Apɔsul Dɛn Wok 15:1 - Krio Fɔs Oli Baybul

¹ Sɔm pipul kɔmɔt Judia go Antiɔk. Dɛn go tɛl di pipul dɛn na Antiɔk se, Gɔd nɔ go sev dɛn pas dɛn sakɔmsayz bikɔs na dat di Lɔ we Gɔd gi Mozis se.

Apɔsul Dɛn Wok 15:1 Referans Kwoze

Lɛta Fɔ Galeshya 5:6

Wans wi gɛt wanwɔd wit Krays, if wi sakɔmsayz ɔ wi nɔ sakɔmsayz, dat nɔ min natin. Bɔt di tin we gud pas ɔl nain dis: pipul fɔ no se wi biliv pan Krays bay aw wi lɛk wi kɔmpin mɔtalman.

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

Lɛta Fɔ Kɔlɔse 2:8

Una luk shap, mek nɔbɔdi nɔ mek una ful ɛn tɔn una lɛkɛ slev wit in yon mɔtalman sɛns we nɔ min natin; di tin dɛn we dɛn pipul ya de tɔk na wetin dɛn lɔntɛm pipul bin de lan pipul, ɛn na dɛn spirit we de rul dis wɔl mek dɛn no dɛn tin ya. Dɛn tin ya nɔ kɔmɔt to Krays.

Lɛvitikɔs 12:3

Di de we mek et afta i bɔn, i fɔ sakɔmsayz di pikin.

Apɔsul Dɛn Wok 15:24

Wi yɛri se sɔm pipul we kɔmɔt to wi na ya de mek tin traŋa fɔ una ɛn dɛn de kɔnfyus una wit di tin we dɛn de tɔk. Nɔto wi sɛn dɛn.

Jɔn 7:22

Mozis bin tɛl una fɔ sakɔmsayz una bɔy pikin dɛn (bɔt nɔto Mozis bin bigin fɔ sakɔmsayz, na una grampapa papa dɛn bin bigin fɔ du dat), so una de sakɔmsayz bɔy pikin di de fɔ pre ɛn blo.

Lɛta Fɔ Galeshya 2:1

Afta fotin ia, mi ɛn Banabas go bak na Jerusɛlɛm, a mek Taytɔs fala mi go.

Apɔsul Dɛn Wok 15:3

Di chɔch mɛmba dɛn sɛn Pɔl ɛn Banabas go. Wɛn Pɔl ɛn Banabas bin de pas na Finishia ɛn Sameria, dɛn tɛl di chɔch pipul dɛn se dɛn pipul we nɔto Ju dɔn biliv Gɔd. Dis nyuz mek ɔl di Kristiɛn dɛn gladi bad.

Apɔsul Dɛn Wok 6:14

Wi dɔn yɛri i de tɔk se Jizɔs, da man we kɔmɔt Nazarɛt, go brok Gɔd in Os kam dɔŋ ɛn i go chenj ɔl wetin Mozis bin lan wi grampapa papa dɛn we wi de du tide.”

Lɛta Fɔ Kɔlɔse 2:16

So una nɔ mek ɛnibɔdi tɛl una wetin una fɔ it ɔ wetin una fɔ drink; us pati kla de dɛn pan di ia fɔ pre to Gɔd; us de pan di mɔnt fɔ mek sɔntin fɔ mɛmba di nyu mun; us de pan di wik fɔ pre ɛn blo.

Apɔsul Dɛn Wok 21:20

Wɛn dɛn yɛri wetin Pɔl tɔk, dɛn ɔl prez Gɔd. Dɛn se, “Brɔda Pɔl, yu dɔn si ɔmɔs tawzin Ju pipul na Jerusɛlɛm dɔn bi Kristiɛn ɛn dɛn de kip wi Ju Lɔ gud gud wan.

Apɔsul Dɛn Wok 15:22

Di apɔsul dɛn, di bigman dɛn na di chɔch, ɛn ɔl di chɔch mɛmba dɛn gri fɔ pik sɔm pipul na di chɔch we dɛn fɔ sɛn wit Pɔl ɛn Banabas go na di Antiɔk chɔch. Di chɔch pipul dɛn pik Judas we dɛn bin de kɔl Basa bas, ɛn Saylas. Dɛn tu man ya, na bin pipul we di chɔch mɛmba dɛn rɛspɛkt.

Apɔsul Dɛn Wok 1:15

Wande, dɛn wan we biliv pan Jizɔs bin gɛt mitin; na bɔt wan ɔndrɛd ɛn twɛnti pipul bin go di mitin. Pita tinap midul di pipul dɛn

Apɔsul Dɛn Wok 15:23

Di chɔch pipul dɛn gi dɛn lɛta fɔ kɛr go; dɛn rayt na di lɛta se, “Wi, di apɔsul dɛn ɛn dɛn chɔch bigman, we na una brɔda dɛn, de sɛn adu to una dɛn pipul we nɔto Ju ɛn we biliv pan Jizɔs, we tap na Antiɔk, Siria, ɛn Silishia.

Apɔsul Dɛn Wok 15:32

Judas ɛn Saylas dɛnsɛf na bin prɔfɛt; dɛn tek plɛnti tɛm fɔ tɔk to di pipul dɛn ɛn dɛn kɔrej dɛn fɔ biliv mɔ.

Lɛta Fɔ Galeshya 6:12

Di pɔsin we want fos una fɔ mek una sakɔmsayz, jɛs want blɔf. Dɛn de du ɔl dat, so dat pipul nɔ go mek dɛn sɔfa, lɛkɛ aw dɛn go du, if dɛn biliv ɛn tɔk se Krays day fɔ sev mɔtalman.