Apɔsul Dɛn Wok 3:1 - Krio Fɔs Oli Baybul

¹ Wande, bay tri oklɔk santɛm, di tɛm we dɛn Ju pipul kin go pre, Pita ɛn Jɔn bin go na Gɔd in Os fɔ go pre.

Apɔsul Dɛn Wok 3:1 Referans Kwoze

Di Sam Dɛm 55:17

Frɔm mɔnin to nɛt, a de kray mek i ɛp mi, ɛn i de yɛri mi.

Apɔsul Dɛn Wok 10:3

Wan santɛm, bay dɛn tri oklɔk, Gɔd sho Kɔnilyɔs sɔntin. I si Gɔd in enjɛl gud gud wan; di enjɛl kɔl am, i se, “Kɔnilyɔs!”

Apɔsul Dɛn Wok 4:13

Di bigman dɛn na di Ju gran kot si se Pita ɛn Jɔn nɔ bin sabi rid ɛn rayt, ɛn dɛn na bin ɔdinari pipul, bɔt dɛn nɔ bin de fred fɔ tɔk. Na dat mek dɛn wɔnda; ɛn dɛn kam gɛt fɔ no se dɛn bin de wit Jizɔs.

Lyuk 1:10

Ɔl di pipul dɛn bin de na do de pre we Zakaraya de bɔn di insɛns.

Apɔsul Dɛn Wok 5:25

Nain wan man kam tɛl dɛn se, “Una luk ya! Dɛn pipul we una bin put na jel, de na Gɔd in Os de tɔk bɔt Gɔd.”

Lyuk 24:53

Dɛn bin de go na Gɔd in Os ɔltɛm go prez Gɔd.

Apɔsul Dɛn Wok 8:14

Wɛn di apɔsul dɛn na Jerusɛlɛm yɛri se dɛn pipul we de na Sameria dɔn biliv Gɔd in wɔd, dɛn sɛn Pita ɛn Jɔn go to dɛn.

Daniɛl 6:10

Wɛn Daniɛl bin si se di pepa dɔn sayn, i go nain os usay in winda dɛn de nain rum ɔpstiaz, we opin to Jerusɛlɛm; ɛn nildɔŋ tri tɛm fɔ de ɛn pre ɛn tɛl PAPA GƆD tɛnki lɛk aw i bin dɔn de du.

Apɔsul Dɛn Wok 2:46

Di pipul dɛn kin mit na Gɔd in Os ɔltɛm fɔ pre ɛn wɛn dɛn dɔn, dɛn kin go na dɛn kɔmpin os fɔ it, ɛn ɔlman kin gladi fɔ sheb in it wit in kɔmpin.

Jɔn 21:7

Di lanin bɔy we Jizɔs lɛk tɛl Pita se, “Na di Masta tinap yanda so na di bich!” Pita bin dɔn pul in klos we i wɛr pantap, so wɛn i yɛri se na di Masta, i jɛs rap am bak rawnd insɛf, ɛn jomp na di wata.

Lyuk 22:8

So Jizɔs kɔl Pita ɛn Jɔn, ɛn tɛl dɛn se, “Una go rɛdi di Pasova it fɔ wi, so dat wi kin it am.”

Matyu 26:37

Wɛn i de go, i kɛr Pita ɛn Zɛbidi in tu pikin dɛn go wit am. I bigin fil sɔri ɛn in at ebi.

Matyu 17:1

Afta siks de pas, Jizɔs tek Pita, Jems ɛn in brɔda Jɔn go na wan ay il, na dɛn nɔmɔ bin lib de.

Daniɛl 9:21

We a bin de pre, di man we nem Gebrɛl, we a bin dɔn si insay di fɔs vishɔn, bin flay kam usay a bin de, wit spid. Dat apin di tɛm we wi kin mek di ivintɛm sakrifays.

Apɔsul Dɛn Wok 10:30

Kɔnilyɔs ansa se, “I dɔn tek fo dez naw, bay dis tɛm, tri oklɔk santɛm, a bin de pre na mi os. Wantɛm, wan man we wɛr klos we de shayn kam tinap bifo mi.

1 Kiŋ 18:36

Wɛn di tɛm rich fɔ ɔfa di sakrifays, Prɔfɛt Ilayja muf go bifo ɛn bigin pre se, “E PAPA GƆD, di PAPA GƆD fɔ Ebraam, Ayzak ɛn Jekɔb, lɛ dɛn pipul yaso no tide se yu na PAPA GƆD na Izrɛl ɛn mi na yu savant, ɛn wetin a de du so na wetin yu tɛl mi fɔ du.

Ɛksodɔs 29:39

Yu fɔ sakrifays wan ship na mɔnin, dɔn di ɔda ship ivintɛm.

Lɛta Fɔ Galeshya 2:9

Jems, Pita ɛn Jɔn, we dɛn se na bin bakbon na di chɔch bin no se Gɔd gi mi dis wok ya fɔ du, dɛn shek mi ɛn Banabas an fɔ sho se wi ɔl dɔn bi wan we wi de wok fɔ Gɔd. Dɛn tɛl mi ɛn Banabas se, wi tu fɔ go wok to dɛn pipul we nɔto Ju, ɛn dɛn tri fɔ go wok to dɛn pipul we na Ju.

Di Nɔmba Dɛm 28:4

Fɔ mek wan yɔŋ ship na mɔnin ɛn di ɔda wan ivintɛm

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Lyuk 18:10

“Tu man dɛn bin go pre na Gɔd in Os wande; wan na bin Faresi, di ɔda wan na pɔsin we bin de gɛda taks.

Apɔsul Dɛn Wok 3:3

Wɛn di man si Pita ɛn Jɔn de go insay Gɔd in Os fɔ go pre, i bigin beg dɛn fɔ mek dɛn gi am mɔni.

Apɔsul Dɛn Wok 3:4

Pita ɛn Jɔn luk gud insay di man in yay, na de Pita tɛl am se, “Es yay, luk wi!”