Apɔsul Dɛn Wok 5:3 - Krio Fɔs Oli Baybul

³ Pita aks Ananayas se, “Ananayas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn!

Apɔsul Dɛn Wok 5:3 Referans Kwoze

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Ayzaya 29:15

Swɛ go fɔdɔm pan dɛm, dɛn wan dɛm we de ayd ayd dɛn plan pan PAPA GƆD, di wan dɛn we de du tin na dak, ɛn de se “udat de si wi? Udat no wi?”

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Jɔn 13:27

Jɛs Judas tek di bred so, Setan go nain at. Jizɔs tɛl am se, “Go kwik, go du wetin yu de go du!”

Jɔn 13:2

Jizɔs ɛn in lanin bɔy dɛn bin de it. Setan bin dɔn go na Judas in at fɔ mek i sɛl Jizɔs. Dis Judas ya na bin Saymɔn Iskariɔt in pikin.

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Ɛkliziastis 5:4

Wɛn yu prɔmis PAPA GƆD se yu go du sɔntin, nɔ westɛm fɔ du wetin yu se yu go du; i nɔ lɛk fulman. Du wetin yu se yu go du.

Job 22:13

So yu de se PAPA GƆD nɔ de si yu; Yu de se aw i go ebul si wetin yu de du insay ɔl da dak klawd de we i de.

Apɔsul Dɛn Wok 5:4

Wɛn yu nɔ bin sɛl di grɔn yet, nɔto yu bin gɛt am, ɛn we yu dɔn sɛl am, nɔto yu gɛt di kɔpɔ? If na so i bi, wetin mek yu du dat? Yu nɔ lay gi mɔtalman, na Gɔd yu lay gi!”

Apɔsul Dɛn Wok 5:2

Ananayas kip sɔm pan di kɔpɔ fɔ insɛf, dɛn i kɛr di ɔda pat go gi di apɔsul dɛn. Safayra bin no se in man dɔn kip sɔm pan di kɔpɔ.

Lyuk 22:3

Setan go insay Judas we nem Iskariɔt, in at; Iskariɔt na bin wan pan di twɛlv apɔsul dɛn.

Ditarɔnɔmi 23:21

Mozis wɔn dɛn nɔ fɔ swɛ to PAPA GƆD we na dɛn PAPA GƆD se, dɛn go du sɔntin ɛn westɛm fɔ du an, bikɔs PAPA GƆD we na dɛn PAPA GƆD go mɔs de ɛkspɛkt dɛn fɔ du am, ɛn if dɛn nɔ du wetin dɛn bin dɔn se dɛn go du, dɛn go gɛt sin.

Di Nɔmba Dɛm 30:2

I se PAPA GƆD se wɛn ɛni man de mek prɔmis to PAPA GƆD ɔ wɛn ɛni man de swɛ ɔ mek plɛj fɔ se in go du sɔntin, i fɔ kip in wɔd ɛn du ɔltin we i se i go du.

Matyu 13:19

Dɛn pipul we yɛri, bɔt dɛn nɔ ɔndastand wetin a tɛl dɛn bɔt Gɔd in rul, jɛs tan lɛkɛ dɛn sid we fɔdɔm na di rod. Setan kam pul di wɔd we bin de na dɛn at.

Ozie 11:12

PAPA GƆD se Ifrem dɔn de lay pan am gbay ɛn Izrɛl in jɛs de mek am ful; bɔt Juda in de du wetin PAPA GƆD we Oli want ɛn so PAPA GƆD stil de wit dɛn.

Prɔvabs 20:25

Tink gud bifo yu prɔmis PAPA GƆD sɔntin, ɔ nɔ so yu go rigrɛt tumara.