Apɔsul Dɛn Wok 24:11 - Krio Fɔs Oli Baybul

¹¹ If yu aks, yu go no se, a bin go Jerusɛlɛm fɔ go pre na Gɔd In Os ɛn frɔm di de we a go de, tide mek twɛlv de nɔmɔ.

Apɔsul Dɛn Wok 24:11 Referans Kwoze

Apɔsul Dɛn Wok 24:1

Wɛn fayv de dɔn pas, di edman fɔ dɛn man we de mek sakrifays fɔ pipul sin we bin nem Ananayas, sɔm bigman dɛn, ɛn wan lɔya we bin nem Tatɔlɔs rich na Sizaria. Dɛn go na di kot go tɛl Gɔvna Filiks wetin Pɔl du.

Apɔsul Dɛn Wok 21:18

Di ɔda de Pɔl fala wi go to Jems, ɛn ɔl di bigman dɛn na di chɔch bin de na di ples.

Apɔsul Dɛn Wok 24:17

“Afta sɔm ia bin dɔn pas we a nɔ go Jerusɛlɛm, a bin go de fɔ kɛr sɔm mɔni we dɛn gi mi fɔ gi mi Ju pipul dɛn ɛn fɔ mek sakrifays to Gɔd.

Apɔsul Dɛn Wok 23:23

Di soja man dɛn edman kɔl tu ɔda bigman pan di soja man dɛn; i tɛl dɛn se, “Una go rɛdi tu ɔndrɛd soja man, sɛvinti we de rayd ɔs, ɛn tu ɔndrɛd we de tek lɔŋ nɛf fɛt, fɔ go Sizaria. Una go lɛf bay nayn oklɔk dis nɛt.

Apɔsul Dɛn Wok 23:11

Wɛn nɛt kam, di Masta kam tinap klos Pɔl ɛn se, “Pɔl, nɔ mek yu at pwɛl; lɛkɛ aw yu bin tɛl di pipul dɛn na Jerusɛlɛm wetin yu no bɔt mi, yu go du di sem tin na Rom.”

Apɔsul Dɛn Wok 22:30

Di edman bin want no if ɔl wetin di Ju dɛn bin de tɔk na tru. Di ɔda de i mek in soja man dɛn lus Pɔl, dɔn i kɔl dɛn bigman we de mek sakrifays fɔ pipul sin ɛn ɔl dɛn mɛmba na di Ju gran kot fɔ kam mit. Dɛn kɛr Pɔl go bifo dɛn.