Apɔsul Dɛn Wok 26:4 - Krio Fɔs Oli Baybul

⁴ “Ɔl di Ju pipul dɛn no uskayn layf a liv frɔm we a smɔl, dɛn no se na mi yon pipul dɛn fɔs a bin de wit na Jerusɛlɛm.

Apɔsul Dɛn Wok 26:4 Referans Kwoze

Lɛta Fɔ Galeshya 1:13

Una dɔn yɛri bɔt di tɛm we a bin de pre lɛkɛ aw mi Ju pipul dɛn de pre, ɛn aw a bin de mek dɛn pipul we biliv Gɔd sɔfa bad. A bin de du ɔl wetin a ebul du fɔ mek di pipul dɛn sɔfa, so dat dɛn nɔ go de mit wan ples igen fɔ pre, ɛn dɛn nɔ go biliv dɛn tin ya.

Sɛkɛn Lɛta To Timoti 3:10

Bɔt yu dɔn yɛri dɛn tin we a lan yu, yu dɔn si aw a de du, ɛn yusɛf no wetin a want du na layf; yu dɔn no wetin a biliv, yu dɔn no aw a de bia, aw a lɛk pipul, aw a tinap traŋa.

Lɛta Fɔ Filipay 3:5

Bikɔs wan wik afta a bɔn nain dɛn sakɔmsayz mi. Mi mama ɛn mi papa na Ju, dɛn fambul to Bɛnja min, ɛn ɔl mi fambul dɛn na Ibru pipul. Mi na wan pan dɛn Faresi so a bin de du ɔl wetin di Ju Lɔ se, lɛkɛ dɛn.

Apɔsul Dɛn Wok 22:3

Pɔl se, “Mi na Ju man, a bɔn na Tasɔs we de na Silishia. Dɛn mɛn mi na Jerusɛlɛm ɛn Gameliɛl na bin mi ticha. I tek tɛm fɔ lan mi di Lɔ we wi grampapa papa dɛn lɛf ɛn a gi misɛf fɔ wok fɔ Gɔd lɛkɛ una we de ya tide.

Apɔsul Dɛn Wok 24:14

A gri se a de fala di nyu We wɛn a de pre to di Gɔd we wi grampapa papa dɛn bin de pre to, pan ɔl we di Ju pipul dɛn se dis We ya nɔ rayt. A biliv ɔl wetin de na di Lɔ we Gɔd bin gi Mozis ɛn ɔl wetin dɛn prɔfɛt bin rayt.