Apɔsul Dɛn Wok 2:11 - Krio Fɔs Oli Baybul

¹¹ Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”

Apɔsul Dɛn Wok 2:11 Referans Kwoze

1 Kɔrint 12:10

Di sem Spirit de gi wan pɔsin pawa fɔ du wɔndaful wok; i de gi ɔda wan pawa fɔ tɔk Gɔd in wɔd; i de mek ɔda wan ebul no if na Gɔd in Spirit ɔ na bad spirit de mek di pɔsin tɔk wetin i de tɔk; i de mek ɔda pɔsin ebul tɔk laŋwej we insɛf nɔ ɔndastand; ɛn i de mek ɔda pɔsin ebul fɔ ɛksplen wetin da pɔsin de de tɔk.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Di Ibru Pipul Dɛn 2:4

Gɔd insɛf pruv se in mɛsej bɔt di wɔndaful we we i go sev pipul, na tru, bay di wɔndaful tin we i du we sho wetin gɛt fɔ bi bambay; we i du ɔl kayn big wok we mek pipul wɔnda; ɛn we i mek in Spirit gi pipul dɛn pawa fɔ du difrɛn difrɛn tin lɛkɛ aw in want.

Taytɔs 1:12

Wan pan dɛn yon prɔfɛt, we insɛf kɔmɔt Krit, nain bin tɔk se, “Pipul we kɔmɔt Krit nɔba tɔk tru, dɛn na wikɛd bist, dɛn les ɛn dɛn de it tumɔs.”

Jɛrimaya 25:24

ɔl di kiŋ dɛm na Arebia ɛn ɔl di kiŋ dɛm fɔ dɛn miksɔp trayb dɛm we tap na di ɛmti ples we pɔsin nɔ go ebul tap;

Di Sam Dɛm 26:7

A go siŋ lawd wan fɔ tɛl PAPA GƆD tɛnki dɔn a go tɔk bɔt ɔl di wɔndaful tin dɛn we yu de du.

Job 9:10

we de du tin we mɔtalman nɔ de ɔndastand, di bɔku wɔndaful tin dɛn we pɔsin nɔ go ebul kɔnt.

Taytɔs 1:5

A bin lɛf yu na Krit fɔ mek yu du wetin wi nɔ bin du de yet, ɛn mek yu pik ovasia na ɔl dɛn tɔŋ. Mɛmba dɛn tin we a bin tɛl yu:

Apɔsul Dɛn Wok 27:12

Di ples nɔ bin gud fɔ mek dɛn de de kol sizin, so plɛnti pipul se mek dɛn kɔmɔt de ɛn tray rich na wan abɔ na Krit we nem Finiks; if yu de luk di say we san de go dɔŋ na Krit, Finiks de midul yu lɛfan ɛn raytan. Na de dɛn bin want de te di kol sizin dɔn.

Apɔsul Dɛn Wok 27:7

Di bot bin de go slo, wi tek lɔŋ tɛm bikɔs di briz bin de blo traŋa wan, bɔt wi manej rich Nidɔs. Di briz nɔ mek wi ebul go usay wi bin want go, so wi go di say we plɛnti briz nɔ de na Krit we de klos Salmoni.

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Ayzaya 28:29

Na to PAPA GƆD Ɔlmayti dis wan sɛf kɔmɔt; in advays dɛn wɔndaful ɛn in sɛns pas ɔl.

Ayzaya 25:1

PAPA GƆD, yu na mi Gɔd; a go es yu ɔp ɛn a go prez yu nem; bikɔs yu dɔn du wɔndaful tin dɛm, plan dɛn we dɛn mek lɔntɛm, yu kip yu wɔd ɛn dawt nɔ de de.

Ayzaya 13:20

Nɔbɔdi nɔ go tap de igen ɛn nɔbɔdi nɔ go lib de te di wɔl dɔn; nɔn Arab nɔ go mek in tɛnt de, ɛn nɔn shɛpad nɔ go mek in ship dɛn lidɔm de.

Di Sam Dɛm 136:4

Nain nɔmɔ na di PAPA GƆD we de ple wɔndaz, in lɔv de de sote go.

Di Sam Dɛm 111:4

I dɔn so du am dat pipul nɔ go ɛva fɔgɛt di wɔndaful tin dɛn we i de du. PAPA GƆD gɛt sɔri-at bad.

Di Sam Dɛm 107:21

Naw, lɛ dɛn tɛl PAPA GƆD tɛnk fɔ in lɔv we nɔ de chenj ɛn fɔ di wɔndaful tin dɛn we i de du fɔ mɔtalman.

Di Sam Dɛm 107:15

Naw, lɛ dɛn tɛl PAPA GƆD tɛnk fɔ in lɔv we nɔ de chenj, ɛn fɔ ɔl di wɔndaful tin dɛn we i de du fɔ mɔtalman,

Di Sam Dɛm 107:8

Naw, lɛ dɛn tɛl PAPA GƆD tɛnk fɔ in lɔv we nɔ de chenj ɛn fɔ ɔl di wɔndaful tin dɛn we i de du fɔ mɔtalman,

Di Sam Dɛm 96:3

Tɛl di neshɔn dɛn bɔt di bɔku ɛn wɔndaful tin dɛn we i de du fɔ pipul na di wɔl.

Di Sam Dɛm 89:5

PAPA GƆD dɛn wan dɛn we de na ɛvin de tɔk yu gud nem usay dɛn kin gɛda ɛn se yu na PAPA GƆD we fethful.

Di Sam Dɛm 78:4

Wi nɔ go ayd dɛn pan wi pikin dɛn; wi go tɛl di nɛks jɛnareshɔn bɔt PAPA GƆD in wɔndaful wok. Wi go tɛl dɛn aw i gɛt pawa ɛn bɔt ɔl di mirekul dɛn we i dɔn du.

Di Sam Dɛm 77:11

A mɛmba ɔl di wɔndaful tin dɛn we PAPA GƆD bin de du. A go mɛmba di mirekul dɛn we i bin ple lɔntɛm.

Di Sam Dɛm 71:17

PAPA GƆD, frɔm we a smɔl, nain yu dɔn tich mi fɔ prez yu, ɛn te tide a de tɔk bɔt di wɔndaful wok we yu de du.

Di Sam Dɛm 40:5

PAPA GƆD, yu wɔndaful, nɔbɔdi nɔ ebul fɔ kɔnt wetin yu dɔn du. Infakt sɛf, di plan we yu gɛt fɔ wi, nɔbɔdi nɔ go ebul tɔk bɔt dɛn so bɔku dat if a bin wan bin kɔnt a nɔ go ebul bikɔs dɛn tu bɔku fɔ kɔnt.

2 Kronikuls 26:7

PAPA GƆD ɛp am fɔ fɛt di Filistin dɛn, di Arab dɛn we tap na Gɔbeal ɛn di Mɛyunayt dɛn.

2 Kronikuls 17:11

Sɔm pan di Filistin dɛm bi kɛr prɛzɛnt go fɔ Jɛoshafat, ɛn silva fɔ dɛn taks; ɛn di Arab dɛnsɛf bin kɛr sɛvin tawzin sɛvin ɔndrɛd manship, ɛn sɛvin tawzin sɛvin ɔndrɛd man got.

1 Kiŋ 10:15

Dat nɔ miks pan di taks we dɛn biznɛsman dɛn de pe, ɛn di ɔda taks we dɛn kiŋ dɛn na Arebia ɛn dɛn gɔvna na dɛn ɔda distrikt dɛn de pe.

Lɛta Fɔ Galeshya 4:25

Wɛn pɔsin de tɔk bɔt Ega, na Mawnt Saynay we de Are bia, i de tɔk bɔt. Ega jɛs tan lɛkɛ aw Jerusɛlɛm tan tide, ɔl di pipul dɛn we kɔmɔt de tan lɛkɛ slev, na so Ega ɛn in pikin dɛnsɛf tan lɛkɛ slev.

Lɛta Fɔ Galeshya 1:17

ɛn a nɔ bin go to dɛn fɔs apɔsul na Jerusɛlɛm fɔ tɔk to dɛn. A bin jɛs go Are bia, dɔn a tɔn bak go Damaskɔs.

Ayzaya 21:13

Wetin PAPA GƆD se bɔt Arebia. Nainsay dɛn bush we tay tay pan dɛnsɛf na Arebia, una go tap, una di Dɛdanayt dɛn we de travul wit kamɛl, bay grup.

1 Kɔrint 12:28

Na so i bi na di chɔch: fɔs, Gɔd put dɛn apɔsul; sɛkɛn, dɛn prɔfɛt; tɔd, dɛn ticha; dɛn i put dɛn wan we de du wɔndaful wok bay in pawa; afta dɛn i put dɛn wan we i gi pawa fɔ mɛn sik pipul; dɛn i put dɛn wan we i gi pawa fɔ ɛp ɔda pipul; dɛn wan we i gi pawa fɔ tɛl pipul wetin dɛn fɔ du; ɛn dɛn wan we i gi pawa fɔ tɔk dɛn laŋwej we dɛnsɛf nɔ ɔndastand.

Apɔsul Dɛn Wok 2:10

Sɔm pan wi kɔmɔt Fri jya, Pamfilya, Ijipt ɛn ɔlsay na Libia we de klos Sayrini; sɔm pan wi kɔmɔt Rom.

Apɔsul Dɛn Wok 2:12

Di pipul dɛn bin wɔnda, dɛn nɔ bin no wetin de bi, so dɛn bigin fɔ aks dɛn kɔmpin se, “Wetin dis min?”

Apɔsul Dɛn Wok 27:13

Wɛn di briz nɔ bin plɛnti igen, dɛn bin min se di bot kin go, so dɛn lus di bot ɛn mek i pas klos di sho.