Apɔsul Dɛn Wok 23:1 - Krio Fɔs Oli Baybul

¹ Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Apɔsul Dɛn Wok 23:1 Referans Kwoze

Apɔsul Dɛn Wok 24:16

So a de tray ɔltɛm mek mi at klin bifo Gɔd ɛn bifo mɔtalman.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

2 Kɔrint 1:12

Wetin mek wi fil prawd, na we wi no insay wi at fɔ tru se nɔto bay mɔtalman sɛns wi liv na dis wɔl, ɛn nɔto bay mɔtalman sɛns wi de du ɔl dɛn tin we wi de du fɔ una, bɔt na bikɔs Gɔd gud, mek wi rɛspɛkt una ɛn wi de waka tret wit una.

Di Ibru Pipul Dɛn 13:18

Una pre fɔ wi ɔltɛm. Wi no gud wan se wi dɔn du ɔl wetin wi no se wi fɔ du, bikɔs wi bin want du wetin rayt ɔltɛm.

1 Kɔrint 4:4

Mi kɔnshɛns klia, bɔt dat nɔ min se a nɔ gɛt fɔlt. Na di Masta nɔmɔ go jɔj mi.

Apɔsul Dɛn Wok 22:5

Di bigman we de mek sakrifays fɔ pipul sin ɛn ɔl di bigman dɛn na di Ju gran kot kin tɛl una se na tru a de tɔk. Dɛn bin gi mi lɛta fɔ kɛr go gi mi Ju brɔda dɛn na Damaskɔs. A bin go de fɔ ol dɛn pipul we de fala dis We ɛn tay dɛn briŋ dɛn kam bak na ya fɔ mek di bigman dɛn na di Ju gran kot mek dɛn sɔfa.

2 Kɔrint 4:2

Wi dɔn lɛf fɔ du dɛn tin we wi bin de ayd fɔ du we bin de mek wi shem; wi de waka tret wit pipul, wi nɔ de twis Gɔd in wɔd; wi no se Gɔd de luk wi, so wi de tɔk ɔl wetin tru bɔt Gɔd, so dat ɔlman go satisfay se wetin wi de tɔk na di rayt tin.

Apɔsul Dɛn Wok 23:6

Pɔl si se di pipul dɛn na di Ju gran kot miks; sɔm pan dɛn na bin Sadyusi ɛn sɔm na bin Faresi. Nain i tɔk se, “Mi brɔda dɛn, mi na Faresi, mi fambul dɛn na bin Faresi. Dɛn want fɔ jɔj mi bikɔs a biliv se Gɔd go mek dɛn pipul we dɔn day, rayz frɔm dɛn grev.”

Prɔvabs 28:1

Na bad pɔsin nɔmɔ kin de rɔn wɛn pɔsin nɔ kin de rɔnata am, bɔt pɔsin we de waka tret na PAPA GƆD in yay in de brev lɛkɛ layɔn.

Pita In Fɔs Lɛta 3:16

bɔt una nɔ fɔ fos pipul fɔ biliv pan Krays ɛn una fɔ de lisin to wetin dɛn de tɔk. Una fɔ shɔ se ɔl wetin una de du na wetin una at tɛl una se rayt, so dat dɛn pipul we de tɔk se una nɔ de waka tret, ɛn dɛn wan we de tɔk bad bɔt di gud we una de du we una de waka wit Krays, go shem.

Apɔsul Dɛn Wok 22:30

Di edman bin want no if ɔl wetin di Ju dɛn bin de tɔk na tru. Di ɔda de i mek in soja man dɛn lus Pɔl, dɔn i kɔl dɛn bigman we de mek sakrifays fɔ pipul sin ɛn ɔl dɛn mɛmba na di Ju gran kot fɔ kam mit. Dɛn kɛr Pɔl go bifo dɛn.

Apɔsul Dɛn Wok 6:15

Ɔl di pipul dɛn we bin sidɔm na di Ju gran kot bin de luk Stivin insay in yay, ɛn dɛn si se in fes bin tan lɛkɛ enjɛl fes.

Apɔsul Dɛn Wok 22:1

I se, “Mi papa dɛn ɛn mi brɔda dɛn, una lisin mek a tɛl una wetindu una nɔ fɔ kɔndɛm mi!”

Matyu 5:22

Bɔt mi de tɛl una se: dɛn go jɔj ɛnibɔdi we vɛks pan in brɔda. Dɛn go kɛr ɛnibɔdi we kɔs in brɔda go bifo di Ju gran kot, ɛn ɛnibɔdi we tɛl in brɔda se, ‘Yu fulman!’ Da pɔsin de go sɔfa na di faya we de na ɛl.

Apɔsul Dɛn Wok 23:15

Una ɛn di mɛmba dɛn na di Ju gran kot, sɛn to di soja man dɛn edman mek i briŋ Pɔl kam. Una fɔm lɛkɛ se una want yɛri mɔ bɔt in kes; wi go dɔn rɛdi ɛn wi go kil am bifo dɛn rich ya wit am.”

Apɔsul Dɛn Wok 23:20

Di yɔŋman se, “Di Ju bigman dɛn dɔn gri se dɛn go tɛl yu fɔ kɛr Pɔl go na kot tumara. Dɛn go fɔm lɛkɛ se dɛn want no mɔ bɔt Pɔl.

Apɔsul Dɛn Wok 23:28

A bin want no wetindu dɛn ol am, so a kɛr am go to di bigman dɛn na di Ju gran kot.