Apɔsul Dɛn Wok 4:7 - Krio Fɔs Oli Baybul

⁷ Dɛn pul Pita ɛn Jɔn kɔmɔt na jel, kɛr dɛn go bifo ɔl di man dɛn we bin dɔn gɛda de. Di man dɛn aks Pita ɛn Jɔn se, “Usay una gɛt di pawa fɔ mek dis man ya waka? Udat gi una?”

Apɔsul Dɛn Wok 4:7 Referans Kwoze

Matyu 21:23

Jizɔs go bak insay Gɔd in Os. Wɛn i bin de lan di pipul dɛn we bin lib de, nain di bigman dɛn we de mek sakrifays fɔ pipul sin ɛn di ɔda Ju bigman dɛn go aks am se, “Us rayt yu gɛt fɔ du dɛn tin ya, ɛn udat gi yu di rayt?”

Mak 11:28

Dɛn aks am se, “Us rayt yu gɛt fɔ du dɛn tin ya? Udat gi yu di rayt fɔ du dɛn?”

Apɔsul Dɛn Wok 5:40

Ɔl di pipul dɛn we bin de jɔj na di Ju gran kot tek Gameliɛl in wɔd. Dɛn mek di gyad dɛn bit di apɔsul dɛn ɛn wɔn dɛn nɔ fɔ tɔk bɔt Jizɔs wɛn dɛn de tɔk to di pipul dɛn, dɔn dɛn lɛf dɛn, mek dɛn go.

Jɔn 2:18

Di Ju bigman dɛn aks Jizɔs se, “Wetin na di wɔndaful tin we yu kin du, we go sho se yu gɛt rayt fɔ du wetin yu dɔn du so?”

Apɔsul Dɛn Wok 4:10

wɛl, a gladi fɔ tɛl una ɛn ɔl di pipul dɛn na Izrɛl se una bin kil Jizɔs we kɔmɔt Nazarɛt ɛn una nel am na di krɔs, bɔt Gɔd mek i rayz frɔm di grev. Nain pawa mek dis man ya we nɔ bin ebul waka, wɛl gud fashin.

Ɛksodɔs 2:14

Di man aks am udat gi am pawa fɔ bi rula ɛn jɔj fɔ dɛn kes? I se if i wan kil am lɛkɛ aw i kil da Ijipshian. Dat mek Mozis fred. I bigin tink se ɔlman dɔn no bɔt wetin i bin du.

Jɔn 8:9

Wɛn dɛn yɛri wetin Jizɔs tɔk, dɛn ɔl kɔmɔt de wan bay wan; na di big wan dɛn fɔs kɔmɔt de, bifo di smɔl wan dɛn. Na Jizɔs nɔmɔ bin lɛf ɛn di uman bin stil tinap de.

Jɔn 8:3

Di Ju Lɔ ticha ɛn di Faresi dɛn briŋ wan mare du man we dɛn bin kech wit man we nɔto in maredman; dɛn mek di uman tinap bifo ɔlman.

Apɔsul Dɛn Wok 4:6

Dɛn mit Anas we na bin di edman pan dɛn man we de mek sakrifays fɔ pipul sin, ɛn Kaye fas, wit Jɔn, Alɛgzanda, ɛn di ɔda man dɛn we fambul to Anas.

Apɔsul Dɛn Wok 4:8

Gɔd in Spirit bin de pan Pita, so Pita tɛl dɛn se, “Una we de rul ɛn una dɛn bigman we de na ya!