Apɔsul Dɛn Wok 19:2 - Krio Fɔs Oli Baybul

² Pɔl aks dɛn se, “Frɔm we una bi Kristiɛn, Gɔd in Spirit dɔn kam pan una?” Di Kristiɛn dɛn ansa Pɔl se, “Wi nɔ yɛri bɔt Gɔd in Spirit wande.”

Apɔsul Dɛn Wok 19:2 Referans Kwoze

Lɛta Fɔ Galeshya 3:5

Una min se Gɔd gi unain Spirit ɛn du dɛn big wok ya, bikɔs una de du wetin di Ju Lɔ tɛl una fɔ du, ɔ bikɔs una yɛri di Gud Nyuz ɛn biliv am?

1 Kɔrint 6:19

Una nɔ no se una bɔdi na di os we Gɔd in Spirit tap? Una no se na Gɔd gi unain Spirit. Una nɔto una yon prɔpati, una na Gɔd yon prɔpati.

Jɔn 7:39

Jizɔs bin de tɔk dat bɔt di Spirit we ɔl dɛn pipul we biliv pan am go gɛt. Gɔd nɔ bin dɔn gi dɛn di Spirit yet, bikɔs i nɔ bin dɔn mek Jizɔs go ɔp ɔp na ɛvin ɛn gɛt ɔna yet.

Apɔsul Dɛn Wok 19:5

Wɛn di pipul dɛn yɛri wetin Pɔl tɔk, dɛn gri mek i kɔl Masta Jizɔs in nem wɛn i de baptayz dɛn.

Apɔsul Dɛn Wok 10:44

Pita bin stil de tɔk, nain Gɔd in Spirit kam pan ɔl di pipul dɛn we bin de lisin wetin i de tɔk.

Apɔsul Dɛn Wok 2:17

‘Gɔd se, “Na di tin dis we a go du wɛn di wɔl want dɔn, a go gi ɔlman mi Spirit. Una gyal pikin ɛn una bɔy pikin dɛn go tɛl pipul mi mɛsej; una yɔŋ man dɛn go si tin we a sho dɛn, ɛn una ol man dɛn go drim plɛnti tin.

1 Samiɛl 3:7

Da tɛm de, Samiɛl nɔ bin no aw PAPA GƆD de tɔk to pɔsin as PAPA GƆD nɔ bin ɛva tɔk to am yet.

Lɛta Fɔ Rom 1:11

A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.