Apɔsul Dɛn Wok 23:8 - Krio Fɔs Oli Baybul

⁸ Di Sadyusi dɛn se wɛn pɔsin day, i nɔ de rayz igen. Dɛn se enjɛl ɛn spirit nɔ de; bɔt di Faresi dɛn biliv se wɛn pɔsin dɔn day, i de rayz bak ɛn dɛn se enjɛl ɛn spirit de.

Apɔsul Dɛn Wok 23:8 Referans Kwoze

Lyuk 20:27

Sɔm Sadyusi dɛn kam mit Jizɔs; di Sadyusi dɛn bin biliv se pɔsin we dɔn day nɔ go rayz frɔm in grev.

Matyu 22:23

Da sem de de, sɔm Sadyusi dɛn kam to Jizɔs. Di Sadyusi dɛn na pipul we se pipul we dɔn day nɔ go rayz frɔm dɛn grev.

Mak 12:18

Sɔm pan di Sadyusi dɛn kam mit Jizɔs; di Sadyusi dɛn bin biliv se pɔsin we dɔn day nɔ go rayz frɔm di grev.

Apɔsul Dɛn Wok 4:1

Wɛn Pita ɛn Jɔn bin de tɔk to di pipul dɛn, dɛn man we de mek sakrifays fɔ pipul sin wit di bigman fɔ dɛn wan we bin de gyad Gɔd in Os, ɛn dɛn Sadyusi, kam mit dɛn.

Apɔsul Dɛn Wok 23:7

Wɛn Pɔl tɔk dat, di Faresi ɛn Sadyusi dɛn bigin mek plaba, so di pipul dɛn sheb.

1 Kɔrint 15:12

Wi dɔn tɛl una se Gɔd dɔn mek Krays rayz frɔm di grev, aw sɔm pan una de se, Gɔd nɔ go mek dɛn wan we dɔn day rayz frɔm dɛn grev?