Apɔsul Dɛn Wok 2:44 - Krio Fɔs Oli Baybul

⁴⁴ Ɔl dɛn pipul we bin biliv pan Jizɔs bin de na wan ples wit wan at ɛn ɔlman bin de briŋ wetin i gɛt fɔ sheb am.

Apɔsul Dɛn Wok 2:44 Referans Kwoze

Apɔsul Dɛn Wok 4:32

Ɔl dɛn wan we bin biliv Jizɔs bin gɛt wanwɔd ɛn wan at. Nɔbɔdi nɔ bin de se, “Na mi wangren gɛt mi prɔpati”, bɔt ɔlman bin de sheb wetin i gɛt wit di ɔda pipul dɛn.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Apɔsul Dɛn Wok 5:4

Wɛn yu nɔ bin sɛl di grɔn yet, nɔto yu bin gɛt am, ɛn we yu dɔn sɛl am, nɔto yu gɛt di kɔpɔ? If na so i bi, wetin mek yu du dat? Yu nɔ lay gi mɔtalman, na Gɔd yu lay gi!”

Apɔsul Dɛn Wok 4:37

I sɛl in grɔn ɛn briŋ am gi di apɔsul dɛn.

Apɔsul Dɛn Wok 5:2

Ananayas kip sɔm pan di kɔpɔ fɔ insɛf, dɛn i kɛr di ɔda pat go gi di apɔsul dɛn. Safayra bin no se in man dɔn kip sɔm pan di kɔpɔ.