Apɔsul Dɛn Wok 2:4 - Krio Fɔs Oli Baybul

⁴ Gɔd in Spirit kam insay dɛn ɔl we bin lib de ɛn mek dɛn ɔl bigin tɔk laŋwej we dɛn nɔ lan; ɛnitin we Gɔd in Spirit want mek dɛn tɔk, nain dɛn tɔk.

Apɔsul Dɛn Wok 2:4 Referans Kwoze

Mak 16:17

Dɛn pipul we biliv di Gud Nyuz, a go gi dɛn pawa fɔ du wɔndaful wok: dɛn go drɛb dɛbul fɔseka mi; dɛn go tɔk laŋwej we dɛn nɔ lan;

Apɔsul Dɛn Wok 13:52

Dɛn pipul we bin biliv pan Jizɔs we bin de na Antiɔk bin gladi ɛn Gɔd in Spirit bin kam pan dɛn.

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Lɛta Fɔ Ɛfisɔs 5:18

Una nɔ fɔ drink wayn te una drɔnk we go mek una du bad, bɔt una fɔ mek Gɔd in Spirit de insay una gud gud.

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

Jɔn 14:26

Di wan we de ɛp pipul fɔ du wetin Gɔd want, dat na Gɔd in Spirit, we mi Papa go sɛn to una bikɔs a aks am, go lan una ɔltin ɛn mek una mɛmba ɔl wetin a dɔn tɛl una.

Apɔsul Dɛn Wok 19:6

Pɔl put in an na dɛn ed ɛn Gɔd in Spirit kam pan dɛn. Di pipul dɛn bigin tɔk dɛn laŋwej we dɛn nɔ lan ɛn dɛn tɔk wetin Gɔd tɛl dɛn fɔ tɔk.

Apɔsul Dɛn Wok 10:46

Dɛn yɛri dɛn pipul we nɔto Ju de tɔk difrɛn difrɛn laŋwej dɛn ɛn prez Gɔd. Nain Pita tɔk se,

Apɔsul Dɛn Wok 9:17

So Ananayas go; i go insay di os ɛn put in an pan Sɔl in ed ɛn pre fɔ am. I se, “Mi brɔda Sɔl, di Masta, Jizɔs we tɔk to yu wɛn yu bin de na rod de kam na ya, sɛn mi to yu. I sɛn mi fɔ kam pre fɔ yu mek yu go si bak ɛn fɔ mek Gɔd in Spirit kam insay yu.”

Apɔsul Dɛn Wok 7:55

Bɔt Gɔd in Spirit bin de wit Stivin, i luk ɔp na ɛvin, i si Gɔd in layt de shayn ɛn i si Jizɔs tinap na Gɔd in raytan.

Apɔsul Dɛn Wok 1:5

Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.”

1 Kɔrint 13:8

Dɛn wɔd we Gɔd tɛl in prɔfɛt dɛn fɔ tɔk, tɛm de kam we dɛn nɔ go tɔk dɛn igen; dɛn difrɛn laŋwej we pipul kin tɔk, bɔt we dɛnsɛf nɔ ɔndastand, tɛm de kam we dɛn nɔ go tɔk dɛn igen; ɔl dɛn tin we sɔm pipul sabi, dɛn nɔ go sabi dɛn igen. Bɔt lɛk go de sote go.

1 Kɔrint 13:1

If a sabi tɔk ɔl dɛn laŋwej we mɔtalman de tɔk ɛn we enjɛl sɛf de tɔk, ɛn a nɔ lɛk mi kɔmpin mɔtalman, di tin we a de tɔk go jɛs tan lɛkɛ wɛn pɔsin de bit pan ɔ wɛn bɛl de riŋ lawd lawd wan.

Apɔsul Dɛn Wok 13:9

Gɔd in Spirit bin de insay Sɔl, we in ɔda nem na Pɔl, so i grap go mit Ɛlimas, di majik kman; i luk am pim,

Apɔsul Dɛn Wok 2:11

Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”

Lyuk 12:12

Wɛn da tɛm de rich, Gɔd in Spirit go tɛl una wetin una fɔ tɔk.”

1 Kɔrint 14:18

A tɛl Gɔd tɛnki we a de tɔk dɛn laŋwej we misɛf nɔ ɔndastand pas ɛni wan pan una.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Apɔsul Dɛn Wok 4:8

Gɔd in Spirit bin de pan Pita, so Pita tɛl dɛn se, “Una we de rul ɛn una dɛn bigman we de na ya!

Jɔn 20:22

Dɔn i blo pan dɛn ɛn se, “Una mek Gɔd in Spirit kam insay una.

Lyuk 4:1

Wɛn Jizɔs kɔmɔt insay Riva Jɔdan, Gɔd in Spirit bin de insay am, di Spirit kɛr am go na di dɛzat we de na Judia ɛn i de wit am fɔti de, ɔl di tɛm we

Pita In Fɔs Lɛta 1:12

Gɔd sho dɛn prɔfɛt ya se nɔto fɔ ɛp dɛnsɛf dɛn de wok, bɔt na fɔ ɛp una. Di wok we dɛn de du na we dɛn de tɔk bɔt dɛn tin we una dɔn yɛri, we dɛn wan we de tɛl pipul di Gud Nyuz dɔn tɔk. Na Gɔd in Spirit we Gɔd sɛn kɔmɔt ɛvin, nain mek dɛn pipul ya ebul tɛl pipul di Gud Nyuz. Na dɛn tin ya dɛn enjɛl dɛnsɛf go lɛk fɔ ɔndastand.

1 Kɔrint 14:5

A lɛk mek una ɔl de tɔk laŋwej we unasɛf nɔ ɔndastand, bɔt wetin a lɛk pas dat na fɔ lɛ Gɔd mek una ɔl ebul fɔ tɔk wɔd we i tɛl una fɔ tɔk. Di pɔsin we de tɔk wɔd we Gɔd tɛl am de ɛp di chɔch mɔ pas di wan we de tɔk laŋwej we insɛf nɔ ɔndastand, pas nɔmɔ if pɔsin de we de ɛksplen wetin i de tɔk so dat di wɔd we i de tɔk kin ɛp di chɔch.

Apɔsul Dɛn Wok 11:15

As a bigin fɔ tɔk so, Gɔd mek in Spirit kam pan dɛn pipul ya lɛkɛ aw i bin kam pan wi fɔstɛm.

Apɔsul Dɛn Wok 6:5

Ɔl di pipul dɛn we bin go dis mitin gri wit wetin di apɔsul dɛn tɔk. So dɛn pik Stivin, we na man we bin biliv Gɔd ɛn Gɔd in Spirit bin de insay am. Dɛn pik Filip, Prɔkorɔs, Nikenɔ, Taymɔn, Pami nas, ɛn Nikolɔs we bin kɔmɔt Antiɔk ɛn bin gri fɔ bi Ju.

Apɔsul Dɛn Wok 6:3

Na dat mek wi want una fɔ pik sɛvin pipul pan unasɛf, we wi go mek du dis wok. Una fɔ pik pipul we una ɔl rɛspɛkt, dɛn fɔ gɛt Gɔd in Spirit ɛn dɛn fɔ sabi bɔt tin dɛn gud.

Apɔsul Dɛn Wok 1:8

Wɛn Gɔd in Spirit kam pan una, i go gi una pawa fɔ mek una tɔk bɔt mi na Jerusɛlɛm, na Judia, na Sameria ɛn ɔlɔbɔt na wɔl.”

Lyuk 1:15

Da pikin de go bi bigman pan Gɔd we na wi Masta in biznɛs. I nɔ fɔ drink wayn ɔ ɛnitin we de mek pɔsin drɔnk frɔm di de we i bɔn. Gɔd in Spirit go de insay am frɔm di tɛm we i de nain mama bɛlɛ.

Ayzaya 59:21

“PAPA GƆD se, “As fɔ mi, dis na mi Kɔvinant wit dɛm: mi spirit we de pan yu ɛn mi wɔd we a dɔn put na yu mɔt, nɔ go kɔmɔt na yu mɔt, i nɔ go kɔmɔt na yu pikin dɛm mɔt, ɔ dɛn yon pikin pikin dɛn mɔt. Na so PAPA GƆD se, frɔm naw, ɛn sote go.”

Ayzaya 28:11

Nɔ o, bɔt na bay trenja we de tɔk fɔrin laŋwej PAPA GƆD go tɔk to dɛn pipul ya,

2 Samiɛl 23:2

Na PAPA GƆD de mek a tɔk ɔl wetin a gɛt fɔ se.

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Lɛta Fɔ Ɛfisɔs 3:19

A de pre igen mek una no aw Krays lɛk mɔtalman, pan ɔl we mɔtalman nɔ ebul fɔ ɔndastand dis kayn lɛk, ɛn mek Gɔd de insay una gud gud, so dat ples nɔ lɛf fɔ ɔda tin.

Apɔsul Dɛn Wok 11:24

Banabas na bin gud man; Gɔd in Spirit bin de insay am ɛn i bin biliv Gɔd. Dat mek plɛnti pipul biliv pan di Masta.

Apɔsul Dɛn Wok 6:8

Stivin na bin man we gɛt Gɔd in blɛsin ɛn Gɔd in pawa we mek i ebul du plɛnti big wok we ɔlman si.

Lyuk 21:15

A go mek una ebul ansa dɛn wit sɛns so dat dɛn wan we nɔ lɛk una sɛf go gri wit di ansa dɛn we una de ansa.

Lyuk 1:67

Gɔd in Spirit kam insay Zakaraya we na Jɔn in papa, ɛn i bigin fɔ tɔk ɔl wetin go bi.

Lyuk 1:41

Wɛn Ilizabɛt yɛri Meri in vɔys, di pikin we de na Ilizabɛt in bɛlɛ jomp. Gɔd in Spirit kam insay Ilizabɛt,

Mayka 3:8

Mayka tɛl dɛn se na PAPA GƆD in spirit nɔmɔ we de pan am de gi am pawa. I se i de gi am sɛns ɛn mek i ebul fɔ tɛl Jekɔb in jɛnareshɔn bɔt di bad we dɛn de du ɛn fɔ tɛl Izrɛl bɔt di sin dɛn we dɛn de kɔmit.

Matyu 10:19

Wɛn dɛn kɛr una go fɔ go jɔj una, una nɔ wɔri bɔt wetin una go tɔk, ɛn aw una go tɔk. Wɛn di tɛm rich Gɔd go tɛl una wetin fɔ tɔk.

1 Samiɛl 10:10

Wɛn Sɔl ɛn in bɔy rich Gibia, dɛn mit wan grup prɔfɛt dɛn de pas ɛn PAPA GƆD in Spirit kam pan Sɔl ɛn i jɔyn di prɔfɛt dɛn ɛn bigin tɔk PAPA GƆD wɔd.

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

Izikɛl 3:11

Go naw, go to yu pipul dɛn we de ɛgzayl ɛn tɛl dɛn se, na so Papa Gɔd we na Gɔd se; wɛda dɛn gri fɔ lisin ɔ nɔt.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

1 Samiɛl 1:14

so i tɔk pan am mek i lɛf fɔ drink ɛn biev lɛk drɔnkɔman.

Apɔsul Dɛn Wok 2:3

Dɛn si tin dɛn lɛkɛ lili lili faya na di ples we dɛn bin de, ɛn di lili lili faya dɛn kam pan dɛn ɔl.

Apɔsul Dɛn Wok 8:17

Pita ɛn Jɔn put dɛn an pan di pipul dɛn ed ɛn pre fɔ dɛn, ɛn Gɔd in Spirit kam pan dɛn.

Apɔsul Dɛn Wok 10:47

“Gɔd dɔn gi dɛn pipul ya in Spirit lɛkɛ aw i bin dɔn gi wisɛf. Ɛnibɔdi go se dɛn nɔ fɔ baptayz?”

Apɔsul Dɛn Wok 15:8

Bɔt Gɔd we no mɔtalman at, dɔn gri fɔ gi dɛn in Spirit lɛkɛ aw i bin gi wi in Spirit.