Apɔsul Dɛn Wok 21:4 - Krio Fɔs Oli Baybul

⁴ Wi mit sɔm Kristiɛn dɛn de, wi tap to dɛn wan wik. Gɔd in Spirit mek dɛn tɛl Pɔl se i nɔ fɔ go Jerusɛlɛm.

Apɔsul Dɛn Wok 21:4 Referans Kwoze

Apɔsul Dɛn Wok 28:14

Wi mit Kristiɛn dɛn de we aks wi fɔ de to dɛn wan wik bifo wi go Rom. Afta dat wi go Rom.

Apɔsul Dɛn Wok 19:1

Di tɛm we Apɔlɔs bin de na Kɔrint, Pɔl waka insay dɛn kɔntri te i rich Ɛfisɔs; na de i mit sɔm Kristiɛn dɛn.

Apɔsul Dɛn Wok 11:26

Wɛn i si Sɔl, i briŋ am kam na Antiɔk. Banabas ɛn Sɔl te na Antiɔk. Dɛn bin de mit wit di chɔch pipul dɛn fɔ lan dɛn, di pipul dɛn kin plɛnti. Antiɔk na di fɔs ples we dɛn bigin kɔl dɛn pipul we biliv pan Jizɔs, Kristiɛn.

Matyu 10:11

“Wɛn una go na ɛni tɔŋ ɔ vilej, una fɔ fɛn pɔsin we go gri fɔ mek una tap nain os, ɛn una nɔ fɔ muf go na ɔda os sote una lɛf da ples de.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Sɛkɛn Lɛta To Timoti 1:17

bɔt jɛs i rich Rom so, i bigin luk fɔ mi wantɛm te i si mi.

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Apɔsul Dɛn Wok 21:16

Sɔm pan di Kristiɛn dɛn na Sizaria fala wi go Jerusɛlɛm. Dɛn kɛr wi go na Nesɔn we kɔmɔt Sayprɔs, in os; Nesɔn na bin wan pan di fɔs Kristiɛn dɛn.