Apɔsul Dɛn Wok 21:2 - Krio Fɔs Oli Baybul

² Wi mit bot de we bin de go Finishia, wi go insay di bot, i kɛr wi go.

Apɔsul Dɛn Wok 21:2 Referans Kwoze

Apɔsul Dɛn Wok 27:6

Di soja man dɛn bigman si wan big bot we kɔmɔt Alɛgzanda de go Itali so i mek wi go insay.

Apɔsul Dɛn Wok 15:3

Di chɔch mɛmba dɛn sɛn Pɔl ɛn Banabas go. Wɛn Pɔl ɛn Banabas bin de pas na Finishia ɛn Sameria, dɛn tɛl di chɔch pipul dɛn se dɛn pipul we nɔto Ju dɔn biliv Gɔd. Dis nyuz mek ɔl di Kristiɛn dɛn gladi bad.

Apɔsul Dɛn Wok 11:19

Wɛn dɛn bigman na Jerusɛlɛm kil Stivin ɛn mek dɛn pipul we bin biliv pan Jizɔs Krays sɔfa, di pipul dɛn skata ɔlɔbɔt. Sɔm go Finishia, sɔm go Sayprɔs, sɔm go Antiɔk. Bɔt na to dɛn Ju pipul dɛn nɔmɔ dɛn bin de tɔk bɔt Jizɔs.

Jona 1:3

Bifo dat Jona grap ɛn rɔnawe go na Tashish lɛk fɔ se in go go usay PAPA GƆD nɔ de. I go na Jopa usay i mit wan ship we bin de rɛdi fɔ go Tashish. I bay tikit ɛn jomp insay di ship fɔ go Tashish usay i min to se PAPA GƆD nɔ go de.

Apɔsul Dɛn Wok 21:3

Wi si Sayprɔs na wi lɛfan, bɔt di bot go sote wi rich Siria. Dɛn pul lod na di bot na Taya so wi kam dɔŋ fɔs.