Apɔsul Dɛn Wok 4:9 - Krio Fɔs Oli Baybul

⁹ Una briŋ wi kam na ya tide ɛn aks wi bɔt di gud we wi du fɔ da man we nɔ bin ebul waka ɛn udat in pawa wi tek mɛn am;

Apɔsul Dɛn Wok 4:9 Referans Kwoze

Apɔsul Dɛn Wok 3:7

Pita ol di man in raytan ɛn ɛp am fɔ tinap. Di man in fut dɛn traŋa wantɛm.

Jɔn 10:32

Jizɔs se, “A dɔn du plɛnti gud wok we una dɔn si, ɛn na mi Papa gi mi dɛn wok de fɔ du. Uswan pan dɛn mek una want ston mi?”

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.

Jɔn 7:23

If una sakɔmsayz bɔy pikin di de fɔ pre ɛn blo, fɔ mek una kip di Lɔ we Mozis gi una, wetindu una vɛks pan mi bikɔs a mek pɔsin wɛl gud di de fɔ pre ɛn blo?

Apɔsul Dɛn Wok 25:26

Bɔt a nɔ gɛt natin fɔ rayt to di kiŋ na Rom bɔt dis kes. A dɔn briŋ am kam bifo yu, kiŋ Agripa ɛn una ɔl, so wɛn una dɔn kwɛshɔn am dɔn, a go gɛt sɔntin fɔ rayt to di kiŋ na Rom.