Apɔsul Dɛn Wok 22:1 - Krio Fɔs Oli Baybul

¹ I se, “Mi papa dɛn ɛn mi brɔda dɛn, una lisin mek a tɛl una wetindu una nɔ fɔ kɔndɛm mi!”

Apɔsul Dɛn Wok 22:1 Referans Kwoze

Apɔsul Dɛn Wok 7:2

Stivin ansa se, “Mi papa dɛn ɛn mi brɔda dɛn, a want mek una lisin mi! Gɔd we gɛt pawa pas ɔl bin sho insɛf to Ebraam wɛn Ebraam bin tap na Mɛsopotemia. Dat bin bi bifo Ebraam go tap na Aran.

Sɛkɛn Lɛta To Timoti 4:16

Di fɔs tɛm we a go kot, nɔbɔdi nɔ bin tinap fɔ mi; ɔlman lɛf mi. Mek Gɔd nɔ mak dɛn fɔ dat!

Pita In Fɔs Lɛta 3:15

Una fɔ rɛspɛkt Krays ɛn tɔk insay una at se in na di Masta. Una fɔ rɛdi ɔltɛm fɔ ansa dɛn pipul we de aks una wetin una abop pan,

Lɛta Fɔ Filipay 1:17

Di ɔda pipul dɛn we de tɔk bɔt Jizɔs Krays, nɔ de du so wit klin at, na dɛnsɛf nɔmɔ dɛn de mɛmba wɛn dɛn de du so; dɛn min se dɛn go mek a sɔfa mɔ ɛn mɔ na jel we dɛn de du so.

Lɛta Fɔ Filipay 1:7

Una de na mi at ɔltɛm ɛn na so i fɔ bi bikɔs una de ɛp mi pan dis wok, we Gɔd gi mi dis wɔndaful chans fɔ du, naw we a de na jel ɛn dɛn tɛm we a bin fri fɔ tɛl ɔlman di Gud Nyuz ɛn sho dɛn se na tru, fɔ mek dɛn biliv am mɔ ɛn mɔ.

2 Kɔrint 12:19

Sɔntɛm una dɔn de tink ɔl dis tɛm se wi de tray fɔ tɔk mek una go gladi fɔ wi. Nɔto dat wi want du, wi de tɔk bifo Gɔd wetin Krays want mek wi tɔk. Mi padi dɛn, ɔl wetin wi de du na fɔ ɛp una.

2 Kɔrint 7:11

Luk wetin Gɔd du fɔ una we a mek una fil sɔri: i mek una siriɔs pan wetin una de du ɛn una want pruv fɔ tru se una nɔ gilti! Una bin vɛks bad fɔ di tin we una bin du; una bin fred bikɔs na bad tin una bin du, una bin fil bad; una bin want si mi bad bad; una bin rɛdi ɛnitɛm fɔ pɔnish di pɔsin we du bad! Una du ɔl wetin una ebul fɔ mek ɔltin tret. Ɔl dat dɔn sho mi se a nɔ gɛt ɛnitin fɔ blem una fɔ insay ɔl dis.

1 Kɔrint 9:3

Wɛn pipul de tɔk se a nɔ de du rayt, a kin se:

Lɛta Fɔ Rom 2:15

Wetin dɛn de du sho se di Lɔ de na dɛn at. Semwe so, wetin dɛn de tink sho se di Lɔ de na dɛn at, bikɔs sɔntɛm dɛn kin tink se, dɛn dɔn du bad, ɛn sɔntɛm dɛn kin tink se, dɛn dɔn du gud.

Apɔsul Dɛn Wok 28:17

We Pɔl dɔn de tri de na Rom, i kɔl di Ju bigman dɛn we de na Rom kam na wan mitin. Wɛn dɛn ɔl dɔn gɛda, i se, “Mi brɔda dɛn, a nɔ du mi Ju pipul dɛn natin ɛn a nɔ brok di Ju Lɔ we wi grampapa papa dɛn bin gi wi. Bɔt di Ju pipul dɛn put mi insay jel na Jerusɛlɛm, dɔn dɛn an mi oba gi dɛn Roman pipul.

Apɔsul Dɛn Wok 26:24

Wɛn Pɔl de tɔk, Fɛstɔs ala pan am se, “Pɔl, yu kres! Di plɛnti buk we yu sabi de mek yu kres!”

Apɔsul Dɛn Wok 25:16

Bɔt a tɛl dɛn se nɔto so di Roman dɛn de du; wi nɔ de jɔj pɔsin if wi nɔ dɔn gi am chans fɔ mit dɛn wan we se i du bad ɛn tɔk if insɛf gri wit di tin we dɛn se i du.

Apɔsul Dɛn Wok 25:8

Pɔl tray fɔ sho se na lay dɛn lay pan am, i se, “A nɔ du ɛnitin we di Ju Lɔ se wi nɔ fɔ du, a nɔ du ɛnitin bad na Gɔd in Os, ɛn a nɔ du ɛnitin we di Roman lɔ se wi nɔ fɔ du.”

Apɔsul Dɛn Wok 24:10

Wɛn di gɔvna gi Pɔl chans fɔ tɔk, nain Pɔl se, “A no se i dɔn te we yu de jɔj pipul na dis kɔntri so a gladi we yu gi mi chans fɔ tɔk.

Apɔsul Dɛn Wok 23:6

Pɔl si se di pipul dɛn na di Ju gran kot miks; sɔm pan dɛn na bin Sadyusi ɛn sɔm na bin Faresi. Nain i tɔk se, “Mi brɔda dɛn, mi na Faresi, mi fambul dɛn na bin Faresi. Dɛn want fɔ jɔj mi bikɔs a biliv se Gɔd go mek dɛn pipul we dɔn day, rayz frɔm dɛn grev.”

Apɔsul Dɛn Wok 23:1

Pɔl luk di mɛmba dɛn ɔl ɛn se, “Mi brɔda dɛn, frɔm we a no misɛf sote tide, a nɔ gɛt nɔ dawt na mi at se wetin a de du bifo Gɔd, rayt.”

Apɔsul Dɛn Wok 19:33

Sɔm pipul bin de blem Alɛgzanda fɔ di fɛt bikɔs nain di Ju pipul dɛn bin put bifo. Alɛgzanda mek sayn to di pipul dɛn fɔ sɛt mɔt bikɔs i bin want ɛksplen to dɛn se in ɛn in padi dɛn nɔ no bɔt di fɛt.

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Lyuk 21:14

Una fɔ mekɔp una maynd bifo dɛn tin ya bi so una nɔ go wɔri bɔt wetin una go tɔk wɛn dɛn ol una.

Lyuk 12:11

“Wɛn dɛn kɛr una go na di Ju mitin os ɛn bifo dɛn jɔj ɛn dɛn wan we de na pawa, una nɔ wɔndrin aw una fɔ ansa dɛn ɔ wetin una fɔ tɔk.