Apɔsul Dɛn Wok 15:3 - Krio Fɔs Oli Baybul

³ Di chɔch mɛmba dɛn sɛn Pɔl ɛn Banabas go. Wɛn Pɔl ɛn Banabas bin de pas na Finishia ɛn Sameria, dɛn tɛl di chɔch pipul dɛn se dɛn pipul we nɔto Ju dɔn biliv Gɔd. Dis nyuz mek ɔl di Kristiɛn dɛn gladi bad.

Apɔsul Dɛn Wok 15:3 Referans Kwoze

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Apɔsul Dɛn Wok 21:5

Bɔt wɛn di tɛm rich fɔ kɔmɔt Taya, dɛn ɔl, man, wɛf, ɛn pikin go lɛf wi na rod wɛn wi de go. Wɛn wi rich na di sho, wi ɔl nil dɔŋ ɛn pre.

Taytɔs 3:13

Tray fɔ ɛp Zinas, we na lɔya, ɛn Apɔlɔs fɔ mek dɛn bigin go patrol, ɛn mek shɔ se dɛn gɛt ɔltin we dɛn fɔ gɛt.

1 Kɔrint 16:11

Nɔbɔdi nɔ fɔ luk se we i yɔŋ, i nɔ go ebul du bɛtɛ wok, bɔt una fɔ ɛp am mek i go gɛt kol at wɛn i de go dɛn ɔda say dɛn we i gɛt fɔ go, so dat i go kam bak kam mit mi; mi ɛn di ɔda Kristiɛn brɔda dɛn de luk in rod fɔ mek i kam bak to wi.

1 Kɔrint 16:6

I luk lɛkɛ se di tɛm we a go de wit una go lɔŋ lili bit, sɔntɛm a go de wit una ɔl di kol sizin; dɛn una go ɛp mi mek a go di ɔda say we a want go, ilɛk usay dat go bi.

Lɛta Fɔ Rom 15:24

a go lɛk fɔ pas to una naw we a de go Spen, ɛn afta a go dɔn de wit una fɔ sɔm tɛm, a go want mek una gi mi sɔm mɔni we go ɛp mi fɔ pe go de.

Apɔsul Dɛn Wok 15:12

Nɔbɔdi na di mitin nɔ se fiŋ wɛn dɛn yɛri wetin Banabas ɛn Pɔl de tɔk bɔt ɔl di wɔndaful wok dɛn we Gɔd mek dɛn du fɔ dɛn pipul we nɔto bin Ju.

2 Kɔrint 1:16

A bin dɔn mekɔp se a go go to una wɛn a de go Masidonia ɛn wɛn a de kam bak, so dat una kin ɛp mi fɔ mek a go Judia.

Apɔsul Dɛn Wok 28:15

Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.

Apɔsul Dɛn Wok 13:52

Dɛn pipul we bin biliv pan Jizɔs we bin de na Antiɔk bin gladi ɛn Gɔd in Spirit bin kam pan dɛn.

Apɔsul Dɛn Wok 13:48

Wɛn dɛn pipul we nɔto Ju yɛri dat, dɛn gladi ɛn dɛn prez di Masta fɔ wetin i tɛl dɛn. Dɛn pipul we Gɔd bin dɔn pik fɔ gɛt layf sote go, biliv pan Jizɔs Krays.

Apɔsul Dɛn Wok 8:14

Wɛn di apɔsul dɛn na Jerusɛlɛm yɛri se dɛn pipul we de na Sameria dɔn biliv Gɔd in wɔd, dɛn sɛn Pita ɛn Jɔn go to dɛn.

Lyuk 15:32

Aw wi nɔ fɔ ɛnjɔy wisɛf ɛn gladi, dis yu brɔda bin dɔn day, bɔt i dɔn gɛt layf bak; i bin lɔs, bɔt wi dɔn fɛn am.’”

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Apɔsul Dɛn Wok 15:1

Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Apɔsul Dɛn Wok 15:4

Wɛn Pɔl ɛn Banabas rich Jerusɛlɛm, di chɔch pipul dɛn, di apɔsul dɛn ɛn di chɔch bigman dɛn gladi fɔ si dɛn, ɛn Pɔl ɛn Banabas tɛl dɛn ɔl wetin Gɔd ɛp dɛn fɔ du.

Apɔsul Dɛn Wok 15:22

Di apɔsul dɛn, di bigman dɛn na di chɔch, ɛn ɔl di chɔch mɛmba dɛn gri fɔ pik sɔm pipul na di chɔch we dɛn fɔ sɛn wit Pɔl ɛn Banabas go na di Antiɔk chɔch. Di chɔch pipul dɛn pik Judas we dɛn bin de kɔl Basa bas, ɛn Saylas. Dɛn tu man ya, na bin pipul we di chɔch mɛmba dɛn rɛspɛkt.

Apɔsul Dɛn Wok 15:32

Judas ɛn Saylas dɛnsɛf na bin prɔfɛt; dɛn tek plɛnti tɛm fɔ tɔk to di pipul dɛn ɛn dɛn kɔrej dɛn fɔ biliv mɔ.

Apɔsul Dɛn Wok 17:15

Di pipul dɛn we go lɛf Pɔl, go wit am sote dɛn rich Atɛns. Wɛn dɛn de tɔn bak, Pɔl tɛl dɛn fɔ go tɛl Timoti ɛn Saylas fɔ kam mit am kwik.

Apɔsul Dɛn Wok 20:38

Di tin we mek dɛn sɔri pas ɔl na we i tɛl dɛn se dɛn nɔ go si am igen. Dɛn kɛr Pɔl na rod sote i rich na di big bot.