Apɔsul Dɛn Wok 2:3 - Krio Fɔs Oli Baybul

³ Dɛn si tin dɛn lɛkɛ lili lili faya na di ples we dɛn bin de, ɛn di lili lili faya dɛn kam pan dɛn ɔl.

Apɔsul Dɛn Wok 2:3 Referans Kwoze

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Jɛrimaya 23:29

PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

Apɔsul Dɛn Wok 2:4

Gɔd in Spirit kam insay dɛn ɔl we bin lib de ɛn mek dɛn ɔl bigin tɔk laŋwej we dɛn nɔ lan; ɛnitin we Gɔd in Spirit want mek dɛn tɔk, nain dɛn tɔk.

Lyuk 24:32

Dɛn bigin tɔk se, “Nɔto dat mek sɔntin tɔch wi at wɛn i bin de tɔk ɛn wɛn i bin de ɛksplen wetin dɛn rayt na Gɔd in Buk, wɛn wi de kam?”

Jɛnɛsis 11:6

I se, “If dɛn pipul ya so we dɛn de tɔk wan laŋwej kin ebul du dis kayn tin, wetin lɛf we dɛn nɔ go ebul du?

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

Apɔsul Dɛn Wok 2:11

Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”

Matyu 3:15

Jizɔs se, “Du wetin a tɛl yu fɔ du dis tɛm ya. If yu du dat, wi go dɔn du ɔl wetin Gɔd want wi fɔ du fɔ mek pipul sev.” So Jɔn du wetin Jizɔs se.

Rɛvɛleshɔn 11:3

A go sɛn tu pipul we go tɔk bɔt mi, dɛn go wɛr di kayn klos we pipul kin wɛr wɛn dɛn gɛt bɛrin, ɛn fɔ wan tawzin, tu ɔndrɛd ɛn siksti de, dɛn go tɛl pipul di mɛsej we Gɔd gi dɛn.”

Jems 3:6

Wi mɔt tan lɛkɛ faya. Soso bad ful insay wi mɔt ɛn we wi mɔt na wan pat pan wi bɔdi, i de mek ɔl wi bɔdi bad. Wi mɔt de pwɛl wi frɔm di tɛm we wi bɔn sote wi day. Dɛn bad tin we de kɔmɔt na wi mɔt kɔmɔt to Setan na ɛl.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Di Sam Dɛm 55:9

PAPA GƆD, duya kɔnfyus di ɛnimi dɛn plan. A de si di kayn trɔbul we gɛt fɔ de na di siti.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Apɔsul Dɛn Wok 2:2

Wantɛm, dɛn yɛri nɔys lɛkɛ big briz de blo ɛn di nɔys bin de ɔlɔbɔt insay di os we dɛn bin de.