Apɔsul Dɛn Wok 24:5 - Krio Fɔs Oli Baybul

⁵ Wi dɔn fɛnɔt se dis man ya na pɔsin we de sɛtfaya na di kɔntri, i de mek dɛn Ju pipul strayk ɔlsay na di wɔl ɛn in na di lida fɔ di grup we dɛn kɔl Nazarin.

Apɔsul Dɛn Wok 24:5 Referans Kwoze

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Apɔsul Dɛn Wok 24:14

A gri se a de fala di nyu We wɛn a de pre to di Gɔd we wi grampapa papa dɛn bin de pre to, pan ɔl we di Ju pipul dɛn se dis We ya nɔ rayt. A biliv ɔl wetin de na di Lɔ we Gɔd bin gi Mozis ɛn ɔl wetin dɛn prɔfɛt bin rayt.

Apɔsul Dɛn Wok 26:5

If dɛn want tɔk tru, dɛnsɛf no se mi na bin gud Faresi.

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

1 Kɔrint 4:13

wɛn dɛn tɔk bad bɔt wi, wi kin tɔk gud bɔt dɛn; plɛnti pipul tink se wi tan lɛkɛ tin we fɔ trowe ɛn te naw pipul de tink se wi layf nɔ bɛtɛ!

Apɔsul Dɛn Wok 21:28

Dɛn Ju pipul ya se, “Wi Izrɛl pipul dɛn, una kam ɛp wi! Na dis man de go ɔlsay de lan pipul bad tin dɛn bɔt wi di Izrɛl pipul dɛn, di Lɔ we Gɔd bin gi Mozis, ɛn Gɔd in Os na dis tɔŋ. Nɔto dat nɔmɔ i dɔn du, naw i dɔn briŋ Grik pipul dɛn kam insay Gɔd in Os fɔ pwɛl dis ples we na Gɔd yon!”

Apɔsul Dɛn Wok 5:17

Di edman pan dɛn man we de mek sakrifays fɔ pipul sin, ɛn in kɔmpin Sadyusi dɛn, jɛlɔs di apɔsul dɛn bad wan.

Lyuk 23:2

Dɛn tɛl Paylet se, “Wi mit dis man de put wɔd na di pipul dɛn yes fɔ mek dɛn strayk ɛn i se wi nɔ fɔ pe taks to di kiŋ na Rom. I tɔk se in na di Mɛsaya ɛn dat min se in na kiŋ.”

Pita In Fɔs Lɛta 2:19

If una sɔfa sɔfa we una nɔ fɔ sɔfa ɛn una bia bikɔs una no se na dat Gɔd want, Gɔd go blɛs una.

1 Kɔrint 11:19

I mɔs bi se una nɔ fɔ gɛt wanwɔd fɔ mek ɔda pipul no dɛn wan we de du wetin Gɔd want.

Apɔsul Dɛn Wok 22:22

Di pipul dɛn nɔ tɔk natin sote Pɔl tɔk dɔn. Nain dɛn ala se, “Una kɛr am go kil am! Lɛ wi nɔ si am igen!”

Apɔsul Dɛn Wok 6:13

Dɛn fɛn pipul fɔ lay pan am; di pipul dɛn se, “Dis man kin tɔk bad bɔt Gɔd in Os ɛn di Lɔ we Gɔd gi Mozis.

Lyuk 23:25

I fri Bara bas, di man we dɛn bin jel fɔ di strayk ɛn fɔ di pɔsin we i kil, we di Ju pipul dɛn se i fɔ fri, dɔn i tɛl in soja man dɛn fɔ kil Jizɔs lɛkɛ aw di Ju pipul dɛn bin want am fɔ du.

Lyuk 23:19

Bara bas na man we dɛn bin jel bikɔs i bin mek pipul dɛn strayk na di tɔŋ ɛn i bin kil pɔsin wɛn dɛn de strayk.

Lyuk 23:5

Di pipul dɛn we kɛr Jizɔs go to Paylet se, “Jizɔs mek di pipul dɛn strayk bay di tin dɛn we i de lan pipul na Judia. I bigin na Galili ɛn naw i dɔn rich Jerusɛlɛm.” Dɛn pin.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Matyu 2:23

i go tap na wan tɔŋ we nem Nazarɛt. So wetin di prɔfɛt dɛn bin dɔn tɔk bɔt Jizɔs kam bi tru. Dɛn bin se, “Dɛn go kɔl am pɔsin we kɔmɔt Nazarɛt.”

Emɔs 7:10

Amazaya we de mek sakrifays fɔ pipul sin na Bɛthɛl, sɛn ripɔt to Kiŋ Jɛroboam na Izrɛl se, Emɔs dɔn jɔyn pipul dɛn fɔ tɔn agens am. Wetin i tɔk, luk an yanda.

Jɛrimaya 38:4

Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

Ɛsta 3:8

Wande, Eman tɛl di kiŋ se sɔm rɛfyuji dɛn de ɔlɔbɔt nain kindɔm; i se dɛn difrɛn pas ɔl di pipul de ɛn dɛn nɔ de du wetin di kiŋ se, so di kiŋ nɔ go gen natin if i tɔlaret dɛn.

Jɛrimaya 37:13

Wɛn i rich na Bɛnjamin Get, di bigman pan di sikyɔriti we nam Irija we na Shɛlɛmaya in bɔypikin ɛn Ananaya in grampikin, arɛst Jɛrimaya we na prɔfɛt, se, “Yu de rɔnawe fɔ go oba to di Babilonian dɛm,”

Mak 1:24

“Jizɔs we kɔmɔt Nazarɛt, us biznɛs yu gɛt wit wi? Yu kam ya fɔ kil wi? A no udat na yu, a no se yu kɔmɔt to Gɔd ɛn yu dɔn gi Gɔd yu layf fɔ tru.”

Apɔsul Dɛn Wok 24:4

A nɔ want wes yu tɛm so a de beg yu mek yu lisin wetin a de kam tɔk fɔ misɛf ɛn mi kɔmpin dɛn.

Apɔsul Dɛn Wok 25:7

Wɛn Pɔl rich insay di kot, di Ju pipul dɛn we bin kɔmɔt Jerusɛlɛm go tinap rawnd am. Dɛn tɔk se Pɔl du plɛnti bad tin, bɔt dɛn nɔ bin ebul pruv se na tru dɛn de tɔk.