Apɔsul Dɛn Wok 3:10 - Krio Fɔs Oli Baybul

¹⁰ Wɛn di pipul dɛn no se na di man dat we bin de sidɔm klos Fayn Get na Gɔd in Os fɔ beg, dɛn wɔnda, dɛn mɔt ful we dɛn si wetin bi to di man.

Apɔsul Dɛn Wok 3:10 Referans Kwoze

Apɔsul Dɛn Wok 3:2

Pipul bin de kɛr wan man we nɔ bin ebul waka frɔm we in mama bɔn am, go lɛf am na di get we dɛn kɔl Fayn Get, fɔ mek i beg to dɛn pipul we bin de go pre na Gɔd in Os.

Jɔn 9:3

Jizɔs se, “Di blɛn we dis man ya blɛn nɔ gɛt natin fɔ du wit in yon sin dɛn, ɔ in mami ɛn dadi yon. I blɛn so dat pipul kin si di wɔndaful wok we Gɔd go du.

Jɔn 5:20

Di Papa lɛk in Pikin, ɛn i de sho am ɔl wetin i de du; i go sho in Pikin tin dɛn we i fɔ du we wɔndaful pas dis wan ya we go mek una ɔl wɔnda.

Lyuk 9:43

Ɔl di pipul dɛn we bin lib de, wɔnda pan Gɔd in pawa. Ɔl wetin Jizɔs du bin mek di pipul dɛn wɔnda, nain Jizɔs bigin tɔk to in lanin bɔy dɛn. I se,

Apɔsul Dɛn Wok 2:12

Di pipul dɛn bin wɔnda, dɛn nɔ bin no wetin de bi, so dɛn bigin fɔ aks dɛn kɔmpin se, “Wetin dis min?”

Apɔsul Dɛn Wok 2:7

Di pipul dɛn ɔl wɔnda, dɛn mɔt ful; dɛn se, “Dɛn man ya we wi de yɛri so, nɔto Galili dɛn kɔmɔt?

Lyuk 4:36

Dɛn ɔl wɔnda ɛn bigin tɔk se, “Uskayn wɔd dɛn wan ya? Dis man de tɔk lɛkɛ pɔsin we gɛt di rayt ɛn pawa fɔ tɛl di dɛbul dɛn wetin dɛn fɔ du ɛn dɛn de kɔmɔt wantɛm!”

Matyu 14:35

Di pipul dɛn na di ples bin no se na Jizɔs; so dɛn sɛn kɔl ɔl di sik pipul dɛn ɔlɔbɔt, dɔn dɛn kɛr dɛn go mit Jizɔs.

Jɔn 9:8

In neba dɛn ɛn dɛn pipul we kin de si am wɛn i de beg, se, “Nɔto da man dis we kin sidɔm de beg?”