Apɔsul Dɛn Wok 4:1 - Krio Fɔs Oli Baybul

¹ Wɛn Pita ɛn Jɔn bin de tɔk to di pipul dɛn, dɛn man we de mek sakrifays fɔ pipul sin wit di bigman fɔ dɛn wan we bin de gyad Gɔd in Os, ɛn dɛn Sadyusi, kam mit dɛn.

Apɔsul Dɛn Wok 4:1 Referans Kwoze

Lyuk 22:4

So Judas go ɛŋ ed wit dɛn bigman we de mek sakrifays fɔ pipul sin ɛn dɛn soja man fɔ si aw in kin kech Jizɔs ɛn kɛr am go to dɛn.

Apɔsul Dɛn Wok 6:12

Dɛn sem Ju pipul ya put wɔd na di pipul dɛn yes, dɔn dɛn put wɔd na dɛn bigman ɛn dɛn Ju Lɔ ticha dɛn yes, fɔ mek dɛn ol Stivin. Dɛn go grip Stivin, drɛg am go na di Ju gran kot.

Apɔsul Dɛn Wok 5:26

So di bigman dɛn go mit di apɔsul dɛn na Gɔd in Os ɛn briŋ dɛn kam bak, bɔt dɛn nɔ bin fos dɛn fɔ kam bikɔs dɛn bin de fred se di pipul dɛn we di apɔsul dɛn de tɔk to bɔt Gɔd, go ston dɛn.

Apɔsul Dɛn Wok 5:24

Wɛn di bigman pan dɛn wan we bin de gyad Gɔd in Os ɛn di edman pan dɛn man we de mek sakrifays fɔ pipul sin yɛri wetin bi, dɛn kɔnfyus ɛn bigin wɔndrin wetin bi to di apɔsul dɛn.

Matyu 3:7

Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Apɔsul Dɛn Wok 4:6

Dɛn mit Anas we na bin di edman pan dɛn man we de mek sakrifays fɔ pipul sin, ɛn Kaye fas, wit Jɔn, Alɛgzanda, ɛn di ɔda man dɛn we fambul to Anas.

Jɔn 18:3

So Judas go mit Jizɔs ɛn di ɔda lanin bɔy dɛn na di gadin. I go wit sɔm Roman soja man dɛn ɛn sɔm pan dɛn pipul we bin de gyad Gɔd in Os. Na dɛn bigman we de mek sakrifays fɔ pipul sin ɛn di Faresi dɛn sɛn di gyad dɛn go wit Judas. Dɛn bin ol lamp, faya tik layt, ɛn tin fɔ tek fɛt.

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Matyu 27:41

Semwe so, di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn bigin tek am tɔn an, ɛn se,

Matyu 27:20

Di bigman dɛn we de mek sakrifays fɔ pipul sin ɛn di ɔda Ju bigman dɛn koks di krawd sote di pipul dɛn tɛl Paylet fɔ fri Bara bas ɛn kil Jizɔs.

Matyu 22:16

Dɛn sɛn sɔm pan dɛn yon lanin bɔy dɛn, ɛn sɔm pan di Ju pipul dɛn we bin jɔyn Ɛrɔd in pati, fɔ go aks Jizɔs se, “Ticha, wi no se yu de tɔk tru ɛn yu de lan pipul wetin Gɔd want mɔtalman fɔ du, fɔ tru, ɛn yu nɔ bisin bɔt wetin dɛn de tink, yu nɔ kia if pɔsin po ɔ jɛntri.

Matyu 16:12

Da tɛm de in lanin bɔy dɛn ɔndastand se, Jizɔs nɔ bin de wɔn dɛn fɔ tek tɛm wit di yist we dɛn de put pan bred, bɔt i bin min se dɛn fɔ tek tɛm wit wetin di Faresi ɛn di Sadyusi dɛn de lan pipul.

Apɔsul Dɛn Wok 6:7

Na dat mek Gɔd in wɔd go ɔlsay ɛn mɔ ɛn mɔ pipul biliv pan Jizɔs na Jerusɛlɛm, ɛn plɛnti pan dɛn man we de mek sakrifays fɔ pipul sin gri fɔ biliv pan Jizɔs Krays.

Lyuk 20:1

Wan ɔda de, we Jizɔs bin de lan pipul ɛn tɛl dɛn di Gud Nyuz na Gɔd in Os, nain dɛn edman fɔ dɛn man we de mek sakrifays fɔ pipul sin, dɛn Ju Lɔ ticha, ɛn di ɔda Ju bigman dɛn kam mit am

Apɔsul Dɛn Wok 5:17

Di edman pan dɛn man we de mek sakrifays fɔ pipul sin, ɛn in kɔmpin Sadyusi dɛn, jɛlɔs di apɔsul dɛn bad wan.