Apɔsul Dɛn Wok 23:2 - Krio Fɔs Oli Baybul

² Di edman fɔ dɛn man we de mek sakrifays fɔ pipul sin we bin nem Ananayas tɛl di pipul dɛn we bin tinap klos Pɔl fɔ slap in mɔt.

Apɔsul Dɛn Wok 23:2 Referans Kwoze

Jɔn 18:22

Wɛn Jizɔs tɔk dat, wan pan di gyad dɛn we bin lib de slap am ɛn se, “Na so yu fɔ tɔk to di edman fɔ dɛn man we de mek sakrifays fɔ pipul sin?”

Apɔsul Dɛn Wok 24:1

Wɛn fayv de dɔn pas, di edman fɔ dɛn man we de mek sakrifays fɔ pipul sin we bin nem Ananayas, sɔm bigman dɛn, ɛn wan lɔya we bin nem Tatɔlɔs rich na Sizaria. Dɛn go na di kot go tɛl Gɔvna Filiks wetin Pɔl du.

Mayka 5:1

I se dɛn dɔn sɔrawnd dɛn na dɛn siti we gɛt wɔl ɛn dɛn dɔn bit dɛn bigman sɛf ɛn gi am dɔti fɔ it.

1 Kiŋ 22:24

Na de Zɛdikaya, dat na Kenaanain bɔypikin go nia Maykaya ɛn gi am payn nain fes ɛn aks am se usay PAPA GƆD in spirit pas we i lɛf in go to am go tɔk to am.

Matyu 26:67

Sɔm pan dɛn pit pan Jizɔs in fes, sɔm bit am ɛn sɔm slap am.

Jɛrimaya 20:2

Pashɔ bit Jɛrimaya ɛn chen am na di ples we de fɔ chen pipul na di Bɛnjamin get we de ɔp say na PAPA GƆD in os.

2 Kronikuls 18:23

Na de Zɛdikaya, dat na Kenaanain bɔypikin go nia Maykaya ɛn slap am nain fes ɛn aks am se usay PAPA GƆD in spirit pas we i lɛf in go to am go tɔk to am.

Job 16:10

Pipul dɛn dɔn opin mɔt wit wɔnda we dɛn si mi, ɛn slap mi jɔ fɔ provok mi, ɛn gɛda rawnd mi fɔ atak mi.

Jɔn 18:23

Jizɔs ansa se, “If a tɔk ɛnitin we nɔ rayt, tɛl ɔlman we de na ya di tin we a tɔk we nɔ rayt. Bɔt if a rayt fɔ tɔk di tin we a tɔk, wetindu yu slap mi?”