Apɔsul Dɛn Wok 18:3 - Krio Fɔs Oli Baybul

³ I bin tap to dɛn, ɛn dɛn ɔl bin de wok wan ples. Na tɛnt Pɔl bin de mek we i bin de sɛl fɔ gɛt mɔni fɔ manej in layf. Na di sem wok Akwila dɛn bin de du.

Apɔsul Dɛn Wok 18:3 Referans Kwoze

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

1 Kɔrint 4:12

wi kin de wok traŋa traŋa wan. Wɛn pipul se mek bad fala wi, wi kin se mek bɛtɛ fala dɛn; wɛn pipul dɛn mek wi sɔfa, wi kin bia;

2 Kɔrint 11:9

Ɛn di tɛm we a bin de wit una, ɛnitɛm we a kin want mɔni, a nɔba aks una fɔ ɛnitin; dɛn brɔda we kɔmɔt Masidonia kin briŋ ɔl wetin a want. Aw tin bin dɔn de bi so, na so i go de bi ɔltɛm! A nɔ go gi una kɔz fɔ wɔri bɔt mi!

2 Kɔrint 12:13

Aw a nɔ trit una di sem we lɛkɛ aw a de trit dɛn ɔda chɔch pipul, pas nɔmɔ we a nɔ wɔri una fɔ ɛp mi? Una padin mi, wetin a du so nɔ fayn.

2 Kɔrint 11:7

A nɔ bin de aks una fɔ pe mi wɛn a bin de tɛl una di Gud Nyuz bɔt Gɔd; a bin put misɛf dɔŋ mek una go kam ɔp. Na bad a bin du?

1 Kɔrint 9:14

Semwe so, di Masta dɔn tɔk se, dɛn pipul we de tɔk bɔt di Gud Nyuz, na di we dat we dɛn fɔ tek gɛt dɛn yon jɛjɛ.

1 Kɔrint 9:15

Bɔt a nɔba fos fɔ gɛt ɛni wan pan dɛn tin ya we a fɔ gɛt, bay rayt, ɛn nɔto dat mek a de rayt dis lɛta to una naw. Bifo a du dat mek a day. Nɔbɔdi nɔ go pruv se a nɔ min wetin a tɔk we a se a nɔ kin aks fɔ pe.

1 Kɔrint 9:18

So wetin na mi pe? Na di wɔndaful chans we a gɛt, we plɛnti ɔda pipul nɔ gɛt fɔ tɔk bɔt di Gud Nyuz ɛn nɔ aks fɔ pe, ɛn we a nɔ de aks fɔ dɛn tin we a fɔ gɛt bay rayt bikɔs a de wok fɔ prɛd di Gud Nyuz.

Fɔs Lɛta Fɔ Tɛsalonayka 4:11

Una fɔ mekɔp fɔ liv kwayɛt layf, una nɔ fɔ put mɔt pan ɔda pipul biznɛs, ɛn una fɔ wok fɔ unasɛf fɔ gɛt wetin una want, jɛs lɛkɛ aw wi bin dɔn tɛl una wɛn wi bin de wit una.

2 Kiŋ 6:2

so dɛn want fɔ go kɔt tik dɔŋ Riva Jɔdan we dɛn go tek mek abule. I ansa dɛn se lɛ dɛn go.