Apɔsul Dɛn Wok 2:5 - Krio Fɔs Oli Baybul

⁵ Ɔl dɛn Ju pipul we fred Gɔd, we kɔmɔt ɔlɔbɔt na dɛn ɔda kɔntri, bin de na Jerusɛlɛm da tɛm de.

Apɔsul Dɛn Wok 2:5 Referans Kwoze

Apɔsul Dɛn Wok 8:2

Na sɔm pipul we bin biliv Gɔd, bɛr Stivin; dɛn kray fɔ am bita wan.

Lyuk 2:25

Da tɛm de, wan man bin de na Jerusɛlɛm we bin nem Simiɔn. Dis man ya bin lɛk Gɔd ɛn i bin de waka tret ɛn de du ɔl wetin Gɔd want. I bin de wet fɔ di tɛm we Gɔd go sɔri fɔ di Izrɛl pipul dɛn ɛn pul dɛn kɔmɔt pan waala. Gɔd in Spirit bin de insay am,

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Apɔsul Dɛn Wok 22:12

“Wan man bin de na di tɔŋ we bin nem Ananayas, na man we bin fred Gɔd, i bin de du wetin di Ju Lɔ se ɛn ɔl dɛn Ju na Damaskɔs bin rɛspɛkt am.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 10:7

Wɛn Gɔd in enjɛl we bin de tɔk to Kɔnilyɔs dɔn go, Kɔnilyɔs kɔl tu pan in bɔy dɛn, wan soja man, ɛn in raytan man we kin pre to Gɔd.

Apɔsul Dɛn Wok 10:2

Kɔnilyɔs ɛn di pipul dɛn nain os bin fred Gɔd. I bin de du plɛnti gud fɔ ɛp dɛn Ju pipul we po ɛn i kin de pre to Gɔd ɔltɛm.

Apɔsul Dɛn Wok 8:27

So Filip grap ɛn go na di ples we Gɔd tɛl am fɔ go. Da sem tɛm de, wan bigman we kɔmɔt Itio pia bin de pas na di sem rod, i bin de go nain os. Di Itio pia man na bin di bigman fɔ dɛn pipul we de luk di Itio pia kwin in prɔpati dɛn. I bin kɔmɔt pre na Jerusɛlɛm ɛn i bin de go Itio pia bak; i bin sidɔm nain chariɔt.

Apɔsul Dɛn Wok 2:1

Di de we dɛn kɔl Pɛntikɔst, we na di de we mek fifti frɔm di tɛm we dɛn mek di Ju ɔlide we dɛn kɔl Pasova, ɔl dɛn pipul we bin biliv pan Jizɔs bin gɛda wan ples fɔ pre.

Jɔn 12:20

Sɔm Grik pipul bin de wit dɛn pipul we go pre na Jerusɛlɛm, wɛn di tɛm fɔ di Pasova ɔlide rich.

Lyuk 24:18

Wan pan dɛn tu we bin nem Klio pas se, “Tinkya, na yu wangren na trenja we nɔ no wetin dɔn bi na Jerusɛlɛm, dɛn de ya we jɛs pas?”

Lyuk 17:24

Di tɛm we Mɔtalman Pikin go kam bak na wɔl, go kam kwik wan lɛkɛ wɛn laytin kin flash na di klawd frɔm wan pat to di ɔda pat.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Zɛkaraya 8:18

PAPA GƆD Ɔlmayti tɔk to Zɛkaraya se,

Ayzaya 66:18

Bikɔs a no wetin dɛn de du ɛn aw dɛn kin tink, ɛn a de kam gɛda ɔl di neshɔn ɛn difrɛn laŋwej dɛm; ɛn dɛn go kam, ɛn dɛn go si mi glori;

Ditarɔnɔmi 2:25

I se PAPA GƆD se na da de de i go mek ɔlman na dis wɔl bigin fred Izrɛl ɛn trimbul we dɛn yɛri dɛn nem ɛn wetin dɛn ebul du.

Ɛksodɔs 23:16

Di sɛkɛn ɔlide na di wan we briŋ di fɔs tin dɛn we una avɛst. Dat na dɛn sid we una plant. Di las wan na di ɔlide fɔ avɛst una frut dɛn we kin mek una slip na bafa.