kɔl mitin wit ɔl dɛn pipul we bin biliv pan Jizɔs ɛn se, “I nɔ go gud fɔ mek wi, we na Jizɔs in apɔsul dɛn, lɛf fɔ tɛl pipul bɔt Gɔd ɛn kam bigin gi dɛn uman we dɛn man dɔn day ɔl wetin dɛn fɔ gɛt.

Apɔsul Dɛn Wok 11:26

Wɛn i si Sɔl, i briŋ am kam na Antiɔk. Banabas ɛn Sɔl te na Antiɔk. Dɛn bin de mit wit di chɔch pipul dɛn fɔ lan dɛn, di pipul dɛn kin plɛnti. Antiɔk na di fɔs ples we dɛn bigin kɔl dɛn pipul we biliv pan Jizɔs, Kristiɛn.

Apɔsul Dɛn Wok 11:29

Jizɔs in lanin bɔy dɛn gri fɔ ɛp dɛn Kristiɛn na Judia.

Lɛta Fɔ Rom 12:7

If Gɔd mek wi want fɔ ɛp di Kristiɛn dɛn ɔltɛm ɛn mek wi sabi wetin fɔ du, wi fɔ ɛp dɛn. If i mek wi sabi fɔ lan pipul, wi fɔ lan pipul.

Fɔs Lɛta To Timoti 5:3

Yu fɔ rɛspɛkt dɛn mared uman we dɛn man dɔn day, we nɔ gɛt nɔbɔdi fɔ ɛp dɛn.