Apɔsul Dɛn Wok 26:16 - Krio Fɔs Oli Baybul

¹⁶ Grap, tinap; A dɔn sho misɛf to yu ɛn a dɔn pik yu fɔ wok fɔ mi. Yu fɔ tɛl ɔda pipul wetin yu dɔn si tide ɛn yu fɔ tɔk wetin a want yu fɔ tɔk.

Apɔsul Dɛn Wok 26:16 Referans Kwoze

Daniɛl 10:11

Nain i tɛl mi se, “Daniɛl, man we dɛn lɛk pasmak, lisin wetin a de tɛl yu. Tinap tret, bikɔs dɛn sɛn mi to yu.” Di tɛm we i bin de tɔk to mi, a tinap de trimbul.

Izikɛl 2:1

PAPA GƆD tɛl mi se “Mɔtalman, grap tinap, ɛn a go tɔk to yu.”

Fɔs Lɛta To Timoti 1:12

A tɛl Jizɔs Krays, wi Masta, tɛnki. Nain de gi mi trɛnk fɔ du dis wok ɛn nain pik mi fɔ du am bikɔs i si se a go du am gud,

Lɛta Fɔ Galeshya 1:12

Nɔto pɔsin tɛl mi di Gud Nyuz ɛn nɔto pɔsin lan mi bɔt di Gud Nyuz. Na Jizɔs Krays insɛf sɛf mek a ɔndastand di Gud Nyuz.

Lɛta Fɔ Kɔlɔse 1:25

Na fɔ wok fɔ di Kristiɛn dɛn Gɔd pik mi fɔ ɛp una ɛn fɔ tɛl una ɔl di mɛsej we i gi mi.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Lɛta Fɔ Galeshya 2:2

A go bak na Jerusɛlɛm, bikɔs Gɔd tɛl mi fɔ go de. A bin gɛt mitin wit di bigman dɛn na di chɔch nɔmɔ. Na de a tɛl dɛn di Gud Nyuz we a bin de tɛl dɛn pipul we nɔto Ju, bikɔs a nɔ bin want mek di wok we a bin dɔn du, ɛn di wok we a bin de du, go fɔ natin.

Apɔsul Dɛn Wok 23:11

Wɛn nɛt kam, di Masta kam tinap klos Pɔl ɛn se, “Pɔl, nɔ mek yu at pwɛl; lɛkɛ aw yu bin tɛl di pipul dɛn na Jerusɛlɛm wetin yu no bɔt mi, yu go du di sem tin na Rom.”

Sɛkɛn Lɛta To Timoti 4:5

Bɔt yu fɔ kɔntrol yusɛf ɔltɛm; yu fɔ bia wɛn yu de sɔfa, yu fɔ de tɛl pipul di Gud Nyuz, ɛn yu fɔ du ɔl wetin pɔsin we de wok fɔ Gɔd fɔ du.

Fɔs Lɛta To Timoti 4:6

If yu tɛl wi brɔda dɛn fɔ du dɛn tin ya we a tɛl yu, yu go de du Jizɔs Krays in wok gud, ɛn dat go sho se yu put ɔl yu at pan dɛn tru tin we yu biliv ɛn dɛn tru tin ya we a lan yu, we gud, we yu de fala.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Lɛta Fɔ Kɔlɔse 1:7

Ɛpafras, we wi lɛk, ɛn we de du Krays in wok de fɔ wi, nain bin tɛl una aw Gɔd lɛk una ɛn aw i gud to una. I siriɔs pan di wok we i de du fɔ Krays. I bin de ɛp wi fɔ tɛl una di Gud Nyuz.

2 Kɔrint 5:18

Na Gɔd du ɔl dis, nain mek Krays mek wi bi in padi dɛn, so dat wi go tap fɔ bi pipul we nɔ lɛk am, ɛn di wok we Krays gi wi na fɔ mek wi go mek ɔda padi dɛn fɔ Gɔd.

2 Kɔrint 4:1

We Gɔd dɔn sɔri fɔ wi ɛn gi wi dis wok ya fɔ du, wi nɔ go gri mek ɛnitin mek wi at pwɛl.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Apɔsul Dɛn Wok 22:10

A se, ‘Masta, wetin a fɔ du?’ Di Masta ansa mi se, ‘Grap, go Damaskɔs, na de dɛn go tɛl yu ɔltin we Gɔd want yu fɔ du.’

Apɔsul Dɛn Wok 21:19

Wɛn Pɔl dɔn tɛl dɛn adu, i tɛl dɛn se Gɔd pik am fɔ du in wok ɛn i fɔ wok wit dɛn pipul we nɔto Ju.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Apɔsul Dɛn Wok 6:4

Wi, we na di apɔsul dɛn, go jɛs de fɔ pre ɛn fɔ tɛl pipul bɔt Gɔd.”

Apɔsul Dɛn Wok 1:25

fɔ du di wok we Judas dɔn lɛf. Judas dɔn go na di say we i fɔ go.”

Apɔsul Dɛn Wok 1:17

Judas na bin wan pan wi ɛn na wi ɔl bin de wok fɔ Gɔd.”

Lyuk 1:2

Ɛn ɔl wetin dɛn de rayt na dɛn sem tin we dɛn pipul we bin de we dɛn tin ya fɔs bigin apin, ɛn we bin de tɔk Gɔd in wɔd, tɛl wi.

Apɔsul Dɛn Wok 26:15

A se, ‘Udat na yu, Masta?’ Di vɔys se, ‘Mi na Jizɔs we yu de fɛt!

Lɛta Fɔ Ɛfisɔs 3:3

Gɔd dɔn sho mi di plan we i bin ayd. A bin dɔn rayt una lili bit bɔt dat.