Apɔsul Dɛn Wok 26:9 - Krio Fɔs Oli Baybul

⁹ “A bin biliv se a fɔ du ɛnitin we a ebul du fɔ pwɛl Jizɔs we kɔmɔt Nazarɛt, in nem.

Apɔsul Dɛn Wok 26:9 Referans Kwoze

Fɔs Lɛta To Timoti 1:13

pan ɔl we fɔstɛm a bin de tɔk bad bɔt am, a bin de fɛt in pipul dɛn ɛn a bin de kɔs am; bɔt Gɔd sɔri fɔ mi bikɔs a nɔ bin no wetin a de du di tɛm we a nɔ bin biliv pan Krays yet,

Apɔsul Dɛn Wok 22:8

A se, ‘Udat na yu, Masta?’ Di vɔys ansa se, ‘Mi na Jizɔs we kɔmɔt Nazarɛt, na Mi yu de fɛt.’

Lɛta Fɔ Filipay 3:6

A bin de fɛt fɔ mek ɔlman du ɔl wetin di Ju Lɔ tɛl wi fɔ du, so a bin de mek dɛn pipul we biliv pan Krays sɔfa. So if na we pɔsin de kip di Ju Lɔ de mek ɔltin rayt bitwin in ɛn Gɔd, wɛl, nɔbɔdi nɔ go pɔynt fiŋa pan mi.

Lɛta Fɔ Rom 10:2

A kin tɔk fɔ dɛn se, dɛn want pliz Gɔd bad wan, bɔt dɛn nɔ no di rayt we.

Apɔsul Dɛn Wok 24:5

Wi dɔn fɛnɔt se dis man ya na pɔsin we de sɛtfaya na di kɔntri, i de mek dɛn Ju pipul strayk ɔlsay na di wɔl ɛn in na di lida fɔ di grup we dɛn kɔl Nazarin.

Apɔsul Dɛn Wok 21:13

Bɔt Pɔl aks dɛn se, “Wetin una de du, we una de kray so, una go mek mi at pwɛl? A rɛdi fɔ mek dɛn tay mi ɛn a rɛdi sɛf fɔ mek dɛn kil mi fɔseka Masta Jizɔs.”

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Apɔsul Dɛn Wok 3:6

Na de Pita tɛl am se, “A nɔ gɛt kɔpɔ, bɔt a go gi yu wetin a gɛt. Bay Jizɔs we kɔmɔt Nazarɛt in pawa, grap, waka!”

Jɔn 15:21

Bɔt dɛn go du una ɔl dɛn tin ya bikɔs una na mi yon pipul, ɛn dɛn nɔ no di wan we sɛn mi.

Apɔsul Dɛn Wok 3:17

“Mi pipul dɛn, a no se una ɛn una bigman dɛn nɔ bin no wetin una bin de du wɛn una kil Jizɔs.

Apɔsul Dɛn Wok 9:1

Da sem tɛm de, Sɔl bin stil de mek Jizɔs in apɔsul dɛn sɔfa, ɛn i bin want kil dɛn. I go to di bigman we de mek sakrifays fɔ pipul sin

Apɔsul Dɛn Wok 22:3

Pɔl se, “Mi na Ju man, a bɔn na Tasɔs we de na Silishia. Dɛn mɛn mi na Jerusɛlɛm ɛn Gameliɛl na bin mi ticha. I tek tɛm fɔ lan mi di Lɔ we wi grampapa papa dɛn lɛf ɛn a gi misɛf fɔ wok fɔ Gɔd lɛkɛ una we de ya tide.

Apɔsul Dɛn Wok 22:4

A bin de biɛn dɛn pipul we de fala dis We sote a mek dɛn kil dɛn. A bin de ol man ɛn uman ɛn mek dɛn jel dɛn.

Di Jɔj Dɛm 6:30

So di man dɛn na di siti tɛl Joash se mek i kɛr in bɔypikin go na do so dat dɛn go kil am, bikɔs i dɔn brok Baal in ɔlta ɛn dɔn brok di Ashɛra imej we bin de nia am.