Apɔsul Dɛn Wok 27:3 - Krio Fɔs Oli Baybul

³ Di ɔda de wi rich Saydɔn. Julyɔs bin gud to Pɔl so i kin lɛf Pɔl fɔ go fɛn in padi dɛn ɛn i kin mek dɛn gi Pɔl ɛnitin we i want.

Apɔsul Dɛn Wok 27:3 Referans Kwoze

Apɔsul Dɛn Wok 24:23

So i tɛl di soja dɛn bigman fɔ go put Pɔl bak na sɛl, bɔt i se mek i nɔ tek Pɔl lɛkɛ jelman ɛn mek i nɔ tap Pɔl in padi dɛn fɔ kɛr wetin i want go gi am.

Apɔsul Dɛn Wok 28:16

Wɛn wi rich Rom, dɛn nɔ put Pɔl na jel bɔt dɛn mek soja man de gyad am.

Apɔsul Dɛn Wok 27:43

Bɔt di soja man dɛn bigman nɔ bin want mek dɛn kil Pɔl, so i nɔ gri mek di soja man dɛn kil di jelman dɛn. I tɛl dɛn wan we sabi swim fɔ jomp na di wata ɛn swim go na di sho.

Apɔsul Dɛn Wok 27:1

Wɛn dɛn gri fɔ mek wi go Itali, dɛn lɛf Pɔl ɛn sɔm ɔda jelman dɛn wit wan bigman fɔ dɛn soja man, we nem Julyɔs. Julyɔs na bin wan pan dɛn bigman fɔ di big kiŋ na Rom in soja man dɛn.

Apɔsul Dɛn Wok 12:20

Ɛrɔd bin vɛks bad pan dɛn pipul na Taya ɛn Saydɔn, so di pipul dɛn na dɛn tu tɔŋ de gɛda wan ples fɔ go tɔk to am. Di fɔs tin we dɛn du, dɛn mek wanwɔd wit di bigman we de luk ɔl di kiŋ in prɔpati. Dis man ya bin nem Blastɔs. Dɛn go to Ɛrɔd go beg am mek dɛn ɔl gɛt wanwɔd, bikɔs di it we dɛn bin de it bin de kɔmɔt na di kɔntri we Ɛrɔd bin de rul.

Matyu 11:21

I se, “Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du na una ples, na Taya ɛn Saydɔn, di pipul dɛn we lib de bin fɔ dɔn lɛf fɔ du bad lɔntɛm, ɛn dɛn bin fɔ wɛr bag ɛn rɔb asis pan dɛnsɛf, fɔ sho se dɛn dɔn lɛf fɔ du bad!

Zɛkaraya 9:2

Amath we de na Adrak in bɔda o, Taya ɛn Saydɔn we gɛt ɔl di sɛnsman dɛn, nain gɛt dɛn.

Ayzaya 23:12

Ɛn i tɔk se: “Yu nɔ go bɛtɛ igen, yu we na Saydɔn in gyal pikin we na vajin, we dɛn de sɔprɛs; i lɛk yu grap go oba Sayprɔs, de sɛf yu nɔ go gɛt alafia.”

Jɛnɛsis 49:13

“Zɛbyulɔn go tap na waf. Ɔl dɛn big ship dɛn go slam de. Ɛn in bɔda go de te rich Saydɔn.

Jɛnɛsis 10:15

Kenan na di papa fɔ Saydɔn, we na bin di fɔs wan pan dɛn Itayt,

Jɔshwa 19:28

Ɛbrɔn, Rɛɔb, Amɔn, Kana te rich Saydɔn.