Apɔsul Dɛn Wok 3:6 - Krio Fɔs Oli Baybul

⁶ Na de Pita tɛl am se, “A nɔ gɛt kɔpɔ, bɔt a go gi yu wetin a gɛt. Bay Jizɔs we kɔmɔt Nazarɛt in pawa, grap, waka!”

Apɔsul Dɛn Wok 3:6 Referans Kwoze

Apɔsul Dɛn Wok 3:16

Na Jizɔs in pawa ɛn we wi biliv pan am mek dis man wɛl gud gud wan.

Apɔsul Dɛn Wok 10:38

Una no se Gɔd bin gi Jizɔs we kɔmɔt Nazarɛt in Spirit ɛn in pawa. Jizɔs bin de go ɔlɔbɔt de du gud fɔ pipul ɛn i mɛn ɔl dɛn wan we bin gɛt dɛbul insay dɛn. I bin ebul du ɔl dɛn tin ya bikɔs Gɔd bin de wit am.

Apɔsul Dɛn Wok 4:10

wɛl, a gladi fɔ tɛl una ɛn ɔl di pipul dɛn na Izrɛl se una bin kil Jizɔs we kɔmɔt Nazarɛt ɛn una nel am na di krɔs, bɔt Gɔd mek i rayz frɔm di grev. Nain pawa mek dis man ya we nɔ bin ebul waka, wɛl gud fashin.

Apɔsul Dɛn Wok 9:34

Pita go to Inias ɛn tɛl am se, “Inias, Jizɔs Krays dɔn mɛn yu. Grap ɛn mek yu bed.” Inias grap wantɛm.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Apɔsul Dɛn Wok 16:18

Di titi kin de du dis sem tin ɛvri de. I du am sote Pɔl tɔmɛnt. Pɔl tɔn to di slev titi ɛn tɛl di dɛbul we bin de insay am se, “Dɛbul, bay Jizɔs Krays in pawa, kɔmɔt insay dis titi ya!” Da sem tɛm de, di dɛbul kɔmɔt insay am.

Mak 16:17

Dɛn pipul we biliv di Gud Nyuz, a go gi dɛn pawa fɔ du wɔndaful wok: dɛn go drɛb dɛbul fɔseka mi; dɛn go tɔk laŋwej we dɛn nɔ lan;

Jems 2:5

Mi kɔmpin Kristiɛn dɛn we a lɛk, a want mek una yɛri mi! Dɛn pipul we nɔ gɛt natin na dis wɔl, Gɔd dɔn pik dɛn fɔ biliv wi Masta Jizɔs Krays ɛn fɔ mek dɛn go na ɛvin we i de rul; dɛn jɛntri na Gɔd in yay. Na dat Gɔd dɔn prɔmis fɔ du fɔ ɔl dɛn wan we lɛk am.

Pita In Fɔs Lɛta 4:10

Ɛni tin we Gɔd mek una sabi du, una fɔ du am gud, so dat ɔda pipul go bɛnifit, lɛkɛ aw ɛnibɔdi we Gɔd gi sɔntin kin ol am fayn.

Apɔsul Dɛn Wok 4:7

Dɛn pul Pita ɛn Jɔn kɔmɔt na jel, kɛr dɛn go bifo ɔl di man dɛn we bin dɔn gɛda de. Di man dɛn aks Pita ɛn Jɔn se, “Usay una gɛt di pawa fɔ mek dis man ya waka? Udat gi una?”

Apɔsul Dɛn Wok 2:22

“Una dɛn pipul na Izrɛl, una opin una yes gud ɛn lisin wetin a de tɔk. Jizɔs we kɔmɔt Nazarɛt na Man we Gɔd sɛn to wi. Unasɛf no bɔt ɔl dɛn tin ya bikɔs na ya dɛn bi.

Apɔsul Dɛn Wok 2:36

“Mek ɔlman na Izrɛl no se Gɔd dɔn mek Jizɔs we una bin nel na di krɔs, rayz frɔm di grev. Gɔd dɔn kɔl am di Masta ɛn di Mɛsaya!”

Matyu 10:9

Una nɔ fɔ kɛr ɛni mɔni we una de go;

Matyu 7:22

Di de we Gɔd go jɔj ɔlman, plɛnti pipul go aks mi se, ‘Masta, Masta! Nɔto bay yu pawa wi bin de tɛl pipul wetin Gɔd se? Nɔto bay yu pawa wi bin de du plɛnti wɔndaful wok? Nɔto bay yu pawa wi bin de drɛb dɛbul?’

2 Kɔrint 6:10

pan ɔl we wi at ebi, wi de laf ɔltɛm; i tan lɛkɛ se wi po, bɔt wi de mek plɛnti pipul jɛntri; i tan lɛkɛ se wi nɔ gɛt natin, bɔt wi gɛt ɔltin.

Jɔn 19:19

Paylet mek dɛn rayt sɔntin we dɛn put pan Jizɔs in krɔs. Dɛn rayt se, “Jizɔs we kɔmɔt Nazarɛt, di Ju pipul dɛn Kiŋ.”

2 Kɔrint 8:12

If una gɛt tin we una want gi bad bad, Gɔd go gri fɔ wetin una gi bay wetin una gɛt, nɔto bay wetin una nɔ gɛt.

Mak 14:8

Di uman dɔn du ɔl wetin i ebul du fɔ mi, i dɔn tɔn sɛnt pan mi fɔ mek mi bɔdi rɛdi fɔ di bɛr we dɛn go bɛr mi.

1 Kɔrint 4:11

Sote nɔ, tɛm kin de we wi nɔba it; tɛm kin de we wi nɔba drink ɛnitin; na chɛr chɛr klos wi kin wɛr; pipul kin bit wi; wi kin jɛs de go frɔm ples to ples, wi nɔba gɛt wan ples fɔ tap;

Apɔsul Dɛn Wok 3:5

So di man luk dɛn bikɔs i bin min se dɛn go gi am sɔntin.

Apɔsul Dɛn Wok 3:7

Pita ol di man in raytan ɛn ɛp am fɔ tinap. Di man in fut dɛn traŋa wantɛm.