Apɔsul Dɛn Wok 17:4 - Krio Fɔs Oli Baybul

⁴ Sɔm pipul biliv wetin Pɔl ɛn Saylas tɛl dɛn ɛn jɔyn wit dɛn. Plɛnti dɛn Grik pipul biliv ɛn tɔn to Gɔd, ɛn sɔm pan di bigman dɛn wɛf sɛf biliv ɛn tɔn to Gɔd.

Apɔsul Dɛn Wok 17:4 Referans Kwoze

Apɔsul Dɛn Wok 17:12

Plɛnti Ju pipul dɛn bin biliv pan Jizɔs; sɔm dɛn pipul ya na bin Grik, man ɛn uman.

Apɔsul Dɛn Wok 14:4

Di pipul dɛn na di tɔŋ bin sheb; sɔm pipul bin de fɔ di Ju pipul dɛn ɛn sɔm bin de fɔ di apɔsul dɛn.

Apɔsul Dɛn Wok 13:43

Wɛn dɛn ɔl kɔmɔt na di Ju mitin os go na dɛn os, plɛnti Ju pipul dɛn fala Pɔl ɛn Banabas go, wit plɛnti pipul we nɔto bin Ju bɔt we bin gri fɔ tɔn to Ju. So Pɔl ɛn Banabas kɔrej dɛn fɔ mek dɛn abop pan Gɔd we gud to ɔlman ɛn we lɛk ɔlman ilɛk sɛf dɛn nɔ fit fɔ mek i lɛk dɛn.

2 Kɔrint 8:5

Wi nɔ bin de abop sɛf se dɛn go du so; dɛn gi Gɔd dɛn layf fɔs, dɔn dɛn lɛf dɛnsɛf na wi an lɛkɛ aw Gɔd want dɛn fɔ du.

Apɔsul Dɛn Wok 28:24

Sɔm pipul biliv wetin Pɔl tɔk, bɔt sɔm nɔ biliv.

Apɔsul Dɛn Wok 15:22

Di apɔsul dɛn, di bigman dɛn na di chɔch, ɛn ɔl di chɔch mɛmba dɛn gri fɔ pik sɔm pipul na di chɔch we dɛn fɔ sɛn wit Pɔl ɛn Banabas go na di Antiɔk chɔch. Di chɔch pipul dɛn pik Judas we dɛn bin de kɔl Basa bas, ɛn Saylas. Dɛn tu man ya, na bin pipul we di chɔch mɛmba dɛn rɛspɛkt.

Apɔsul Dɛn Wok 13:50

Bɔt di Ju pipul dɛn put wɔd na di bigman na di tɔŋ dɛn yes, dɔn dɛn put wɔd na dɛn big uman we nɔto bin Ju we fred Gɔd, dɛnsɛf yes. So dɛn du Pɔl ɛn Banabas bad bad tin dɛn ɛn drɛb dɛn kɔmɔt na di tɔŋ.

Apɔsul Dɛn Wok 21:28

Dɛn Ju pipul ya se, “Wi Izrɛl pipul dɛn, una kam ɛp wi! Na dis man de go ɔlsay de lan pipul bad tin dɛn bɔt wi di Izrɛl pipul dɛn, di Lɔ we Gɔd bin gi Mozis, ɛn Gɔd in Os na dis tɔŋ. Nɔto dat nɔmɔ i dɔn du, naw i dɔn briŋ Grik pipul dɛn kam insay Gɔd in Os fɔ pwɛl dis ples we na Gɔd yon!”

Apɔsul Dɛn Wok 19:10

I tek tu ia de ɛn dat mek di pipul dɛn na Eshya, di Ju pipul dɛn, ɛn dɛn pipul we nɔto bin Ju yɛri di Masta in mɛsej.

Apɔsul Dɛn Wok 18:4

Pɔl kin go na di Ju mitin os ɔl dɛn de we fɔ pre ɛn blo go tɔk to dɛn Ju ɛn dɛn Grik pipul, ɛn tray fɔ sho dɛn se na tru wɔd in de tɔk.

Apɔsul Dɛn Wok 17:34

Sɔm pipul biliv wetin Pɔl tɔk so dɛn jɔyn wit am. Dɛn na bin Dayonishɔs we na bin mɛmba na di kot we kin mit na Ario pagɔs il, wan uman we nem Dameris, ɛn sɔm ɔda pipul.

Apɔsul Dɛn Wok 17:17

So i kin go na di Ju mitin os fɔ go tɔk to dɛn Ju pipul we bin de pre to Gɔd ɛn dɛn pipul we nɔto bin Ju we bin de pre to Gɔd. Ɔltɛm i kin go na di ples we pipul kin gɛda fɔ tɔk to dɛn.

Apɔsul Dɛn Wok 16:3

Pɔl bin want Timoti fɔ go wit dɛn, so i mek dɛn sakɔmsayz Timoti, bikɔs ɔl di Ju dɛn na dɛn ples de, bin no se Timoti in papa na Grik man.

Apɔsul Dɛn Wok 15:40

Pɔl tek Saylas. Bifo dɛn go, di chɔch mɛmba dɛn na Antiɔk lɛf Pɔl ɛn Saylas na di Masta in an.

Apɔsul Dɛn Wok 15:32

Judas ɛn Saylas dɛnsɛf na bin prɔfɛt; dɛn tek plɛnti tɛm fɔ tɔk to di pipul dɛn ɛn dɛn kɔrej dɛn fɔ biliv mɔ.

Apɔsul Dɛn Wok 15:27

Wi sɛn Judas ɛn Saylas fɔ tɛl una wetin wi dɔn rayt.

Apɔsul Dɛn Wok 14:1

Di sem tin bi na Aykonyɔm. Wɛn Pɔl ɛn Banabas bin de na Aykonyɔm, dɛn go na di Ju mitin os; bay aw dɛn tɔk to di pipul dɛn plɛnti Ju pipul ɛn plɛnti pipul we nɔto bin Ju we kɔmɔt Gris, biliv pan Jizɔs.

Apɔsul Dɛn Wok 4:23

Wɛn dɛn fri Pita ɛn Jɔn, dɛn go mit di ɔda Kristiɛn dɛn ɛn tɛl dɛn wetin bi to dɛn ɛn wetin di bigman dɛn we de mek sakrifays fɔ pipul sin ɛn ɔl di ɔda bigman dɛn tɛl dɛn.

Apɔsul Dɛn Wok 2:44

Ɔl dɛn pipul we bin biliv pan Jizɔs bin de na wan ples wit wan at ɛn ɔlman bin de briŋ wetin i gɛt fɔ sheb am.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?

Sɔlɔmɔn In Siŋ Dɛm 6:1

Wɛl usay yu man we yu lɛk dɔn go naw, uman we fayn pas ɔl? Usay yu dɔn put ed, so dat wi kin ɛp yu luk fɔ am?

Prɔvabs 13:20

Udat de rakpala wit pipul we gɛt sɛns de gɛt sɛns, bɔt if yu se na fulman kabudu yu de rɔbskin wit, yu go tɔn rederaun.

Prɔvabs 9:6

Dɛn se if dɛn want fɔ ɛnjɔy dɛn layf, lɛ dɛn lɛf fɔ kip kɔmpin wit dɛn wan we nɔ gɛt sɛns; ɛn lɛ dɛn tink gud.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Apɔsul Dɛn Wok 17:10

Wɛn nɛt kam, di Kristiɛn dɛn mek Pɔl ɛn Saylas go na Biria. Wɛn dɛn rich de, dɛn go na di Ju mitin os.

Apɔsul Dɛn Wok 17:14

Di Kristiɛn dɛn mek dɛn kɛr Pɔl go wantɛm to sɔm pipul we bin tap klos di wata. Timoti ɛn Saylas bin lɛf na Biria.