Apɔsul Dɛn Wok 2:10 - Krio Fɔs Oli Baybul

¹⁰ Sɔm pan wi kɔmɔt Fri jya, Pamfilya, Ijipt ɛn ɔlsay na Libia we de klos Sayrini; sɔm pan wi kɔmɔt Rom.

Apɔsul Dɛn Wok 2:10 Referans Kwoze

Apɔsul Dɛn Wok 16:6

Pɔl ɛn in kɔmpin dɛn go ɔlsay na Fri jya ɛn Galeshya bikɔs Gɔd in Spirit nɔ gri mek dɛn tɔk Gɔd in mɛsej na wan smɔl ples we dɛn kɔl Eshya.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Apɔsul Dɛn Wok 18:23

I nɔ te na Antiɔk. I go ɔlsay na Galeshya ɛn ɔlsay na Fri jya fɔ kɔrej di Kristiɛn dɛn mek dɛn go biliv pan Krays mɔ ɛn mɔ.

Apɔsul Dɛn Wok 15:38

bɔt Pɔl bin tink se i nɔ go gud fɔ mek dɛn go wit Jɔn Mak bikɔs i nɔ bin de wit dɛn sote dɛn dɔn di fɔs patrol. I bin tɔn bak, i lɛf dɛn na Pamfilya.

Apɔsul Dɛn Wok 13:43

Wɛn dɛn ɔl kɔmɔt na di Ju mitin os go na dɛn os, plɛnti Ju pipul dɛn fala Pɔl ɛn Banabas go, wit plɛnti pipul we nɔto bin Ju bɔt we bin gri fɔ tɔn to Ju. So Pɔl ɛn Banabas kɔrej dɛn fɔ mek dɛn abop pan Gɔd we gud to ɔlman ɛn we lɛk ɔlman ilɛk sɛf dɛn nɔ fit fɔ mek i lɛk dɛn.

Apɔsul Dɛn Wok 13:13

Pɔl ɛn in kɔmpin dɛn kɔmɔt Pafɔs, dɛn tek big bot go na Paga we de Pamfilya. Jɔn Mak lɛf Pɔl ɛn Banabas dɛn na Paga tɔn bak go Jerusɛlɛm.

Zɛkaraya 8:20

PAPA GƆD Ɔlmayti se, pipul dɛn go kɔmɔt na bɔku siti kam,

Sɛkɛn Lɛta To Timoti 1:17

bɔt jɛs i rich Rom so, i bigin luk fɔ mi wantɛm te i si mi.

Lɛta Fɔ Rom 1:15

Na dat mek a want fɔ tɛl unasɛf, we de na Rom, di Gud Nyuz.

Apɔsul Dɛn Wok 27:5

Wi krɔs klos Silishia ɛn Pamfilya, go Mayra we de Laysia.

Apɔsul Dɛn Wok 14:24

Wɛn dɛn dɔn waka ɔlsay na Pisidia, dɛn go Pamfilya.

Apɔsul Dɛn Wok 11:20

Sɔm pan di pipul dɛn we bin biliv pan Jizɔs bin de na Sayprɔs, sɔm bin de na Sayrini. Dɛn kɔmɔt Sayprɔs ɛn Sayrini go tap na Antiɔk ɛn dɛn tɛl dɛn Grik pipul dɛn bɔt di Masta, Jizɔs.

Mak 15:21

We dɛn de go, dɛn mit wan man we nem Saymɔn we bin kɔmɔt na wan vilej de go na di tɔŋ. Saymɔn na bin Alɛgzanda ɛn Rufɔs dɛn papa. I bin bɔn na Sayrini. Di soja man dɛn fos am fɔ tot di krɔs fɔ Jizɔs.

Matyu 27:32

Wɛn dɛn de go, dɛn mit wan man we nem Saymɔn we bɔn na Sayrini, di soja man dɛn fos am fɔ tot Jizɔs in krɔs.

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Daniɛl 11:43

I go bi di pɔsin we de kɔntrol ɔl di jɛntri; di gold ɛn silva ɛn ɔl di tin dɛn we gɛt prayz na Ijipt; afta dat, i go go to Libia ɛn Ithiopia.

Izikɛl 30:5

Ithiopia ɛn Put ɛn Lɔd ɛn ɔl Arebya ɛn Libia, ɛn di pipul dɛn we bin jɔyn an, go fɔdɔm wit am, bay di sɔd.

Jɛrimaya 46:9

Una go de, Una di ɔs dɛm, ɛn rej, Una rɔn lɛkɛ una kres, una di chariɔt dɛm! Lɛ di sojaman dɛm go bifo: di man dɛm we kɔmɔt Itiopia ɛn Libia we de fɛt wit big shild, ɛn di man dɛm we kɔmɔt Lidia we sabi fɛt wit bo.

Jɛnɛsis 12:10

It nɔ bin bɔku na Kenan so aŋri bin de. Di aŋri bin so mɔna dat Ebram muf fɔs go tap na Ijipt.

Rɛvɛleshɔn 11:8

ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Apɔsul Dɛn Wok 28:15

Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.

Apɔsul Dɛn Wok 18:2

Pɔl mit wan Ju man we bin nem Akwila. Akwila bin bɔn na wan kɔntri na Rom we nem Pɔnchɔs. Akwila ɛn in wɛf Prisila bin jɛs kɔmɔt Itali bikɔs di kiŋ na Rom we nem Klɔdiɔs bin pas lɔ we mek dɛn drɛb ɔl dɛn Ju pipul kɔmɔt na Rom. So Pɔl go luk Akwila ɛn Prisila.

Apɔsul Dɛn Wok 13:1

Di chɔch na Antiɔk bin gɛt sɔm prɔfɛt dɛn ɛn sɔm ticha dɛn. Dɛn na bin Banabas, Simiɔn we dɛn bin de kɔl Blak Pɔsin, Lushyɔs we bin kɔmɔt Sayrini, Manɛn we nain ɛn di gɔvna Ɛrɔd gro, ɛn Sɔl.

Apɔsul Dɛn Wok 6:9

Bɔt sɔm pipul na di Ju mitin os we dɛn bin de kɔl “fri pipul” nɔ bin gri wit Stivin. Dɛn na bin Ju pipul we kɔmɔt Sayrini ɛn Alɛgzanda, ɛn sɔm ɔda Ju pipul dɛn we kɔmɔt Silishia ɛn wan smɔl ples we dɛn kɔl Eshya.

Apɔsul Dɛn Wok 6:5

Ɔl di pipul dɛn we bin go dis mitin gri wit wetin di apɔsul dɛn tɔk. So dɛn pik Stivin, we na man we bin biliv Gɔd ɛn Gɔd in Spirit bin de insay am. Dɛn pik Filip, Prɔkorɔs, Nikenɔ, Taymɔn, Pami nas, ɛn Nikolɔs we bin kɔmɔt Antiɔk ɛn bin gri fɔ bi Ju.

Matyu 2:15

I tap de sote Kiŋ Ɛrɔd day. Ɔl dis bi fɔ mek wetin Gɔd bin dɔn tɛl di prɔfɛt fɔ tɔk, kam bi tru. I bin se, “A kɔl mi Bɔy Pikin fɔ kɔmɔt na Ijipt.”

Jɛrimaya 9:26

Ijipt, Juda, Idɔm, di bɔypikin dɛn na Amɔn, Moab, ɛn ɔl udat tap na di ɛmti ples we pɔsin nɔ go ebul tap, we de krep rawnd dɛn ed; bikɔs ɔl dɛn neshɔn dɛn de nɔ sakɔmsayz, ɛn di wanol Izrɛl dɛn at nɔ sakɔmsayz.”

Ɛsta 8:17

Ɔlɔbɔt we dɛn yɛri di lɔ, di Ju dɛn gladi. Dɛn mek ɔlide ɛn sɛlibret. Bɔku pan di ɔda pipul bigin se dɛnsɛf na Ju, bikɔs dɛn bin de fred de Ju dɛn.

Apɔsul Dɛn Wok 23:11

Wɛn nɛt kam, di Masta kam tinap klos Pɔl ɛn se, “Pɔl, nɔ mek yu at pwɛl; lɛkɛ aw yu bin tɛl di pipul dɛn na Jerusɛlɛm wetin yu no bɔt mi, yu go du di sem tin na Rom.”

Matyu 23:15

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de go ɔlɔbɔt na wɔl fɔ tɔk to wangren pɔsin fɔ mek i biliv wetin una biliv, wɛn una ebul mek i du dat, una de mek di pɔsin wɔs pas aw i bin tan ɛn mek i go ɛl, lɛkɛ aw unasɛf go go ɛl.

Apɔsul Dɛn Wok 2:11

Wi ɔl miks: Ju pipul ɛn dɛn pipul we gri fɔ tɔn to Ju, ɛn sɔm pan wi kɔmɔt Krit ɛn Are bia; bɔt pan ɔl dat wi ɔl de yɛri dɛn pipul ya we kɔmɔt Galili de tɔk na wi yon difrɛn laŋwej dɛn bɔt dɛn big wok we Gɔd de du.”

Apɔsul Dɛn Wok 17:21

Bikɔs ɔl dɛn pipul we bɔn na Atɛns ɛn dɛn wan we na trenja kin lɛk fɔ go sidɔm de, dɛn kin lɛk fɔ yɛri bɔt ɛni nyu tin ɛn tɔk bɔt am.